1 John 4:20 - Patamuna New Testament Revised

²⁰ Ànù'là uya, “Katù tù'nùnmayaik,” te, tùse tùtonpa yeya'nomanài, mùkkàlà wechi màlà, kasei pe. Masapùla Katù tùneneppù pen pùnùnmatok ya pùla iwechi màlà tùtonpa tùnene pùnùnmai'ma pùla.

1 John 4:20 ပူးပေါင်းရင်းမြစ်များ

John 13:35

Tùuchi'nùnmaik ewechi kon tense, tamù'nawolon kon uya eyittu kon màlà unenupa ton pe ewechi kon,” teppù Jesus uya.

1 Peter 1:8

À'nùn pe iku'nài nan amyamlo, yensak auya'nokon pùla lànen iwechi tùse; ailon tawonnan amyamlo ipàk yene auya'nokon pùla lànen tùse sàlà pe; màlàpàk eke pe autauchinpa kon màlà yekama yentai wakù utauchinpantok ke,

1 John 1:6

Echitonpa pe ipokonpe ina man tei'ma'nokon, nàlà wema'nà ewalupàttau yau, kasei pe we'nà màlà asakklàma kùmaimu yau molopai welaikantok yau.

1 John 1:8

“Imakuyi pùn nen Iulà,” te kùuya'nokon yau, usennakan nokon màlà molopai ailon pùla iwechi màlà kùyau'nokon.

1 John 2:11

Màkkàlà tùtonpa yeya'nomanài wechi màlà ewalupàttau molopai ewalupàttau ichalà. I'nai yailà là tùutà ittu ya pen masapùla ewalupà uya enpùla ikussak pàk.

1 John 2:4

“Katù ittunài Iulà,” tawon, tùse suwa ekkà tetok ya maimu yawàlà pùla echii'ma wechi màlà, kasei pe, molopai ailon pùla yau iwechi.

1 John 2:9

Mùkkàlà “Akkwa yau tùwemassen Iulà, ” tawon tùse tùtonpa yeya'nomanài wechi màlà ewalupàttau sàlà tepose.

1 John 3:17

Tukke temamin ke we'nà molopai tonpa wannà wettalumattà yà'làlà pùla yene, tùse usentupantok ipàk pùla we'nà kùyewan kon yau, atta ken, “Katù pùnùnmatok uya ike molo man uyewan yau,” te kùuya'nokon?

1 John 4:12

Ànù'là uya Katù yensak pùla iwechi màlà; tùse echi'nùn pe we'nà'nokon yau, Katù wechi màlà kùyau'nokon molopai tù'nùn tùsak ya màlà kùyakù'nokon tamù'nawàlà.