1 John 4:15 - Patamuna New Testament Revised

¹⁵ Ànù'là Jesus wechi Katù Mumu pe yekamanài wechi yau, Katù wemapù màlà yau, molopai iwemapù màlà Katù yau.

1 John 4:15 ပူးပေါင်းရင်းမြစ်များ

Matthew 10:32

“Ànù'là uponaloppe tùwechi yekamanài ayupo, yekama uya nàlà màlà Ukàipùnù epùn pon yemloto po.

Luke 12:8

“Tekamayaik àpàkù'nokon, Ànù'là uponalok pe tùwechi yekamanàippù ayupo, yekama màlà, màlà kasa lùppù Kàyik Mumu uya Katù inchelùyi yamùk yemloto po.

John 6:56

Mùkkàlà upun yannài molopai umùnù inchinài wemapù màlà uyau tàwàlà, molopai Iulà nàlà wemapù yau,” teppù Jesus uya.

Yeunossak kon Wotokoyi 8:37

Philip uya wateppù ipàk, “Eusenpataukaichi màlà ailon te auya tamù'nawàlà eyewan ke yau,” teppù ya. “Ailon ukayaik, Jesus Christ wechi Katù Mumu pe pàk,” tukaik imaimu yeikuppù ya.

Romans 10:9

Anta kon ke, “Chirst wechi Itepulu pe,” yekama auya'nokon molopai ailon te auya'nokon eyewan kon yau Katù uya iwuluukappù weli'nàtok yapai pàk yau, ewepùikattà kon màlà.

Philippians 2:11

Molopai tamù'nawolon kon uya ayupo yekama màlà Jesus Christ wechi Itepulu pe, Katù Kùkàipùnù yapulàtoppe.

1 John 2:23

Masapùla tamù'nawàlà Imu nulunpannan uya nàlà Kùkàipùnù nulunpa màlà; mùkyamlo Imu yanùnnài nan uya nàlà Kùkàipùnù yanùmù màlà.

1 John 2:24

Itekale enetappù kon iweppyattà motapai mùkuttàik eyewan kon yau. Molo eyewan kon yau iwechi yau, ewemapù kon màlà tàwàlà Kùkàipùnù molopai Imu pokonpe.

1 John 3:23

Sàlàichi màlà Katù uya suwa ekkà tetok: ailon tetoppe Tùmu Jesus Christ yesek pàk, molopai uchi'nùnmantoppe, Christ uya suwa ekkà tetok kasa.

1 John 3:24

Mùkyamlo Katù uya suwa ekkà tetok yawolon kon wemapù màlà Katù yau, molopai Katù wemapù nàlà tok yau. Sàlà kasaichi màlà Katù wemapù kùyau'nokon ittu'nokon: ittu màlà masapùla Takkwalù ke lepansak ya pàk.

1 John 4:12

Ànù'là uya Katù yensak pùla iwechi màlà; tùse echi'nùn pe we'nà'nokon yau, Katù wechi màlà kùyau'nokon molopai tù'nùn tùsak ya màlà kùyakù'nokon tamù'nawàlà.

1 John 4:2

Sàlà kasaichi Katù Yakkwalù wechi ttu auya'nokon màlà. Tamù'nawolon kon Jesus Christ wenappù kappon pe yekamanài wechi màlà Akkwalù Katù winàpaino yesappe.

1 John 5:1

Ànù'là ailon tawon Jesus wechi Christ pe pàk wechi màlà Katù mule pe; molopai ànù'là ikàipùnù pùnùnmanài uya nàlà màlà imle pùnùnma.

1 John 5:5

Ànùk uya ken wolù yeselu yentaika? Mùkkàlà neken ailon tawon Jesus wechi Katù Mumu pe pàk uya yentaika màlà.

2 John 1:7

Tukke ennakannan utàppù man sàlà wolù yau, pùsamlo Jesus Christ wemassak kappon pe pàk ailon tawonnan pen. Mùkkàlà yekkwa mùkkàlà ennakanài, Christ yeyaton mùkkàlà.