1 Peter 1:21 - Patamuna New Testament Revised

²¹ Mùkkàlà yai ailon tawonnan amyamlo Katù pàk, iwuluukanàippù weli'nàtok yapai, molopai ilepanàippù apulàntok ke; màlàpàk ailon tetok auya'nokon molopai enpen ewettok kon wettoppe Katù pàk.

1 Peter 1:21 ပူးပေါင်းရင်းမြစ်များ

Matthew 28:18

Jesus uyàpùppù màlà mei pùla molopai tok pàk, “Ulepasak man tamù'nawolon apàikkek ke epùn yau molopai non po.

John 12:44

Jesus wentaimeppù eke pe, “Ànù'là ailon nùkayai'nùk upàk uya, ailon te upàk neken nà pen màlà, tùse mùkkàlà nàlà uyeuno'nàippù pàk.

John 14:1

Jesus uya, “Kesewankono'matàu molopai kataimelunpatàu. Ailon katàk kon Katù pàk, molopai ailon katàk kon nàlà upàk,” teppù.

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

John 17:1

Sàlà yamùk pàk tùuselupa tùpo, Jesus uya tenu tùlùppù epùn winàkàik molopai iwàpùlemappù, “Ukàipùnù pata weyu uyàssak man. Àmu uchi inonkakà namantok patassek yak molopai Àmu uya anamatoppe.

John 17:24

“Ukàipùnù, pùsamo ulepatok kon auya wechi upyau iche wessaik yau wettok yau, namantok ulepatok auya yentoppe tok uya, masapùla u'nùnmappù auya màlà wolù wekoneka wapiya.

John 17:5

Ukàipùnù! sàlà pe eyemlotopo kùnonkak namantok patasek yak, wolù weppyattà wapiya apyau unamatok patassek yak.

John 3:34

Mùkkàlà Katù neunokoppù uya màlà Katù Maimu yekama, masapùla ipùkkù pùn Wakù Akkwalù ke Katù uya ilepasak màlà.

Yeunossak kon Wotokoyi 2:24

Tùse Katù uya iwuluukappù iwelittok yapai, ipùikattàppù ya weli'nàtok uya yi'ninpatok winàpai, masapùla weli'nàtok uya yachitok pùla iwechi pàk.

Yeunossak kon Wotokoyi 3:13

Abraham Katùyi, Isaac Katùyi, molopai Jacob Katùyi, ina tamo yamùk Katùyi uya, wakù apulàntok tùsak sàlà tapyoto Jesus yemyak. Pùsàlà tùlùppù auya'nokon itepulu yamùk yemyak, inulunpappù auya'nokon Pilate yemloto po, inonka pàk lànen iwekkussak tùse.

Yeunossak kon Wotokoyi 3:15

Màlàyau nen uchi wema'nàtok yesak wànàppù auya'nokon. Tùse Katù uya iwuluukappù weli'nàtok yapai molopai ina uya yeneppù molopai ina nekamayan.

Yeunossak kon Wotokoyi 4:10

Ittutàk kon, molopai tàwà tamù'nawàlà kappon tamùk Israel pon kon nùttui, pùsàlà kàyik wechi satippe eyemloto kon po tamù'nawàlà ichipittàsak Jesus Christ Nazareth pon yesek meluntàlù yai, mùkkàlà ànpukapàtùppù kon pulusuk pona, molopai Katù nùwuluukappù weli'nàtok yapai.

Romans 10:9

Anta kon ke, “Chirst wechi Itepulu pe,” yekama auya'nokon molopai ailon te auya'nokon eyewan kon yau Katù uya iwuluukappù weli'nàtok yapai pàk yau, ewepùikattà kon màlà.

Romans 4:24

Tùse kùponalok kon pe nàlà imenukasak màlà. Masapùla ikasa tùwessan pe tanùnsan pe we'nà'nokon pàk, kùmyamlo ailon tawonnan Katù pàk Jesus kùyepulu kon uluukanàippù weli'nàtok yapai wema'nàtok yak pàk.

2 Corinthians 6:15

Atta ken Christ molopai Belial, Settan tawonnan usenumenka tamùkke ekkaichalà? Yà'là ken molo nai ailon tawon molopai ailon tawon pen nùkupù ekkaichalà?

Ephesians 1:15

Sàlà wenai, ailon tetok auya'nokon Itepulu Jesus pàk molopai tamù'nawolon kon Katù ponalok kon pùnùnmatok auya'nokon yetasak uya motapai,

Colossians 1:27

Katù uya sàlà kupùppù màlà masapùla Jew yamùk pen uya sàlà wakù kulu molopai tùttusen pen ittu iche tùwechi pàk. Molopai màlà tùttusen pen màlà Christ wemapù ayau'nokon molopai mùkkàlà, mùkkàlà enpen ewettok kon Katù yapulàtok pùkkù pe ewechi kon pàk.

1 Timothy 1:1

Sàlà màlà kaleta Paul winàpaino. Katù Kùpùikattànài molopai Christ Jesus napyontàppù Iulà, Christ Jesus enpen we'nàtok ke lepanài neunoko pe.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

Hebrews 2:9

Tùse Jesus yene'nokon man, malalà inchelù yamùk ma'le imasak lùppù, sàlà pe nen uchi apulàntok molopai namantok ke yalùkottàsak man, masapùla weli'nàtok yau iwettalumattàsak pàk. Màlàpàk Katù wettok wakù pe winà, tamù'nawolon kon kappon yamùk ponaloppe weli'nàtok ittutoppe ya.

Hebrews 6:1

Wapiyalok kon enupantok Christ pàk nànpai'nokon man, molopai usemokkantok yak utànpai'nokon. Uselupan pàk lùppù we'nàpai pùla'nokon man, àli kùyeselu weli'nàtok ne'nài winàpài welattàntok molopai ailon tetok Katù pàk, pàk neken pùla.

Hebrews 7:25

Màlàpàk mùkyamlo Katù piyak tùuyàssan tùwinà pùikattànài kulu mùkkàlà tamù'nawàlà. Masapùla tàwàlàlà tùwemassen mùkkàlà Katù pawanattàtoppe tùuya tok pàkànsau.

1 Peter 1:11

Tok wechippù yà'là yattai iweyu wechi ittuiche molopai atta iyàpù ittuiche. Masapùla Wakù Akkwalù Christ winàpaino wechi tok yau uya sàlà yekamappù, wettalumattàntok Christ nùpàlika woton yekama tùuya'nokon yau, molopai yapulàtok ite'mappù pàk tùuyàssen.

1 Peter 1:3

Katù yapulàpai'nokon man Kùyepulu Jesus Christ Kàipùnù! Eke pe tùusentupatok yawàlà, kùlepappù kon ya wentutukkantoppe Jesus Christ wuluuka tùuya winà. Sàlà uya kùlepa kon màlà wema'nàtok pàk eke pe enpen we'nàtok ke.

1 Peter 3:22

Itàppù nai'nùk epùn pona, molopai namantok pata yau Katù yemyatù kamik pen winà nai'nùk. Tamù'nawolon kon inchelù yamùk yepulu mùkkàlà, tamù'nawolon kon apàikkek ton molopai tamù'nawolon kon meluntà ton yepulu.