1 John 3:6 - Patamuna New Testament Revised

⁶ Màlàpàk tamù'nawolon kon Christ yau tùwemassan mùkyamlo makui yau lùppù tùwemassan pen; tùse ànù'là makui yau lùppù tùwemassen uya màlà Christ yensak pùla iwechi, molopai ittusak ya yà'là yattai là pùla iwechi.

1 John 3:6 ပူးပေါင်းရင်းမြစ်များ

2 Corinthians 3:18

Tamù'nawolon kon kùmyamlo uchi mùkyamlo Itepulu yakkwayi yenpoikannan itenpata wapu pùla echii'ma, molopai ikasa tùwemyakamasan tàwàlàlà tùwessen akkwa pokonpe. Itepulu winàpai nùyàssai'nùk, uchi mùkkàlà Akkwalù.

2 Corinthians 4:6

Masapùla Katù uya, “Tàwà akkwa nùlenpamùi ewalupàttapai!” teppù, {Gen 1.3} mùkkàlà lùppù Katù uya takkwayi lenpankasak man kùyewan kon yau, Katù namatok yakkwayi ittutok yakkwayi nettoppe tùuya kùpyakù'nokon, Christ yenpatau ilenpamù.

1 John 2:28

Ewaik, umunkà yamùk, yau ettàk kon, meluntà pe ewechi kon pa ichenpoika yau molopai àuso'namù kon wekuli'mantok yau iwinàpai iyàttok Weyu yattai tukaik.

1 John 2:3

Katù uya suwa ekkà tetok maimu yawàlà we'nà yau, Katù ittu kulu kùuya'nokon ittu màlà sàlà winà.

1 John 2:4

“Katù ittunài Iulà,” tawon, tùse suwa ekkà tetok ya maimu yawàlà pùla echii'ma wechi màlà, kasei pe, molopai ailon pùla yau iwechi.

1 John 3:2

Utonpa yamùk, Katù munkà yamùk kùmyamlo sàlà pe, tùse i'nai kasa kulu wenan ittu kùuya'nokon pùla man. Tùse ittu'nokon man: Christ usenpoika yau, ikasa wenan nokon màlà, masapùla yene'nokon màlà mùkkàlà pe kulu.

1 John 3:9

Katù munkà yamùk pe nai'nannùk mùkyamlo tùwemakuima pàk lùppù tùwessan pen, masapùla, Katù yeselu wechi tok yau pàk, molopai Katù wechi tok kàipùnù pe pàk, tok wemakuima yentai màlà iwechi.

1 John 4:8

Ànù'là, kappon pùnùnmanài pen uya Katù ittu pùla iwechi màlà, masapùla Katù mùkkàlà pùnùmanài.

1 John 5:18

Ittu'nokon man ànù'là Katù mule wechi tùwemakuima pàk tùwessen pe pùla, masapùla Katù Mumu uya ikupù wakù pe pàk, molopai, Mùkkàlà Ene Makui uya yappàtù pen màlà.

3 John 1:11

Uwechi yakon kulu, àli pe nai'nùk kasa kechii, tùse wakù pe nai'nùk kasa ekkà. Ànù'là wakù ku'nài wechi màlà Katù ponaloppe; molopai ànù'là àli ku'nài uya Katù yensak pùla man.