1 John 3:8 - Patamuna New Testament Revised

⁸ Ànù'là tùmakuyi yau nai'nùk wechi màlà Makui ponaloppe, masapùla Makui wemakuimasak màlà iwepyattà motapai. Katù Mumu uyàpùppù màlà sàlà pàkànsau, Makui wotokoyi mattanùsse.

1 John 3:8 ပူးပေါင်းရင်းမြစ်များ

Matthew 12:28

Tùse Katù Yakkwalù yai àli akkwalù yamùk yenpakka Usya yau, Katù wettok Itepulu pe uyàssak man apyakù'nokon.

Matthew 13:38

Umà màlà wolù. Wakù tùpànsen kùyali yenappà mùkyamlo kappon yamùk itepulu pe iwettok ton. Àlitta mùkyamlo kappon yamùk Ene Makui ponalok kon.

Matthew 4:3

Makui uyàpùppù màlà ipyak molopai, “Katù Mumu pe ewechi yau, sà tàk yamùk wekonekatoppe pùlomù pusappe ipàk yekamakà,” teppù ya.

Mark 1:24

“Yà'là pe ina wechi iche messan, Jesus Nazareth pon? Ina mattanùsse na' àuyàssak màlà? Eyittuyan Iulà ànùk pe là ewechi. Àmàlà mùkkàlà wakù kulu Katù Maimu yenpoikanài!” tukaik.

Luke 10:18

Jesus uya tok yeikuppù, “Settan wepuka tentai pata wekamlippù kasa Epùn poi.

John 12:31

Sàlàichi màlà sàlà wolù yawon kon kappon yamùk ittutok weyu. Molopai sàlà peichi sàlà wolù yepulu yenpakka màlà,” teppù.

John 16:11

Tok usenumenkatok ikasa pùla man talumattàntok pàk, masapùla sàlà wolù yepulu talumattàsak pàk.

John 8:44

“Àkàipùnù kon Makui, ponalok kon amyamlo, molopai iche iwettok ku'nàinan. Iweppyattàppù motapai wànài pe iwessak màlà molopai kasei pe, masapùla ailon pùla iwechi màlà, yau. Kasei pe iichelupa yau iteselu màlà, masapùla kasei mùkkàlà molopai kasei kàipùnù.

Romans 16:20

Molopai Katù, echitonpa pe we'nàtok yesak uya sàlà peiwa Settan yamokklopù màlà atta kon yo'no. Wakù pe we'nàtok kùyepulu Chisek winàpaino wechi apyau'nokon màlà.

Ephesians 2:2

Màlà yattai wolù yawon kon yeselu kupùpppù auya'nokon màlà, kawon kon yepulu, Àli maimu yawàlà ewechippù kon, Katù Maimu yawàlà pùla tùwessan yepulu mùkkàlà.

Colossians 2:15

Molopai màlà pulusuk po Christ uya itepulu ton àli akkwalù yamùk molopai apàikkek ton yentaikappù. Tok kupùppù ya tensan pe ayupo tok yentai tùwechi ke.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

Hebrews 2:14

Kùmyamlo kappon yamùk wechi màlà tùpun ke molopai tùmùnù ke, màlàpàk Jesus wenappù nàlà màlà kùkasa'nokon. Iwelikùppù màlà Makui mattanùttoppe tùuya, mùkkàlà, weli'nàtok meluntàlù yesak.

Hebrews 9:26

Màlà kasa iwechi yau, iwettalumattàppù sàlà epaino tukke itekkwa wolù wekonekappù motapai. Tùse làkku ichenpoikappù màlà tewin itekkwa neken, màlà wei wenukattok yattai tùwettùlù winà kappon yamùk makuyi winàpai tok pùikattàse.

2 Peter 2:4

Masapùla inchelù yamùk àli pe iwessak kon yenpàtù Katù uya pùn tok wepetoppe Ittuntok winàpai, tùse tok yenu'mappù ya, màlà motau tok wechi màlà yaulonsak pe ewalupàttau, Ittuntok Weyu màmuku pàk.

1 John 1:2

Sàlà wema'nàtok wenasak tensen pe yau, ina uya yeneppù, màlàpàk ina uselupa sàlà ipàk, molopai ina uya tàwàlà wema'nàtok Kùkàipùnù winàpaino yekama àpàkù'nokon sàlà, ina pàk yekamasak lùppù.

1 John 3:10

Sàlà màlà tùpatalà kulu Katù munkà yamùk molopai Makui munkà yamùk wechi yekamanài: ikasa pùla tùwessan wapùla tùtonpa pùnùnman nan pen wechi màlà Katù munkà pe pùla.

1 John 3:5

Mùttuyatàik Christ uyàpùppù kappon yamùk makuyi mokkatoppe tùuya, molopai makui pùla iwechi màlà yau.

1 John 5:19

Ittu'nokon man Katù munkà pe we'nà, tamù'nawàlà lànen wolù wechi Mùkkàlà Ene Makui wettok itepulu pe yo'no tùse.

Jude 1:6

Inchelù yamùk ittutàk kon wapiyalok tùpatassek kon yau iwessak kon pen, tùse tùpatassek kon nànnài nan nùssan. Katù uya tok kussak màlà ewalupà yau, tok taulonse tàwàlàlà Eke Wei ponalà, tok talumattà toppe.

Revelation 20:10

Màlàyau Makui tok yennakanàippù, yenu'mappù màlà eke kulu apok molopai kulupala kasa tùkà'nùnsen yak, àsà ene molopai iwalai pen itekale yekamanàippù tawonnan yenu'mappù yak, molopai tok talumattà màlà weinai molopai ewalupàttau tàwàlàlà molopai tàwàlàlà.

Revelation 20:15

Ànù'là itesek imenukasak pen wema'nàtok kaletayi yau, yenu'mappù màlà eke kulu apok wettulukasak yak.