1 John 4:8 - Patamuna New Testament Revised

⁸ Ànù'là, kappon pùnùnmanài pen uya Katù ittu pùla iwechi màlà, masapùla Katù mùkkàlà pùnùmanài.

1 John 4:8 ပူးပေါင်းရင်းမြစ်များ

2 Corinthians 13:11

Iwenukapù pe Utonpa yamùk, eichilà man! Apawanattàtok kon uya yetatàk kon, tamù'nawàlà wakù pe nai'nùk winàkàik itàtàk kon, tewin ichenumenkatok ettàk, echitonpa pe emattàk kon. Molopai Katù pùnùnmantok molopai echitonpa pe we'nàtok yesak wechi apyau'nokon màlà.

Ephesians 2:4

Tùse Katù usentupatok màlà eke kulu, molopai kù'nùnmatok kon ya eke kulu.

Hebrews 12:29

Masapùla kùkatùyi kon kulu mùkkàlà mattanù'nài apok.

1 John 1:5

Sàlàichi màlà Itekale ina netappù Imu winàpai molopai ina nekamayai'nùk àpàkù'nokon: Katù mùkkàlà akkwa molopai ewalupà là pùla kulu iwechi màlà yau.

1 John 2:4

“Katù ittunài Iulà,” tawon, tùse suwa ekkà tetok ya maimu yawàlà pùla echii'ma wechi màlà, kasei pe, molopai ailon pùla yau iwechi.

1 John 2:9

Mùkkàlà “Akkwa yau tùwemassen Iulà, ” tawon tùse tùtonpa yeya'nomanài wechi màlà ewalupàttau sàlà tepose.

1 John 3:10

Sàlà màlà tùpatalà kulu Katù munkà yamùk molopai Makui munkà yamùk wechi yekamanài: ikasa pùla tùwessan wapùla tùtonpa pùnùnman nan pen wechi màlà Katù munkà pe pùla.

1 John 3:6

Màlàpàk tamù'nawolon kon Christ yau tùwemassan mùkyamlo makui yau lùppù tùwemassan pen; tùse ànù'là makui yau lùppù tùwemassen uya màlà Christ yensak pùla iwechi, molopai ittusak ya yà'là yattai là pùla iwechi.

1 John 4:16

Molopai ittu'nokon man molopai ailon te'nokon Katù piyawon pùnùnmantok kùponalok pàk. Katù mùkkàlà pùnùnmanài, molopai ànù'là uchi'nùnmantok yau tùwemassen wemapù màlà Katù yau, molopai Katù wemapù yau.

1 John 4:7

Utonpa yamùk kulu, uchi'nùnmanpai'nokon uchi, masapùla uchi'nùnmantok màlà tùuyàssen Katù winàpai. Ànù'là, kappon pùnùnmanài wechi màlà Katù mule pe molopai Katù ittunài mùkkàlà.