1 Peter 1:7 - Patamuna New Testament Revised

⁷ Sàlà màlà meluntà pe ailon tetok auya'nokon wechi ittunài. Kolù, tùumattasen pe lànen nai'nùk màlà ittusak lùppù apok ke; màlàpàk uchi ailon tetok auya'nokon, wakù kolù yentai nai'nùk, ittu nàlà màlà meluntà pe iwettoppe. Màlàyau apulàntok wakù pe itekale we'nàtok molopai namantok yepolo auya'nokon màlà màlà Wei yattai Jesus Christ usenpoikasak yau.

1 Peter 1:7 ပူးပေါင်းရင်းမြစ်များ

Matthew 19:28

Jesus uya tok pàk, “Ailon kulu sàlà, Kàyik Mumu wechi chichiu pe wakù tapon po emennak pata weyu yattai yau, amyamlo 12 pan kon unenupassan wechi nàlà màlà chichiu pe aponnok yamùk po, 12 pan kon Israel mumu yamùk munkà yamùk ittutoppe auya'nokon.

Matthew 25:21

‘Wakù kussak auya man, wakù molopai ailon uyapyoto! Ailon pe ewessak man malalon nùkkwà pùlayatta pilipù pàk, màlàpàk àtùlù uya màlà eke yesappe ewechi pa. Àikkà utauchinpa tonpa pe ewechi pa!’ teppù itepulu uya.

Matthew 25:23

‘Wakù kussak auya man! Wakù molopai ailon uyapyoto, ailon pe ewessak man malalon nùkkwà pùlayatta pilipù pàk. Màlàpàk àtùlù uya màlà eke mainanpa pa. Àikkà molopai utauchinpa tonpa pe ewechi pa,’ teppù itepulu uya.

Luke 12:33

Itesak pe ewettok kon ichilanmatàk kon, molopai entuppa'nokon yemyak pùlayatta itùtàk kon. Tùupoippàtasen pen àpùlayattayi kon yen ikonekatàk kon molopai emamin kon ikuttàk kon epùn po. Màlà motau iwu'matù pen màlà, masapùla amak là wewomù pen màlà, molopai ene yamùk uya là yanù pen.

Luke 17:30

Màlà kasaichi iwechi màlà Kàyik Mumu usenpoika yau.

John 12:26

Ànù'là iche wettok ku'nài uyàpù màlà uya'là, molopai i'nailà là wechi yau, molo nàlà upoitolù wechi màlà. Ukàipùnù uya mùkkàlà yapulà màlà,” tukaik.

John 5:44

Essentak atapulàpainokon amyamlo, tùse Katù winàpaino neken apulàntok yepoloiche ewechi kon pen. Yà'là kasa ken ailon te auya'nokon?

Yeunossak kon Wotokoyi 8:20

Tùse Peter uya imaimu yeikuppù, “Tàwà àpùlayattayi nùmattai àpokonpe, masapùla Katù uya lepantok ye'ma auya pùlayatta ke pe yekamasak auya pàk!

Romans 2:10

Tùse Katù uya apulàntok, namantok, molopai ewan wàlàkkattok tùlù màlà tamù'nawolon kon wakù ku'nàinan yemyak, Jew yamùk yemyak molopai nàlà Jew yamùk pen yemyak.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

Romans 8:19

Tamù'nawolon Katù nùkonekassan enpen man tùmunkà yamùk yekama ya yentok yattai màmuku pàk.

1 Corinthians 3:13

iwotokoyi lùppù yenpoika màlà i'nai yekkwa pe là iwechi. Masapùla Wei uya inepù màlà akkwa yak. Apok ke yenpoika màlà, molopai apok uya màlà ittu i'nai kasa là tewin pàk kappon wotokoyi lùppù wechi.

1 Corinthians 4:5

Màlàpàk yà'làlà kùkkottùmatàu iwalai iweyu wapiya, Itepulu uyàpu imàmuttàk. Ewalupàttau yonansappe tùwessen nepù ya màlà akkwa yak molopai kappon yamùk usenumenkatok tok yewan yawon yenpoika ya màlà. Màlà yattai Katù winàpaino apulàntok yepolo tok uya màlà tewin pà'ne.

James 1:12

Tùutauchinpasen mùkkàlà kappon ailon pe tùwessen ittuntok kùlottawàlà. Masapùla ittuntok yentaika ya yau ilepa màlà wema'nà yalùko ke, e'mantok Katù uya itùlù tùuya tù'nùnmanài nan piyak teppù lùppù ke.

1 Peter 1:13

Màlàpàk uchi eusenumenkatok kon tùwekonekaik nechiik. Elanneppe kulu ettàk kon, molopai enpen ewettok kon ittùtàk kon tamù'nawàlà wakù Katù winàpaino pàk elepatok ike woton Jesus Christ usenpoikasak yau.

1 Peter 1:5

Ailon tetok Katù pàk yesak ton amyamlo, mùkkàlà meluntàlà màlà inotau ewettok kon pata weyu wenukapù ponalà. Katù uya tamù'nawolon kon kappon yamùk ittu yattai. Màlà yattai nen uchi àpùikattà kon ya màlà ikupù tùuya teppù tùuya kasa.

1 Peter 2:4

Jesus Christ piyak àitàk kon, nulànan tàk mùkkàlà inulunpasak lùppù kappon yamùk winà italumayippù pe, tùse yanùnsak lùppù Katù winà epekkeppe.

1 Peter 2:7

Sàlà màlà wakù kulu tàk amyamlo ailon tawonnan Katù pàk pona; tùse mùkyamlo ailon tawonnan pen pona: “Màlà tàk wechippù tapùi yamùnnan nenpàttùppù pe, màlà lùppù wenasak man iche kulu we'nàtok pe tùulon kon tàk yentai,” teppù nàlà. {Psa 118.22}

1 Peter 4:12

Utonpa yamùk, kesenumenkatàu àsà ituntok mettalumattà yatài'nùk ipàkànsau pàk, yà'làlà tùwekkussen pen wekkupù kasa àpàkù'nokon.

1 Peter 4:13

Tùse làkku atauchinpatàk kon masapùla Christ wettalumattàppù kasa ewettalumattà kon pàk, autauchinpa kon pa eke pe kulu itakkwayi usenpoikasak yau.

1 Peter 5:1

Sochi yennàinan àkklottau'nokon nai'nannùk tùpawanattàyaik, Iulà nàlà mùkkàlà sochi yennài. Christ wettalumattàtok lùppù yekamanài, molopai itakkwayi tùusenpoika woton pùkkù nàlà. Apawanattàyatàu Iulà:

2 Peter 1:1

Sàlà màlà kaleta Simon Peter, Jesus Christ yapyoto molopai ineunokoppù winàpaino, mùkyamlo wakù pe kùkatùyi wettok molopai pùikattànài Jesus Christ yai. Ilepasak kon ailon tetok wakù kulu, ina uya ailon tetok walai ke piyak inmenukappù.

2 Peter 1:4

Sàlà kasa lepansak kon ya màlà Katù yeselu wakù molopai eke ton kulu wakù pe we'nàtok itùlù tùuya teppù lùppù tùuya ke, màlà yanùmù auya'nokon winà mattanù'nài àli ànkuppai we'nàtok molo nai'nùk non po winàpai ewepe kon pa, molopai àuyàpù kon pa Katù yeselu pùkkù pe esse.

2 Peter 3:14

Màlàpàk uchi, utonpa yamùk, màlà wei màmukui'ma'nokon, ànùttu kon ikuttàk kon esuken molopai àli pe pùla ewechi kon pa Katù yenu yau, molopai echitonpa pe ewechi kon pa ipokonpe.

Jude 1:24

Mùkkàlà ewekkawai'ma kon tukaik àku'nài'nokon molopai esuken yà'làlà àli pùla enessai'nàk nokon, molopai tùutauchinpaik àtùnài'nokon wakù takkwayi yemloto pona yapulà nechii.

Revelation 1:7

Yentàk, nùyàssan katuppluk yau! Tamù'nawolon kon uya yene màlà. Mùkyamlo ipukapà'nài nan nùssan uya là. Tamù'nawolon kon kappon yamùk sàlà non pon kon usewankono'ma màlà iwenai. Ewaik, màlà kasa iwettok woton! Emen.

Revelation 2:10

“Yà'làlà ewettalumattàtok ike woton pàk kesenalippai! Masa yetakà! Makui uya eyittu màlà àtonpa yamùk tùlù tùuya patikichi tak winà 10 pe wei màlà ewettalumattà. Ailon pe mechiik, ewelikù ponalà, molopai wema'nàtok yalùko ke elepa uya màlà.

Revelation 3:10

Umaimu yawàlà ewessak man pàlikanài pe. Màlàpàk wakù pe nàlà àkupù uya màlà talumattàntok yattai. Nùyàssai'nùk tamù'nawolon non pona tamù'nawà kappon yamùk sàlà non pon kon ittuse.

Revelation 3:18

Eyekamappoyan Iulà, Kolù ye'ma pa uwinàpai, apok ke tùpottàik ikonekasak kolù, temamin ke ewechi pa. Aimu'nan pon nàlà ye'makà ewepontà pa yak, molopai eyesak iwapu pùn kuli'manài iwaputtàkà. En yipik nàlà ye'makà eyenu yipippe, wakù pe pata yene pa.