1 Peter 1:22 - Patamuna New Testament Revised

²² Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 Peter 1:22 ပူးပေါင်းရင်းမြစ်များ

John 15:17

Sàlà yamùk màlà enupantok uya, ‘Tùuchi'nùnmaik mettàik,’ tawon,” teppù Jesus uya.

John 15:3

Amyamlo wekonekasak man wakù pe masapùla umaimu yetasak auya'nokon pàk.

John 17:17

Àponalok pe tok ikonekakà ailon winà. Masapùla amaimu màlà ailon.

John 17:19

Molopai tok pàkànsau wettùsak sàlà tamù'nawàlà apyak, tok wettoppe nàlà ailon pe àponalok pe.

Yeunossak kon Wotokoyi 15:9

Tùpatalà'ne là ku'nàsak ya pùla man tok winàpai, esuken tok yewan konekappù ya màlà ailon tetok tok uya yai.

Yeunossak kon Wotokoyi 6:7

Màlàyau Katù Maimu usekamappù mailàlà. Molopai tukke màlà yentak Jerusalem po kappon yamùk wenappù Jesus ya'lon nà pe asse'ne. Tukke lànen uchi paatele yamùk uya ailon tetok yanùmùppù.

Romans 1:5

Mùkkàlà yai màlà Katù uya ukupùppù tùneunoko pe, Christ yesek pàkànsau, kappon yamùk tamù'nawolon pata yamùk yawolon kon Jew yamùk pen nà nen yatoppe uya ailon tetoppe tok uya, molopai Katù Maimu yawàlà tok wettoppe.

Romans 2:8

Tùse mùkyamlo tùpàkù'nokon neken tùsenumenkasan molopai ailon nulunpannan àli kuttoppe tùuya'nokon pàk àsà pe Katù we'naika màlà.

Romans 8:13

Masapùla ewemapù kon eyeselu kon maimu yawàlà yau, ewelikù kon màlà, tùse Wakù Akkwalù yapàikketù winà. Àli eyeselu kon yeleutanùssak auya'nokon yau, ewemapù kon màlà.

2 Corinthians 6:6

Wakù pe we'nàtok yau, pukkeppe we'nàtok yau, pàlikantok yau, molopai usentuppantok yau, Wakù Akkwalù yau, molopai ailon pùnùnmantok ina uya yau,

Galatians 3:1

Pakko ton Galatia pon kon! Ànùk uya ken epe pùla ewelaika kon pa àkupùppù kon? Eyemloto kon po ku yene kon pa Jesus Christ pukapàtùppù pulusuk pona yekamappù uya àpàkù'nokon?

Galatians 5:5

Tùse ailon tetok yai kulu imàmuku sàlà, ikasa we'nàtok Akkwalù winà enpen ipàk we'nà nai'nùk.

Galatians 5:7

Wakù ye'ma tawà ku mettantàu tà! Ànùk eyeleutanùttantàu molopai àkuttantàu ailon yawàlà ewettok kon pe pùla?

Ephesians 4:3

Ànùttu kon ikuttàk kon tewin ewettok kon Wakù Akkwalù nùtùlù kupù kon pa echitonpa pe we'nàtok ayachinài'nokon tamùkke winà.

Philippians 1:9

Molopai sàlà màlà wàpùlematok, echi'nùn pe ewettok wenatoppe eke peiwa màlà yentak ittutok ke molopai miya lùiwa i'napailà yentok ke.

1 Thessalonians 3:12

Tàwà Itepulu àtonpa kon pùnùnmatok auya'nokon molopai tamù'nawolon kon pùnùnmatok auya'nokon konekai ichemokkatoppe eke pe molopai eke peiwa molopai tàwà eke pe ina uya à'nùnmatok kon kasa kulu nenai .

2 Thessalonians 1:3

Tenki te kulu sàlà ina uya Katù pàk àpàkànsau'nokon tàwàlà, utonpa yamùk! Sàlà wechi màlà ikasa, masapùla ailon tetok auya'nokon Christ pàk yawàlà ewettok kon nenayan meluntà pe, molopai eke pe, molopai euchi'nùnmatok kon nenayan tense eke peiwa.

2 Thessalonians 2:13

Ina uya nen tenki te sàlà Katù pàk tàwàlà àpàkànsau'nokon, ina tonpa yamùk, amyamlo Itepulu nù'nùnma ton. Masapùla iwepyattà motapai Katù uya ayanùnsak kon màlà ewepùikattàtok kon yepolo kon pa, Wakù Akkwalù yapàikketù yai àkoneka tok kon pe, molopai ailon tetok auya'nokon ailon itekale pàk winà.

1 Timothy 1:3

Ephesus po ewechi iche wessaik, eyekamappoppù uya kasa Macedonia pona utà yau. Tùulon kon kappon yamùk ailon pen enupantok ke kappon yamùk yenupayan molo, molopai tok yeleutanùpù auya iche wessaik.

1 Timothy 1:5

Ailon uchi'nùnmantok pàk tok menupaik esukenan ewan yapai tùuyàsen, molopai tùwanmùla we'nàtok ewan yau yapai, molopai ailon tetok i'napailon kulu yapai.

1 Timothy 4:12

Ànùklà tùma'le tukaikno eyentak mule pe là ewechi pàk, tùse ailon tawonnan uya yentok ipàkàlà pe ekkà, euselupatok yau, eyeselu yau, euchi'nùnmantok yau, ailon tetok auya yau, molopai wakù pe esuken, àli pùla ewettok yau.

1 Timothy 5:2

nossan yamùk, koko yamùk, asanon kasa, molopai ema'nomichi àwàlichi ton kasa, tùwanmùla.

2 Timothy 1:14

Wakù ton apanamassan lùppù ike mùttuik, mùmainampaik Wakù Akkwalù kùyau tùwemassen meluntàlù yai.

Hebrews 11:8

Ailon tetok winà Abraham wechippù màlà Katù Maimu yawàlà tùkà'masak ya yau, molopai iitàppù tùpata woton pe itùlù tùuya teppù Katù uya tùpàk yak. Tùpata nàmàppù ya i'nailà tùutà ittui'ma pùla.

Hebrews 13:1

Euchi'nùnmakon pàk lùppùichi ettàk kon echitonpa ton pe.

Hebrews 5:9

Ikasa kulu Jesus wekonekasak pàk, mùkyamlo tùmaimu yawolon kon nà pùikattà ya màlà tàwàlàlà.

Hebrews 6:10

Katù mùkkàlà ikasa nai'nùk ku'nài. Àwotokoyi kon lùppù puttàka'nùpù ya pen màlà. I'nùnmatok auya'nokon enenpoikappù kon ipemonkono yamùk pùikattà pe molopai tok pùikattà pàk lùppù messatài'nùk.

Hebrews 9:14

Màlà yentai Christ mùnù wechi màlà apàikkeppe! Tàwàlàlà tùwemassen Wakù Akkwalù yai iwettùlùppù màlà wakù kulu imattakù pùn tùtùsen pe Katù yemyak, kùmakuyi kon yepeppe. Imùnù uya usenumenkantok kù'nokon ma màlà wakù pe tapulàsen pen wotoko winàpai, tàwàlàlà tùwemassen Katù ponaloppe we'wotokoman toppe.

James 1:21

Màlàpàk uchi tamù'nawolon àli ton eyeselu kon inonkatàk kon Katù Maimu yawàlà ettàk kon àssà'mùla, àsà pe pùla molopai màlà imaimu inpàmàppù eyewan kon yak yanùntàk kon, màlà àpùikattànài'nokon yeppe nai'nùk.

James 4:8

Àitàk kon Katù piyak mei pùla molopai iyàpù màlà mei pùla apyakù'nokon. Wakù pe eyemyatà kon ikuttàk kon, asa'lon ichenumenkatok kon kappon yamùk! Eyewan kon ikukatàk kon tùusennakasan!

1 Peter 1:2

Ayanùnsak kon màlà Katù yeselu yawàlà, Katù ponaloppe àkonekatok kon pe Wakù Akkwalù winà, molopai Jesus Christ maimu yawàlà ewechi kon pa molopai esuken ewena kon pa Jesus Christ mùnù winà. Tàwà wakù pe we'nàtok molopai echitonpa pe we'nàtok Katù winàpaino àponalok kon pe nenai eke pe.

1 Peter 2:17

Tamù'nawolon kon kappon yamùk inamatàk kon, ànù'là kappon ailon tawonnan i'nùnmatàk kon, nalik pe ettàk Katù pàk, molopai eke kulu itepulu inamatàk kon.

1 Peter 3:1

Màlà kasa làma ichi amyamlo ulichamichi, tùtayappù kenan kon atayappù kon yentai kettàu, ailon te tok uya pùla iwechi Katù Maimu pàk yau, ailon tetoppe tok uya wakù eyeselu kon pàkàlà, euselupa pàkàlà kulu pùla,

1 Peter 3:20

Pùsamloichi wechippù màlà akkwalùppà yamùk lùssan pe Katù Maimu yawàlà iwessak kon pen pe, tùusetakkaik pùla inmàmukussan Noah uya kanau koneka weyu yamùk yattai yau pe. Tukkan kon pen kappon yamùk wechippù kanau yau, 8 pan kon neken. Mùkyamlo wepùikattàppù màlà tuna winà.

1 Peter 3:8

Màlàyau sàlà yekama uya àpàkù'nokon: tamù'nawàlà tewin usenumenkantok yesappe mettàik molopai ekkaichalà usentupantok tùulon kon pàk; ànù'là kappon i'nùnmatàk kon àtonpa kon kulu pùnùnma auya'nokon kàsa, molopai tùusentuppasen pe ettàk kon molopai àsà'mùla, àsà pe pùla ànù'là kappon pokonpe.

1 Peter 4:17

Masapùla Ittuntok yattai weyu uyàssak man, ittuntok wepyattàtoppe; molopai Katù ponalok kon mùkyamlo wapiya ittu woton kon. Kùpàkù'nokon iwepyattà yau, atta ken iwenukapù mùkyamlo Wakù Itekale Katù winàpaino pàk ailon tawonnan pen pàk?

1 Peter 4:8

Wapiya kulu kappon yamùk tù'nùnmaik ettàk kon eke pe kulu, masapùla uchi'nùnmantok màlà tukkan àli waputtànài.

2 Peter 1:7

wakù pe esuken Katù kasa ewettok kon pona tonpa pàk usentupantok molopai tonpa pàk usentupan pona pùnùnmantok.

1 John 3:11

Masapùla sàlà màlà itekale enetappù kon iwepyattà motapai: “Tùuchi'nùnmaik mettàik,” tawon.

1 John 3:23

Sàlàichi màlà Katù uya suwa ekkà tetok: ailon tetoppe Tùmu Jesus Christ yesek pàk, molopai uchi'nùnmantoppe, Christ uya suwa ekkà tetok kasa.

1 John 4:12

Ànù'là uya Katù yensak pùla iwechi màlà; tùse echi'nùn pe we'nà'nokon yau, Katù wechi màlà kùyau'nokon molopai tù'nùn tùsak ya màlà kùyakù'nokon tamù'nawàlà.

1 John 4:20

Ànù'là uya, “Katù tù'nùnmayaik,” te, tùse tùtonpa yeya'nomanài, mùkkàlà wechi màlà, kasei pe. Masapùla Katù tùneneppù pen pùnùnmatok ya pùla iwechi màlà tùtonpa tùnene pùnùnmai'ma pùla.

1 John 4:7

Utonpa yamùk kulu, uchi'nùnmanpai'nokon uchi, masapùla uchi'nùnmantok màlà tùuyàssen Katù winàpai. Ànù'là, kappon pùnùnmanài wechi màlà Katù mule pe molopai Katù ittunài mùkkàlà.

Revelation 2:4

Tùse sàlàichi màlà wakù pe pùla ewechi pàk usenumenkatok ewinàkàik, wapiya u'nùnmappù auya kasa u'nùnma auya pùla man.