1 John 3:23 - Patamuna New Testament Revised

²³ Sàlàichi màlà Katù uya suwa ekkà tetok: ailon tetoppe Tùmu Jesus Christ yesek pàk, molopai uchi'nùnmantoppe, Christ uya suwa ekkà tetok kasa.

1 John 3:23 ပူးပေါင်းရင်းမြစ်များ

Matthew 22:39

Yakon tùkussen kulu màlà sàlà walai, ayakontalù i'nùnmakà àmàlà mù'nùnmayai'nùk kasa, tawon.

Mark 9:7

Màlà pe katuppluk uya tok waputtàppù. molopai mayin usetappù nen uchi katuppluk kùlottau, “Pùsàlà mùkkàlà u'nùn kulu Umu. Yetatàk kon,” tukaik.

John 1:12

Tùse tamù'nawolon kon kappon yamùk tanùnnài nan nùssan, molopai tesek pàk ailon tawonnan nùssan lepappù ya apàikkek ke Katù munkà yamùk pe tok wenatoppe.

John 13:34

Emennak Enupantok tùlù uya sàlà, echi'nùn pe ettàk kon. Uyi'nùn pe àkupùppù kon uya kasa, mechinùnmatàik.

John 14:1

Jesus uya, “Kesewankono'matàu molopai kataimelunpatàu. Ailon katàk kon Katù pàk, molopai ailon katàk kon nàlà upàk,” teppù.

John 15:12

Sàlà màlà enupantok uya. Tùuchi'nùnmaik ettàk kon, u'nùn pe àkupù kon uya kasa.

John 17:3

Sàlà màlà tàwàlàlà wema'nàtok kappon yamùk uya eyittutok ipàkàlà, ailon Katù pe ewechi màlà àmàlà neken, molopai Jesus Christ nàlà eneunokoppù.

John 2:23

Jerusalem po Jesus wechi Usentaka'nàppà yattai Uta'lettàntok pàk yau, tukkan kon kappon yamùk uya eke ton tùwotokoyi kupùya yeneppù molopai ailon teppù tok uya ipàk.

John 3:18

Ànù'là ailon tawon ipàk talumattàsak pen màlà, tùse ànù'là ailon tawon pen ipàk talumattàkasak màlà. Masapùla tewinan molopai i'nùn kulu Katù Mumu yesek pàk ailon tesak ya pùla iwechi pàk.

John 6:29

Jesus uya tok maimu yeikuppù, “Sàlà màlà Katù wotokoyi, ailon te auya'nokon ineunokoppù pàk,” tukaik.

Yeunossak kon Wotokoyi 16:31

“Ailon kakkà Itepulu Jesus pàk, molopai ewepùikattà màlà, àmàlà molopai àyùwùk tawon kon,” tukaik tok uya yeikuppù.

Ephesians 5:2

uchi'nùnmantok ewemattok yau nechii, Christ uya kù'nùnmappù kon molopai iwettùlùppù kùponalok kon pe kasa, wakù pe tùkà'nùnsen tùtùsen Katù yauchinpanài pe kasa.

1 Thessalonians 4:9

Suwa kuluichi àtonpa kon mù'nùnmatàik tukaik emenukatok kon uya iwenai woton pùla man. Masapùla Katù uya apanamappù kon màlà yà'là kasa là tùuchi'nùnmaik ewemattok kon pàk.

1 Timothy 1:15

Sàlà màlà ailon wa tetok, tanùnsen pe kulu iwechi: Christ Jesus uyàpùppù sàlà wolù yak àliton pùikattàse. Iulà mùkkàlà tok yentai eke pe kulu àli ku'nàippù.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 Peter 4:8

Wapiya kulu kappon yamùk tù'nùnmaik ettàk kon eke pe kulu, masapùla uchi'nùnmantok màlà tukkan àli waputtànài.

1 John 2:7

Utonpa yamùk tàwà, sàlà suwa ekkà tetok tùmenukayai'nùk apyakù'nokon sàlà emennak pen; penalok, itesak pe ewettok kon iwepyattàppù motapai. Màlà penalok enupantok lùppù.

1 John 3:11

Masapùla sàlà màlà itekale enetappù kon iwepyattà motapai: “Tùuchi'nùnmaik mettàik,” tawon.

1 John 4:15

Ànù'là Jesus wechi Katù Mumu pe yekamanài wechi yau, Katù wemapù màlà yau, molopai iwemapù màlà Katù yau.

1 John 4:21

Sàlàichi màlà Christ uya suwa ekkà tetok tùuya ke lepa'nàppà lùppù, mùkkàlà Katù pùnùnmanài uya nàlà tùtonpa pùnùnma màlà.

1 John 5:13

Emenuka kon uya sàlà tàwàlàlà wema'nàtok yesappe ewechi kon ittu kon pa. Amyamlo ailon nùkayai'nannùk Katù Mumu yesek pàk.