1 John 4:9 - Patamuna New Testament Revised

⁹ Sàlà kasa Katù uya pùnùnmantok tùuya yenpoikappù kùponaloppe: tewinan Tùmu yeunokoppù ya sàlà non pona yai wema'nàtok yesappe we'nàtoppe.

1 John 4:9 ပူးပေါင်းရင်းမြစ်များ

Mark 12:6

Umà yesak piyau màlà tewin nan nùppù kappon wechippù ineunoko i'nùn kulu imu, màlàyau mùkkàlà yeunokoppù ya, ‘Tok uya ken umu nama ko,’ tei'ma.

Luke 4:18

“Wakù Akkwalù Itepulu winàpaino upo man. Ukalapaimasak ya man, Wakù Itekale yekamatoppe uya entuppa'nokon pàk. Uyeunossak ya man, wemokkantok yekamatoppe uya yachisak kon pàk molopai enpùnon yentoppe. Molopai tùtalumattàsan mokkase tok talumattàtok yapai. Itepulu Katù uya tùponalok kon kappon yamùk pùikattàtok yattai yekama toppe uya!” tukaik.

John 10:10

Amak uyàpù màlà amak pe esse, wànse, molopai mattanù'nàse. Uyàssak sàlà wema'nàtok yesappe tok wettoppe, eke pe itesak pe tok wettoppe.

John 14:6

Jesus uya, “Iulà mùkkàlà asanta, ailon molopai wema'nàtok. ànù'là uyàpù Ukàipùnù piyak pen màlà, tùse uwinà neken.

John 3:16

Tù'nùn pe kulu kappon yamùk sàlà wolù pon kon kupù tùuya pàk Katù uya tewinan tù'nùn kulu tùmu tùlùppù ànù'là ailon tawon ipàk umatta pen, tùse tàwàlàlà iwemapù.

John 3:18

Ànù'là ailon tawon ipàk talumattàsak pen màlà, tùse ànù'là ailon tawon pen ipàk talumattàkasak màlà. Masapùla tewinan molopai i'nùn kulu Katù Mumu yesek pàk ailon tesak ya pùla iwechi pàk.

John 5:23

Tamù'nawolon kon uya Imu nama toppe, Ikàipùnù nama tùuya'nokon kasa. Ànù'là Imu namanài pen uya Ikàipùnù yeuno'nàippù nama pe pùla iwechi màlà.

John 6:29

Jesus uya tok maimu yeikuppù, “Sàlà màlà Katù wotokoyi, ailon te auya'nokon ineunokoppù pàk,” tukaik.

John 6:51

Iulà mùkkàlà nulànan pùlomù pusak epùn poino. Ànù'là ina'nàippù wemapù màlà tàwàlàlà. Molopai sàlà pùlomù pusak màlà upun untùlù nulà we'nàtok ke lepanài, wolù yawon kon kappon yamùk wemattok ike pe,” teppù nàlà Jesus uya tok pàk.

John 6:57

“Tùwemassen Ukàipùnù uya uyeunossak sàlà, màlàpàk nàlà wemapù sàlà Ukàipùnù pàkànsau. Màlà kasa làma upàk tùuta'lettàsen wemapù màlà upàkànsau.

John 8:29

Uyeununo'nàippù mùkkàlà upyauwon, tewincha unànnài pen mùkkàlà. Masapùla tàwàlàlà yauchinpanài ku'nài Iulà,” teppù.

John 8:42

Jesus uya tok pàk, “Katù wechi àkàipùnù kon pe yau, u'nùnmatok auya'nokon pan. Masapùla Katù winàpai uyàsak pàk, molopai sàlà pe talà wessaik. Uyiwalà uyàsak pen, tùse mùkkàlà uya uyeunossak.

John 9:3

Jesus uya tok maimu yeikuppù, “Pùsàlà kàyik wapùla ikàipùnù, ichan tawonnan wemakuimasak pàkànsau pùla là, tùse Katù meluntàlù usenpoikatok yai pe iwechi màlà.

Romans 8:32

Tùmu wenai iwechippù pen màlà, tùse itùlùppù ya tamù'nawolon kon kùponalok kon pe iwelittoppe! Tùmu ke kùlepappù kon ya kùlepa kon ya pen ken na' uchi tamù'nawolon yà'làlà ke wakù pe tùwettok yapai?

Hebrews 1:5

Masapùla inchelù yamùk pàk, “Umu àmàlà, sàlà pe Àkàipùnù pe wenasa'man,” tawon pen. Wapùla Katù uya, “Ikàipùnù pe wena màlà, molopai Umu pe iwechi màlà,” tesak pùla iwechi màlà tok pàk

1 John 3:16

Sàlà kasaichi màlà uchi'nùnmantok ittu: Christ uya tùwemattok tùlùppù kùponalok kon pe. Màlà kasa nàlà wema'nàtokù'nokon tùlù màlà tonpa wannà yamùk ponaloppe!

1 John 4:10

Sàlà walai uchi màlà pùnùnmantok: Katù pùnùnmappù kùuya'nokon pen màlà, tùse kù'nùnmappù kon ya molopai Tùmu yeunokoppù ya iwelittoppe kùmakuyi kon yepeppe.

1 John 4:16

Molopai ittu'nokon man molopai ailon te'nokon Katù piyawon pùnùnmantok kùponalok pàk. Katù mùkkàlà pùnùnmanài, molopai ànù'là uchi'nùnmantok yau tùwemassen wemapù màlà Katù yau, molopai Katù wemapù yau.

1 John 5:11

Sàlàichi màlà yekamatok: Katù uya lepannàsak kù'nokon màlà tàwàlàlà wema'nàtok ke, molopai sàlà wema'nàtok màlà kùponalok kon Imu Jesus yau.

1 John 5:13

Emenuka kon uya sàlà tàwàlàlà wema'nàtok yesappe ewechi kon ittu kon pa. Amyamlo ailon nùkayai'nannùk Katù Mumu yesek pàk.