1 John 5:14 - Patamuna New Testament Revised

¹⁴ Sàlà kasaichi iwechi pàk meluntà pe we'nàtok Katù yemloto po yesappe we'nà'nokon màlà. Ittu'nokon kulu man kùyeta kon ya yà'làlà yenna tùpàk teselu yawàlà yau.

1 John 5:14 ပူးပေါင်းရင်းမြစ်များ

Matthew 21:22

Ailon te auya'nokon yau, yà'làlà enennappù kon àwàpùlema kon pe, yepolo auya'nokon màlà,” teppù Jesus uya.

John 11:42

“Tùttutai tàwàlàlà umaimu yetanài àmàlà, tùse wa te uya sàlà pùsamo upyau satippe nai'nannùk uya ailon te toppe uyeunossak auya pàk,” teppù Jesus uya.

John 14:13

Molopai yà'làlà yekamappo auya'nokon uyesek yai yau, ikupù uya màlà. Ukàipùnù yapulà toppe Imu winà.

John 15:7

Uyau ewemapù kon yau, molopai umaimu wechi ayau'nokon yau, iche ewettok yekamappokà molopai elepa màlà.

John 16:24

Sàlà tepose yà'là là yekamapposak auya'nokon uyesek yai pùla man. Yekamappotàk kon, molopai yepolo auya'nokon màlà, molopai autauchinpatok kon wechi màlà tamù'nawàlà,” teppù Jesus uya tok pàk.

John 9:31

Ittu'nokon man Katù uya tùmakuyi yawon maimu yeta pen. Tùse ànù'là Katù namanài molopai teselu ku'nài, mùkkàlà maimu yeta ya màlà.

Ephesians 3:12

Mùkkàlà yai nen uchi Katù yemloto pona uyà'nà sàlà tùwettalipaik pùla kùyanùmù kon ya ittui'ma ailon tetok kùuya'nokon ipàk yau.

Hebrews 10:35

Ailon tetok uchi auya'nokon ittutàk kon tàwàlàlà, masapùla eke kulu epeppù ne'nài màlà.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

Hebrews 3:6

Tùse Christ mùkkàlà ailon, paatele, imu. Molopai kùmyamlo mùkyamlo itùwùk, meluntà pe tùusenalippaik pùla molopai enpen we'nàtok kon pàk tùutachiik we'nà'nokon yau.

James 4:3

Molopai yenna auya'nokon yau, yeponài nan pen amyamlo masapùla eyeselu kon wechi àli pe pàk; yà'làlà yenna auya'nokon yapulà kon pa àli ànkupai ewettok kon pona suwa là tùusenumenkaik pùla.

James 5:16

Màlàpàk amakuyi kon yekamatàk kon àtonpa kon pàk, molopai àpùlematàk kon àtonpa kon pona, euchipittà kon pa. Masapùla wakù iwalai kappon wàpùlematok màlà meluntà pe apàikkeppe tùwe'wotokomasen.

1 John 2:28

Ewaik, umunkà yamùk, yau ettàk kon, meluntà pe ewechi kon pa ichenpoika yau molopai àuso'namù kon wekuli'mantok yau iwinàpai iyàttok Weyu yattai tukaik.