1 John 4:2 - Patamuna New Testament Revised

² Sàlà kasaichi Katù Yakkwalù wechi ttu auya'nokon màlà. Tamù'nawolon kon Jesus Christ wenappù kappon pe yekamanài wechi màlà Akkwalù Katù winàpaino yesappe.

1 John 4:2 ပူးပေါင်းရင်းမြစ်များ

John 1:14

Mayin wenappù màlà kappon pe, kùklottau'nokon iwemapùppù. Ailon, wakù pe iwettok yeneppù ina uya, mùkkàlà neken tewinan yapulàtok, iyàssak lùppù tùkàipùnù winàpai wakù pe tùwettok molopai ailon pokonpe.

1 Corinthians 12:3

Ittu auya'nokon iche wessaik, ànù'là Wakù Akkwalù winà tùuselupasen uya, “Tàwà Jesus pa'nùpù nechii,”te pùla iwechi màlà. Molopai ànù'là uya, “Jesus mùkkàlà Itepulu,” tetok tùyiwalà pùla iwechi màlà, tùse Wakù Akkwalù winà neken.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

1 John 1:2

Sàlà wema'nàtok wenasak tensen pe yau, ina uya yeneppù, màlàpàk ina uselupa sàlà ipàk, molopai ina uya tàwàlà wema'nàtok Kùkàipùnù winàpaino yekama àpàkù'nokon sàlà, ina pàk yekamasak lùppù.

1 John 2:23

Masapùla tamù'nawàlà Imu nulunpannan uya nàlà Kùkàipùnù nulunpa màlà; mùkyamlo Imu yanùnnài nan uya nàlà Kùkàipùnù yanùmù màlà.

1 John 4:15

Ànù'là Jesus wechi Katù Mumu pe yekamanài wechi yau, Katù wemapù màlà yau, molopai iwemapù màlà Katù yau.

1 John 4:3

Tùse ànù'là sàlà nulunpanài molopai Jesus wenappù kappon pe pàk ailon tawon pen wechi Akkwalù Katù winàpaino yesappe pen màlà. Sàlà akkwalù wechi màlà mùkkàlà Christ yeyaton winàpaino pe; yetasak auya'nokon man màlà uyàpù, molopai sàlà pe talà man sàlà wolù yau.

1 John 5:1

Ànù'là ailon tawon Jesus wechi Christ pe pàk wechi màlà Katù mule pe; molopai ànù'là ikàipùnù pùnùnmanài uya nàlà màlà imle pùnùnma.

2 John 1:7

Tukke ennakannan utàppù man sàlà wolù yau, pùsamlo Jesus Christ wemassak kappon pe pàk ailon tawonnan pen. Mùkkàlà yekkwa mùkkàlà ennakanài, Christ yeyaton mùkkàlà.