1 Peter 1:18 - Patamuna New Testament Revised

¹⁸ Masapùla mùttuyatàik àpùikattàppù kon, italumayippù là ke pùla àli iteselu pe we'nàtok ananùmùppù kon atamo kon winàpai yapai. Yà'làlà tùumattasen chilùpa wapùla kolù kasa pùla iwechippù màlà;

1 Peter 1:18 ပူးပေါင်းရင်းမြစ်များ

Mark 8:37

Yà'làlà pùla iwechi màlà kappon nùtùlù woton tùwemattok yepo tukka toppe tùuya.

Romans 1:21

Katù ittunnan mùkyamlo, tùse yapulàtok molopai inamatok iponalok tùnnan pen. Tenki tawonnan pen mùkyamlo. Tok usenumenkatok wenasak màlà itenpù pe. Molopai tok usenumenkatok wenasak pakko pe molopai ewalupà pe.

1 Corinthians 3:20

Molopai tùulon tu'ma, “Itepulu Katù mùkkàlà pukkek usenumenkatok wechi yà'là pe pùla ittunài,” tawon. {Psa. 94.11}

1 Corinthians 6:20

Ye'masak kon amyamlo epekkeppe. Màlàpàk uchi àpun kon ke Katù inamatàk kon.

1 Corinthians 7:23

Eye'mappù kon màlà epekkek ke, kappon yamùk poitolù pe kenattàu.

Galatians 1:4

Christ wettùlùppù màlà tùmàlà pe kùmakuyi kon ponaloppe kùpùikattàtoppe tùuya sàlà italumayippù pata weyu winàpai, kùkatùyi kon molopai kùkàipùnù kon wettok iche yawàlà.

Ephesians 4:17

Itepulu Jesus yesek yau uchi wa ukayaik molopai tekamayaik tu'ma: Jew yamùk pen kasa ichi kemattàu, iichenumenkatok pùnon, kasa,

Titus 2:14

Iwettùlùppù màlà kùponalok kon pe, kùpùikattàse tamù'nawolon àli winàpai molopai kùkonekase esukenan kon kappon yamùk tùponalok kon pe kulu neken molopai wakù ànkuppai nokon kulu pe neken.

Hebrews 9:12

Itak iwewomùppù màlà tùmùnù winà. Kaapala mùnù molopai paka mule mùnù winà pùla. Tùse iwewomùppù màlà Wakù Kulu Patassek yak tewin itekkwa neken tamù'nawolon kon ponaloppe, tùmàlà pe là tàwàlàlà wepùikattàntok yepoloppù ya màlà kùponalok kon pe.

1 Peter 1:7

Sàlà màlà meluntà pe ailon tetok auya'nokon wechi ittunài. Kolù, tùumattasen pe lànen nai'nùk màlà ittusak lùppù apok ke; màlàpàk uchi ailon tetok auya'nokon, wakù kolù yentai nai'nùk, ittu nàlà màlà meluntà pe iwettoppe. Màlàyau apulàntok wakù pe itekale we'nàtok molopai namantok yepolo auya'nokon màlà màlà Wei yattai Jesus Christ usenpoikasak yau.

1 Peter 4:3

Masapùla eweyu kon yapulàppù auya'nokon pena ailon tawonnan pen nùkupù kupù pàk.Tùwe'namaik pùla àli pe ewemapùppù kon man, tùuseka'nonkaik eyewan kon wechippù iche ewettok kon kupù pàk, wetùnnàtok, tamùkke wepili'nàtok ata'letàse àli kuttok itenu yau, molopai akùlù pe ailon pen tùulon katù yemloto po wepeimantok yau.

1 John 3:5

Mùttuyatàik Christ uyàpùppù kappon yamùk makuyi mokkatoppe tùuya, molopai makui pùla iwechi màlà yau.