1 Peter 1:11 - Patamuna New Testament Revised

¹¹ Tok wechippù yà'là yattai iweyu wechi ittuiche molopai atta iyàpù ittuiche. Masapùla Wakù Akkwalù Christ winàpaino wechi tok yau uya sàlà yekamappù, wettalumattàntok Christ nùpàlika woton yekama tùuya'nokon yau, molopai yapulàtok ite'mappù pàk tùuyàssen.

1 Peter 1:11 ပူးပေါင်းရင်းမြစ်များ

Matthew 26:24

Kàyik Mumu welikù màlà Katù Maimu yau iwe'menukasak kasa, tùse àsà pe kulu iwechi màlà mùkkàlà Kàyik Mumu yeimipponài pona! Wakù peiwa iwettok pan, iwentu pùla iwessak yau!” tukaik.

Luke 24:44

Màlàyau tok pàk, “Sàlà yamùk uchi màlà àpàkù'nokon unekamappù apyau'nokon nùppù wechi yattai, tamù'nawolon imenukasak lùppù upàk Law Moses winàpaino yawon, molopai Katù Maimu yenpoikannan nùmenukappù yawon, molopai Psalms kaletayi yawon tawonnan wekkupùppù màlà ailon pe,” teppù Jesus uya.

John 12:41

Sàlà yamùk teppù Isaiah uya màlà masapùla Jesus yapulàtok yensak tùuya pàk, molopai ipàk ichelupappù.

Yeunossak kon Wotokoyi 16:7

Mysia pona tùuyàssak kon yau, Bithynia pona tùutàiche'nokon tok wechippù, tùse Jesus yakkwalù uya ikupùppù tok utà tukaik.

Romans 8:9

Tùse amyamlo nen mùkyamlo eyeselu kon wettok iche maimu yawàlà tùwemassan pen. Wakù Akkwalù wettok iche maimu yawàlà tùwemassan amyamlo, Katù yakkwalù wemapù kan ayau'nokon yau. Ànù'là Christ yakkwalù yesappe pùla nai'nùk wechi màlà iponaloppe pùla.

Galatians 4:6

Masapùla tùmunkà pe ewechi kon pàk Katù uya Tùmu Yakkwalù yeunokoppù màlà kùyewan kon yak, Akkwalù mùkkàlà yekamapponài “Ukàipùnù, Ukàipùnù,” tukaik.

2 Peter 1:21

Masapùla Katù yekale yekamasak lùppù uyàpùppù kappon yeselu neken winàpai pùla, tùse Katù Maimu yekamannannùssan yau Wakù Akkwalù wechippù; màlàpàk tok uya itekale Katù winàpai iyàssak lùppù yekamappù.

Revelation 19:10

Wekkawai'mappù itta piyau yapulàtoppe uya, tùse upàk, “Kùkkupùi! Apyoto Iulà àtonpa, molopai àtonpa yamùk tonpa tamù'nawàlà mùkyamlo ailon Jesus nenpoikappù yawàlà tùwemassan tonpa. Katù yapulàkà!” teppù ya. Masapùla màlà ailon, Jesus nenpoikappù uya màlà Katù Maimu yenpoikannan kupùppù tok uselupa toppe.