1 John 5:1 - Patamuna New Testament Revised

¹ Ànù'là ailon tawon Jesus wechi Christ pe pàk wechi màlà Katù mule pe; molopai ànù'là ikàipùnù pùnùnmanài uya nàlà màlà imle pùnùnma.

1 John 5:1 ပူးပေါင်းရင်းမြစ်များ

Matthew 16:16

Simon Peter uya yeikuppù, “Yeunossak àmàlà Christ, tàwàlàlà tùwemassen Katù Mumu,” tukaik.

Luke 7:5

Ina tonpa yamùk ku'nài mùkkàlà tù'nùn pe, molopai ina wepilittok itak woton yamùppù ya ina ponaloppe, tùmàlà pe,” tukaik.

John 1:3

Mùkkàlà yai tamù'nawolon wekonekappù. Yà'làlà mùkkàlà pokonpe pùla ikonekasak pùn ikonekasak kùlottau.

John 15:23

Mùkkàlà tewanma pe uku'nài uya nàlà màlà nai'nùk Ukàipùnù kupù tewanma pe.

John 3:3

“Ailon kulu sàlà, tùwentutu'maik pùla echii'ma ànù'là uya Katù wettok itepulu yene pen màlà,” teppù Jesus uya.

John 6:69

Ailon nùkayan ina, molopai ina nùttuyan wakù kulu àmàlà Katù winàpaino,” tukaik.

John 8:42

Jesus uya tok pàk, “Katù wechi àkàipùnù kon pe yau, u'nùnmatok auya'nokon pan. Masapùla Katù winàpai uyàsak pàk, molopai sàlà pe talà wessaik. Uyiwalà uyàsak pen, tùse mùkkàlà uya uyeunossak.

Yeunossak kon Wotokoyi 8:36

Asantawà tùutà kon pe tok uyàpùppù patassek tuna wettok yau yak, molopai Ethiopia pon itepulu uya, “Sàlà kunaik tuna. Yà'là uya ken uchi uyeleutanùpù usenpataukatok winàpai?” teppù.

Yeunossak kon Wotokoyi 8:37

Philip uya wateppù ipàk, “Eusenpataukaichi màlà ailon te auya tamù'nawàlà eyewan ke yau,” teppù ya. “Ailon ukayaik, Jesus Christ wechi Katù Mumu pe pàk,” tukaik imaimu yeikuppù ya.

James 1:18

Teselu winà Katù uya kùnepùppù kon emennak wema'nàtok yak màlà ailon tùmaimu yai, wapiyalok pata yau we'nàtoppe tùponalok kon kappon yamùk kùlottau.

1 Peter 1:3

Katù yapulàpai'nokon man Kùyepulu Jesus Christ Kàipùnù! Eke pe tùusentupatok yawàlà, kùlepappù kon ya wentutukkantoppe Jesus Christ wuluuka tùuya winà. Sàlà uya kùlepa kon màlà wema'nàtok pàk eke pe enpen we'nàtok ke.

1 John 2:10

Mùkkàlà tùtonpa ku'nài tù'nùn pe wemapù màlà Akkwa yau tàwàlà, molopai yà'làlà pùla iwechi màlà yau ànù'là uya àli kuttoppe iku'nài.

1 John 2:29

Mùttuyatàik ku Christ wechi iwalai pe wakù pe tùwessen pe; ittuichi auya'nokon pàk, tamù'nawolon kon iwalai ku'nài nan wechi Katù munkà yamùk pe.

1 John 3:14

Ittu'nokon man weli'nàtok nànsak kùuya'nokon molopai uyà'nàsakù'nokon wema'nàtok yak, masapùla kùtonpa kon pùnùnma'nokon pàk. Mùkyamlo tùtonpa kon pùnùnmatok ya pùnon wechi lùppù màlà weli'nàtok yau.

1 John 3:17

Tukke temamin ke we'nà molopai tonpa wannà wettalumattà yà'làlà pùla yene, tùse usentupantok ipàk pùla we'nà kùyewan kon yau, atta ken, “Katù pùnùnmatok uya ike molo man uyewan yau,” te kùuya'nokon?

1 John 3:9

Katù munkà yamùk pe nai'nannùk mùkyamlo tùwemakuima pàk lùppù tùwessan pen, masapùla, Katù yeselu wechi tok yau pàk, molopai Katù wechi tok kàipùnù pe pàk, tok wemakuima yentai màlà iwechi.

1 John 4:2

Sàlà kasaichi Katù Yakkwalù wechi ttu auya'nokon màlà. Tamù'nawolon kon Jesus Christ wenappù kappon pe yekamanài wechi màlà Akkwalù Katù winàpaino yesappe.

1 John 4:20

Ànù'là uya, “Katù tù'nùnmayaik,” te, tùse tùtonpa yeya'nomanài, mùkkàlà wechi màlà, kasei pe. Masapùla Katù tùneneppù pen pùnùnmatok ya pùla iwechi màlà tùtonpa tùnene pùnùnmai'ma pùla.

1 John 4:7

Utonpa yamùk kulu, uchi'nùnmanpai'nokon uchi, masapùla uchi'nùnmantok màlà tùuyàssen Katù winàpai. Ànù'là, kappon pùnùnmanài wechi màlà Katù mule pe molopai Katù ittunài mùkkàlà.

1 John 5:18

Ittu'nokon man ànù'là Katù mule wechi tùwemakuima pàk tùwessen pe pùla, masapùla Katù Mumu uya ikupù wakù pe pàk, molopai, Mùkkàlà Ene Makui uya yappàtù pen màlà.

1 John 5:4

Masapùla tamù'nawolon kon Katù munkà wechi wolù yeselu yentaikannan yek pe. Sàlà kasaichi màlà wolù yentaika'nokon: ailon tetok kùuya'nokon ke.

1 John 5:5

Ànùk uya ken wolù yeselu yentaika? Mùkkàlà neken ailon tawon Jesus wechi Katù Mumu pe pàk uya yentaika màlà.