1 John 5:11 - Patamuna New Testament Revised

¹¹ Sàlàichi màlà yekamatok: Katù uya lepannàsak kù'nokon màlà tàwàlàlà wema'nàtok ke, molopai sàlà wema'nàtok màlà kùponalok kon Imu Jesus yau.

1 John 5:11 ပူးပေါင်းရင်းမြစ်များ

Matthew 25:46

Pùsamlo uchi yeunoko màlà tàwàlàlà talumattàntok yak. Wakù ton utà màlà tàwàlàlà wema'nàtok yak” teppù Jesus uya.

John 1:19

Sàlà màlà John nekamappù Jew yamùk Jerusalem pon kon uya paatele yamùk molopai Levi payan yamùk yeunossak ànùk pe là John wechi yekamappose yattai.

John 1:4

Mayin yau wema'nàtok wechippù molopai sàlà wema'nàtok uya akkwa nepùppù kappon yamùk weyuttànài pe.

John 10:28

Tok lepa uya màlà tàwàlàlà wema'nàtok ke, tok umatta pen. Molopai ànù'là uya tok mokka uyemyapai pen màlà.

John 12:50

Molopai tùttuyaik iichelupatok uya tàwàlàlà wema'nàtok tùlù. Màlàpàk yà'làlà tukaik uselupa màlà Ukàipùnù uya upàk yekamappù yawàlà,” teppù Jesus uya.

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

John 19:35

Mùkkàlà màlà yennàippù uya yekamappù molopai màlà ichelupatok lùppù wechi màlà ailon pe. Ailon pe yekama tùuya ittuppù ya màlà, molopai yekamappù ya màlà ailon te kon pa.

John 3:36

Ànù'là Imu pàk ailon tawon uya, tàwàlàlà wema'nàtok yepolo màlà. Tùse ànù'là Imu nulunpanài uya wema'nàtok yene pen màlà, tùse Katù we'naikatok wechi ipo tàwàlàlà.

John 4:36

Mùkkàlà ipili'nài uya tepeppù yepolo màlà, molopai kùyali pilipù ya tàwàlàlà wema'nàtok ponaloppe. Mùkyamlo ipànnài molopai ipili'nài tawonnan utauchinpa màlà tamùkke.

John 4:4

Màlà yattai Samaria polo iitàtok wechippù màlà.

John 5:21

Ikàipùnù uya iwelichak wuluuka molopai iwemattok ke tok lepa ya, kasa làma màlà Imu uya wema'nàtok ke mùkyamlo enlepapai tùwettok kon lepa.

John 5:26

Ikàipùnù yau wema'nàtok wechi kasa làma màlà Tùmu kussak ya wema'nàtok wettoppe yau.

John 6:40

Masapùla Ukàipùnù wechi màlà, tamù'nawolon kon Tùmu yennài molopai ailon tawonnan ipàk uya tàwàlàlà wema'nàtok yepolo iche. Molopai tok wuluuka uya màlà wema'nàtok yak tewinanùppù wei yattai,” teppù.

John 6:47

“Ailon kulu sàlà, mùkkàlà ailon nùkayai'nùk wechi màlà tàwàlàlà wema'nàtok yesappe.

John 6:68

Màlàyau Simon Peter uya imaimu yeikuppù, “Uyepulu, ànùk piyak uchi ina utà? Apyau nen mayin man tàwàlàlà wema'nàtok ke lepanài.

Romans 5:21

Màlàpàk uchi, makui wechippù meluntà pe weli'nàtok yak anài pe. Màlà kasa làma Katù wettok wakù pe wechi màlà meluntà pe tùwenasen pe ikasa we'nàtok winà, tàwàlàlà wema'nàtok ne'nài pe Jesus Christ kùyepulu kon yai.

Romans 6:23

Masapùla àli yepeppù màlà weli'nàtok. Tùse Katù uya lepantok màlà tàwàlàlà wema'nàtok Kùlaik Chisek, kùyepulu kon yai.

1 Timothy 1:16

Tùse ànù'là yentai àli pe kulu wechi pàk Katù usentuppappù màlà upàk tùwenukassen pen Christ Jesus wettok pàlikanài pe yentok ipàkàlà pe. Sàlà kupùppù ya màlà tùulon kon uya ailon tetoppe Christ pàk molopai tàwàlàlà wema'nàtok yepotoppe tok uya.

Titus 1:2

màlà enpen we'nàtok, tàwàlàlà wema'nàtok po iwekkusak. Katù, kasei pe tùwessen pen uya, kùlepa kon tùuya teppù lùppù sàlà wema'nàtok, sàlà non molopai yawon kon wepyatà wapiya,

1 John 2:25

Molopai sàlàichi màlà Christ uya itùlù tùuya kùpyakù'nokon teppù lùppù, tàwàlàlà wema'nàtok.

1 John 4:10

Sàlà walai uchi màlà pùnùnmantok: Katù pùnùnmappù kùuya'nokon pen màlà, tùse kù'nùnmappù kon ya molopai Tùmu yeunokoppù ya iwelittoppe kùmakuyi kon yepeppe.

1 John 4:9

Sàlà kasa Katù uya pùnùnmantok tùuya yenpoikappù kùponaloppe: tewinan Tùmu yeunokoppù ya sàlà non pona yai wema'nàtok yesappe we'nàtoppe.

1 John 5:10

Màlàpàk ànù'là ailon tawon Katù Mumu pàk wechi yekamatok tùuya yesappe tewan yau màlà, tùse ànù'là ailon tawon pen Katù pàk uya, kasei pe ikussak màlà, masapùla Katù uselupatok Tùmu pàk pàk ailon tesak ya pùla iwechipàk.

1 John 5:20

Ittu'nokon nàlà man Katù Mumu uyàssak molopai lepansak kon ya ittutok ke; ailon pe nainùk ittutoppe. Molopai mùkkàlà ailon pe nai'nùk yau we'nà'nokon man, Imu Jesus Christ yau. Pùsàlà ichi mùkkàlà ailon Katù molopai sàlàichi màlà tàwàlàlà wema'nàtok.

1 John 5:7

Masapùla pùsamlo àsolùwawon kon mùyamlo yekamannan.

3 John 1:12

Tamù'nawolon kon mùkyamlo Demetrius pàk tùselupassan wakù pe, masapùla ailon pe kulu iwechi pàk. Molopai ina nàlà ailon mùkkàlà nùkayan; molopai ina nùselupayai'nùk wechi ailon pe mùttuyaik.

Jude 1:21

molopai Katù yau tùutauchinpaik ettàk kon, Kùyepulu Jesus Christ uya tùusentuppatok winà elepa kon tàwàlà wema'nàtok ke màmukui'ma.

Revelation 1:2

John uya tamù'nawolon tùneneppù yekamasak man. Sàlàichi màlà inekamappù itekale Katù winàpaino, yenpoikasak Jesus Christ winà.

Revelation 22:1

Inchelù uya nàlà yenpoikappù upàk, tuna wema'nàtok palu crystal ulenpansak kasa tùusensen, Katù yapon molopai Kalinilu Mule winàpai tùuyàssen.