1 John 4:1 - Patamuna New Testament Revised

¹ Utonpa yamùk, ailon kùkatàu tamù'nawolon kon, Katù yakkwalù yesappe tukaik tùusennakasan pàk, tùse yentàk kon sàlà akkwalù itesappe tok wettok wechi là Katù winàpaino pe. Masapùla tukke Katù Maimu yenpoikannan pe tukaik tùukaseitasan utàppù man mailàlà wolù yau.

1 John 4:1 ပူးပေါင်းရင်းမြစ်များ

Mark 13:21

“Ànù'là uya, ‘Masa yenkà, Christ pùsàlà,’ wapùla tùulon uya, ‘Imasa yenka, mailà man!’ te yau, ailon kùkatàu ipàk.

Luke 12:57

“Yà'là pe ken uchi iwechi pàk eyiwalà' nokon iwalai ittuiche ewechi kon pen màlà?

Luke 21:8

Jesus uya wateppù, “Enpen ettàk kon eyennaka kon kùsettak! Masapùla tukkan kon uyàpù màlà uyesek yau, ‘Iulàichi mùkkàlà Christ!’ molopai, ‘Pata weyu uyàssak uchi man!’ tei'ma. Tùse tok ya'là kùtàtàu.

Yeunossak kon Wotokoyi 17:11

Molo kappon yamùk wechippù wakù pe ittunnan Thessalonica pon kon yentaino kon. Tok uya itekale yetappù màlà ànùttupai kulu tok wechippù, molopai wei kaichalà tok usenupappù màlà Katù Maimu pàk, Paul nekamappù wechi ailon pe kulu yentoppe tùuya'nokon.

Yeunossak kon Wotokoyi 20:29

Masapùla tùttuyaik ànàmà kon uya tùpo, àsà ton ene yamùk uyàpù màlà àkklottakù'nokon, molopai tok uya Katù kaliniluyi yamùk, mattanùpù màlà.

1 Corinthians 12:10

tùulon yemyak tùwekkussen pen kuttok meluntàlù, tùulon yemyak Katù Maimu yenpoikatok ike, tùulon yemyak Wakù Akkwalù winàpaino molopai iwinon pen wechi tùpatalà ittutok ike. Tùulon piyak tùpatalo'nan mayin yau uselupantok, tùulon piyak yà'là te là tùpatalon mayin uya yekamatok ike.

1 Corinthians 14:29

Asa'lon kon wapùla àsolùwawon kon Katù Maimu yenpoikannan tàwà nùselupai, tùulon kon uya ichelupatok yau iwalai wechi ittu tùse.

1 Thessalonians 5:20

Katù nenpoikappù yekamatoppe pùla kù'nulunpatàu.

1 Thessalonians 5:21

Tamù'nawolon yà'làlà yau esenumenkatàk kon ittutok auya'nokon ike ke. Molopai tamùnawolon yà'làlà yau, ‘Sà ken àli pe naikko molopai sà wakù pe’ tetok auya'nokon ke wakù kupù kon pa.

2 Thessalonians 2:2

asse'ne kulu là eusenumenkatok kon yau tùutaimelunpasan pe kettàu, wapùla, kettalipatàu Itepulu Weyu uyàssak man te pàk. Yattai pùla là Katù Yakkwalù nekamatai tawon pàk, wapùla yà'là yekkwa là panton pàk, wapùla ina nùmenukappù pe tukaik là ichekama pàk.

1 Timothy 4:1

Wakù Akkwalù uya yekamasak man ailon pe, tùulon kon kappon yamùk uya ailon tetok nonka pata wenukapù peiwa; ailon ton pen, kasei ton akkwalù maimu yawàlà tok wechi màlà molopai àliton akkwalù yamùk uya enupantok maimu yawàlà tok wechi màlà.

2 Timothy 3:13

Àli ton kappon yamùk molopai tùusennakasan wena àli pe tùwettok kon yapai àli peiwa tùse, tùulon kon yennakai'ma tùulon kon uya tennkatok ke.

2 Peter 2:1

Katù Maimu yenpoikannan pe tukaik tùukaseitasan usenpoikappù ina kùlottau pena, molopai màlà kasa làma tok usenpoika màlà amak yai ittu pùla àkklottau'nokon. Mattanù'nài, ailon pen pàk enupantok nepù màlà tok uya, molopai Kùyepulu kùye'manàippù kon Jesus nulunpa tok uya màlà, molopai sàlà kasa asse'ne mattantok nepù tok uya màlà tùpona'nokon.

1 John 2:18

Umunkà yamùk kulu tàwà, pata weyu wenukattok mei pùla man; àpàkù'nokon Mùkkàlà Christ Yeyaton uyàttok woton yekamappù màlà. Sàlà pe tukke Christ yeyaton non usenpoikakassak man, màlàpàk ittu'nokon man pata weyu wenukattok wechi mei pùla.

1 John 2:7

Utonpa yamùk tàwà, sàlà suwa ekkà tetok tùmenukayai'nùk apyakù'nokon sàlà emennak pen; penalok, itesak pe ewettok kon iwepyattàppù motapai. Màlà penalok enupantok lùppù.

2 John 1:7

Tukke ennakannan utàppù man sàlà wolù yau, pùsamlo Jesus Christ wemassak kappon pe pàk ailon tawonnan pen. Mùkkàlà yekkwa mùkkàlà ennakanài, Christ yeyaton mùkkàlà.

3 John 1:11

Uwechi yakon kulu, àli pe nai'nùk kasa kechii, tùse wakù pe nai'nùk kasa ekkà. Ànù'là wakù ku'nài wechi màlà Katù ponaloppe; molopai ànù'là àli ku'nài uya Katù yensak pùla man.

Revelation 2:2

“Ànkupùppù tùttuyaik sa'man pe ewe'wotokomappù molopai pàlikanài pe ewechippù. Àliton kappon yamùk pàlika auya pùla iwechi tùttuyaik. Molopai mùkyamlo tùusesassan yeunossak kon pe yeunossak kon pe pùla echii'ma ittuppù auya. Kasei pe tok wechi ittuppù auya.