1 John 5:10 - Patamuna New Testament Revised

¹⁰ Màlàpàk ànù'là ailon tawon Katù Mumu pàk wechi yekamatok tùuya yesappe tewan yau màlà, tùse ànù'là ailon tawon pen Katù pàk uya, kasei pe ikussak màlà, masapùla Katù uselupatok Tùmu pàk pàk ailon tesak ya pùla iwechipàk.

1 John 5:10 ပူးပေါင်းရင်းမြစ်များ

John 3:16

Tù'nùn pe kulu kappon yamùk sàlà wolù pon kon kupù tùuya pàk Katù uya tewinan tù'nùn kulu tùmu tùlùppù ànù'là ailon tawon ipàk umatta pen, tùse tàwàlàlà iwemapù.

John 3:18

Ànù'là ailon tawon ipàk talumattàsak pen màlà, tùse ànù'là ailon tawon pen ipàk talumattàkasak màlà. Masapùla tewinan molopai i'nùn kulu Katù Mumu yesek pàk ailon tesak ya pùla iwechi pàk.

John 3:33

Ànù'là uya ichelupatok yanùnsak yau, ailon pe Katù wechi yekama ya màlà.

John 5:38

Wapùla Imaimu wemapù là ayau'nokon pùla, masapùla ailon te auya'nokon mùkkàlà ineunokoppù pàk pùla iwechi pàk.

Yeunossak kon Wotokoyi 8:37

Philip uya wateppù ipàk, “Eusenpataukaichi màlà ailon te auya tamù'nawàlà eyewan ke yau,” teppù ya. “Ailon ukayaik, Jesus Christ wechi Katù Mumu pe pàk,” tukaik imaimu yeikuppù ya.

Romans 8:16

Wakù Akkwalù mùkkàlà echipatùnayi pe tùwessen kùyakkwalù kon pokonpe Katù munkà yamùk pe we'nà'nokon yekama pe.

Galatians 4:1

Tùse sàlà ittutàk kon. Walawok muleppù tùkàipùnù yemamin yanùmù woton tùkussen appyoto kasa mule pe iwechi yau, tamù'nawolon yesappe lànen iwechi tùse.

Galatians 4:6

Masapùla tùmunkà pe ewechi kon pàk Katù uya Tùmu Yakkwalù yeunokoppù màlà kùyewan kon yak, Akkwalù mùkkàlà yekamapponài “Ukàipùnù, Ukàipùnù,” tukaik.

Colossians 3:3

Masapùla ewelichak kon man, molopai ewemattok kon yonansak man Christ pokonpe Katù yau.

Hebrews 3:12

Utonpa yamùk, masa yentàk kon, àli pe eusenumenkatok kon wapùla ailon te pùla we'nàtok ànù'là lattàtak, tùwemassen Katù winàpai.

2 Peter 1:19

Màlàpàk kulu ina nùttuyan Katù Maimu yenpoikannannùssan yekale wechi ailon pe. Màlàpàk uchi wakù ikuttàk kon mei pùla tok nekamappù yene auya'nokon yau, akkwa yene auya'nokon ewalupàttau kasa, yene pàk mettàik pata wemapà yene auya'nokon kaiwonok uyàpù ewalupàttau pata wemapù ponalà kasa.

1 John 1:10

“Wemakuimasak pùla iwechi màlà.” te kùuya'nokon yau, kasei pe tùwessen pe màlà Katù kupù'nokon molopai imaimu wechi kùyau'nokon pen.

1 John 5:1

Ànù'là ailon tawon Jesus wechi Christ pe pàk wechi màlà Katù mule pe; molopai ànù'là ikàipùnù pùnùnmanài uya nàlà màlà imle pùnùnma.

Revelation 12:17

Màlàyau ulupelu we'naikasak kulu wechippù màlà nossan pàk. Molopai iitàppù imle tonpassan panta'mase, tamù'nawolon kon Katù uya enupantok maimu yawolon kon, molopai ailon Jesus winà yenpoikasak lùppù pàk ailon pe tùwessan panta'mase.

Revelation 2:17

“Tàwà tùpana ke nai'nùk, Wakù Akkwalù uya sochi yamùk yelupatok yetai. Mùkyamlo entaikan nan nùssan lepa uya màlà tonantau tùwessen kùyali manna ke. Aimu'nan tàk ke nàlà tok lepa uya màlà. Sàlà wechi màlà emennak esek menukasak ipàk, ànù'là nùttu pen tùse yeponàippù neken nùtttu.”

Revelation 2:28

Molopai ko'làmalok kaiwonok ke nàlà tok lepa uya.