1 Peter 1:12 - Patamuna New Testament Revised

¹² Katù uya yenpoikappù màlà pùsamlo pàk tok wotokoyi wechi tok ponaloppe pùla, tùse àponalok kon pe, tok uselupappù ailon pàk màlà enetappù kon kasa. Wakù Itekale yekamannan ichelupasak kon Wakù Akkwalù meluntàlù yeunossak lùppù epùn poi winà uya, sàlà yamùk ailon ton yekamappù àpàkù'nokon. Sàlà yamùk uchi màlà inchelù yamùk lànen wettok ànùttupai.

1 Peter 1:12 ပူးပေါင်းရင်းမြစ်များ

Matthew 11:25

Màlà yattai Jesus uya wateppù, “Ukàipùnù, epùn molopai non yepulu! Tenki ukayaik àpàk. Masapùla pukkek ton molopai ichenupasak kon winàpai ànonamùppù yenpoikasak auya, mule yamùk yemyak pàk.

Matthew 11:27

“Ukàipùnù uya ulepasak màlà tamù'nawolon yà'làlà ke. Ànù'là pùla iwechi màlà Imu ittunài tùse Ikàipùnù neken, molopai ànù'là pùla iwechi màlà Ikaipùnù ittunài tùse Imu neken, molopai mùkyamlo ipàk Imu wettok enenpoikapai,” teppù ya.

Matthew 16:17

“Simon, Jonah mumu, ipùlemasak àmàlà! Masapùla sàlà usenpoikappù kappon winà là pen màlà tùse Ukàipùnù epùn pon winà.

Mark 16:15

Màlàyau, “Itàtàk kon tamù'nawolon pata yawàlà. Wakù Itekale yekamatantàk kon tamù'nawàlà kappon yamùk pàk,” teppù ya tok pàk.

Luke 15:10

Màlà kasa làma inchelù yamùk mùkyamlo tùutauchinpasan tewin nan nà àli ku'nài kappon welattàsak àli kuttok tùuya winàpai yau,” teppù Jesus uya.

Luke 2:26

Màlàyau ipàk, “Ewelikù pen màlà yeunoko tùuya tetok Itepulu uya, Christ, yene auya ponalà,” teppù ya.

Luke 9:6

Ya'lon kon utàppù màlà tamù'nawolon pata yamùk yawàlà Wakù Itekale yekama pe molopai kappon yamùk ipittà pe màttawàlà.

John 15:26

“I'napailon Akkwalù yeunoko uya màlà. Iyàpù màlà Ukàipùnù winàpai. Mùkkàlà Àpùikattànài Ukàipùnù winàpaino uselupa màlà upàk.

Yeunossak kon Wotokoyi 10:44

Peter uselupa lùppù tùse, Wakù Akkwalù uttàppù tamù'nawolon kon itekale yetan nan pona.

Yeunossak kon Wotokoyi 16:10

Asse'ne Paul uya we'neppà'nàtok walai yene tùpo, ina wekonekappù Macedonia pona tùutà tok kon pe, masapùla ina uya ittuppù Katù uya ina kà'masak Wakù Itekale yekamatoppe ina uya kappon yamùk molonkon nà pàk.

Yeunossak kon Wotokoyi 2:33

Iwuluukappù màlà kamik pen Katù yemyatù yak. Molopai Wakù Akkwalù yanùmùppù ya iwinàpai. Sàlà pe menyatài'nùk molopai metayatài'nùk màlà ilepatok ya eke pe.

Yeunossak kon Wotokoyi 4:31

Tok wàpùlema kassak yau, màlà pata tok wettok yau utattù'mappù. Tamù'nawàlà tok wanùssak wechippù Wakù Akkwalù ke molopai tok wepyattàppù Katù yekale yekama pàk meluntà pe.

Yeunossak kon Wotokoyi 4:8

Peter, iwanùssak Wakù Akkwalù ke uya tok maimu yeikuppù, “Kappon yamùk yepulu molopai Eke ton.

Yeunossak kon Wotokoyi 8:25

Tùuselupakapù kon molopai Itepulu maimu yekama tùpo, Peter molopai John tawonnan wennapoppù Jerusalem pona. Te'ma kon tawàlà tok uya Wakù Itekale yekamappù tukke pata yamùk Samaria pon kon yawàlà.

Romans 1:15

Màlàpàk àpàkù'nokon nàlà Wakù Itekale enekamapai kulu wessaik amyamlo Rome po tùwemassan.

Romans 1:17

Masapùla Wakù Itekale màlà Katù uya kappon yamùk yanùmù ikasa tùpokon pe yekamanài. Ailon tetok yawolon neken màlà, iwepyattàtok motapai iwenukapù ponalà. Katù Maimu uya, “Mùkkàlà iwekonekasak lùppù ikasa Katù pokonpe ailon tetok yai wemapù màlà,” te kasa. {Hab 2.4}

Romans 10:15

Molopai atta ken uchi itekale yekama, itekale yekamannan yeunossak pùla iwechi tùse? Katù Maimu uya, “Wakù kulu màlà Wakù Itekale ne'nàinan pùta!” te màlà. {Isa 52.7}

Romans 15:19

Sàlà kupùppù uya yensappe pùla nai'nùk wapiya, enumenkanài molopai usenalippantoppe ku'nài meluntàlù winà, molopai Wakù Akkwalù meluntàlù winà. Màlàpàk mei pai Jerusalem poi Illyricum pùkkù yak, Wakù Itekale yekamasak uya man tamù'nawàlà, Christ yekale.

1 Corinthians 2:10

Tùse Katù uya yenpoikappù màlà kùpàkù'nokon Takkwalù winà. Wakù Akkwalù mùkkàlà tamù'nawolon iwanài, i'napailon kulu nàlà Katù yeselu yamùk iwanài.

2 Corinthians 1:22

Mùkkàlà tùponaloppe we'nà'nokon yentok ipàkàlà tùnài kùpàkù'nokon, molopai Wakù Akkwalù ke kùlepanài'nokon kùyewan kon yak tamù'nawolon itesappe tùwettok lepantok tùuya kùponalok kon pe yentok ipàkàlà pe.

2 Corinthians 6:6

Wakù pe we'nàtok yau, pukkeppe we'nàtok yau, pàlikantok yau, molopai usentuppantok yau, Wakù Akkwalù yau, molopai ailon pùnùnmantok ina uya yau,

Galatians 1:12

Ànù'là kappon winàpai yepolo uya pùn, wapùla ànù'là uya ipàk uyenupa pùn. Tùse, Jesus Christ uya yenpoikasak yanùmùppù uya.

Galatians 1:16

Tùmu yenpoika pàk uyau, tekale yekama toppe uya Jew yamùk pen pàk, ànù'là yekamapposak uya pùla man sàlà pàk.

Ephesians 3:10

sàlà pe, sochi tawon kon yai, Katù pukketù tùpatalo'nan yekamattoppe inchelù yamùk pàk itepulu ton molopai apàikketton epùn yawolon kon pàk.

1 Thessalonians 2:9

Ewaik, mùttuyatàik, ina tonpa yamùk, sa'man pe ina we’wotokomappù. Ina we'wotokomappù wei kaichalà molopai ewalupàttawàlà, awanittàpa kon nà ina uya tukaik Wakù Itekale Katù winàpaino yekama tùuya’nokon yawàlà.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

Hebrews 11:13

Ailon tetok tùuya'nokon yau tamù'nawàlà pùsamlo kappon yamùk welikùppù màlà. Tok uya ikupù tùuya teppù Katù uya lùppù yepoloppù pen. Tok uya neken yeneppù meipai molopai tok utauchinpappù kulu ipàk. Tok uya kaklan yamùk pe molopai ipata pùnon pe tùwechi kon non po ittuppù nàlà màlà.

Hebrews 2:4

Katù uya tùmàlà pe, ailon pe sàlà itekale wechi ittutok ipàkàlà kupùppù màlà, tùpatalo'nan tensen yekkwa pen molopai enumenkannan kupù tùuya winà. Molopai Wakù Akkwalù winàpaino lepantok yamùk yekamùppù ya màlà teselu yawàlà.

Hebrews 4:2

Wakù Itekale yetappù'nokon nàlà man, tok uya yetappù kasa làma. Itekale yetappù tok uya tùse yà'là pe pùla tok pona iwechippù màlà. Masapùla mùkyamlo yetannan nùssan uya ailon tesak pùla iwechi pàk.

1 Peter 1:25

tùse Katù Maimu tùwemassen tàwàlàlà,” tesak kasa. {sa 40.6-8} Molopai sàlàichi màlà mayin àpàkù'nokon yekamasak lùppù.

1 Peter 4:6

Sàlà kasaichi iwechipàk Wakù Itekale yekamappù màlà iwelichak kon pàk nàlà, tok ittutoppe kappon yamùk kasa, tamù'nawolon kon kappon yamùk ittu kasa; Wakù Itekale yekamappù màlà tok wettoppe nulà takkwalù kon yau Katù wemapù kasa, tàwàlàlà.

Revelation 5:11

Uyenu tùtukkappù uya molopai tukkan kon inchelù yamùk yetappù uya. Tukke kulu tok wechippù tok ittu yentai. Aponnok woi sattippe, molopai nulànan kon ànùkyan nànan, molopai eke ton tùnamasan woi. (1000s molopai1000s molopai 10,000 x10,000.)