1 John 3:20 - Patamuna New Testament Revised

²⁰ Kùyewan kon uya kùyaimelunpa yau, ittu'nokon man Katù wechi eke pe kùyewan kon yentai, molopai tamù'nawolon ittunài mùkkàlà.

1 John 3:20 ပူးပေါင်းရင်းမြစ်များ

John 21:17

Jesus uya Peter pàk icholùwano itekkwa pe, “Simon, John mumu, à'nùn pe na' kùkussan?” teppù. Peter upokoitappù masapùla Jesus uya tùpàk icholùwano itekkwa pe, “À'nùn pe kulu na' kùkussan?” te pàk. Molopai Peter uya ipàk, “Uyepulu, tamù'nawolon mùttuyaik, mùttuyaik u'nùn pe àkupù uya,” teppù. Jesus uya ipàk, “Uyùkùn non kalinilu yamùk mewetùik,” teppù.

John 8:9

Yetasak tùuya'nokon yau, tok wessa'molùkappù tùutà kon pàk, tewin pàk wapiya eke ton utàppù, Jesus neken tùnànse nossan pokonpe.

Yeunossak kon Wotokoyi 5:33

Jew yamùk Yepulu ton uya yetasak yau, tok we'naikasak kulu wechippù màlàyau yeunossak kon àntùkkapai tok wechippù.

Romans 8:34

Ànù'là uya ken na' uchi tok talumattà? Ànù'la pùla iwechi màlà masapùla Christ Jesus mùkkàlà iwelichak lùppù, molopai iwuluukasak lùppù weli'nàtok yapai molopai sàlà pe namantok patassek kamik pen Katù yemyatù winà man. Katù pawanattànài mùkkàlà kùponalok kon pe!

1 Corinthians 4:4

Tùwanmùla nen usenumenkatok man, tùse màlà uya yà'là là àli ku'nàippù pe pùla ukupù pen màlà. Itepulu nen mùkkàlà uyittunài.

Titus 3:11

Masapùla mùttuyaik mùkkàlà yekkwa wechi ikasa pùla molopai iteselu uya yekama ipàk.

Hebrews 4:13

Yà'làlà wechi yonansappe pen màlà Katù winàpai, tamù'nawolon inkonekappù yau. Tamù'nawolon wechi màlà ayupo itenu yau. Molopai tamù'nawolon ikussak lùppù yekama màlà ipàk ailon pe.

Hebrews 6:13

Abraham pàk màlà, ikupù uya tettok tùuya kupùppù Katù uya. Masapùla ànù'là eke, tentaino pùla iwechi pàk, tesek yau, “Ikupù uya màlà,” teppù ya tùmàlà pe.

1 John 3:19

Sàlà kasaichi màlà ailon ponaloppe we'nà'nokon ittu. Sàlà kasa màlà kùyewan kon wàlàkkassak wechi Katù yemloto po ittu.

1 John 3:21

Màlàpàk utonpa yamùk kùyewan kon uya kùyaimelunpa kon pùla iwechi yau, meluntà pe we'nà màlà Katù yemloto po usenalippan pen.

1 John 4:4

Tùse Katù ponalok kon amyamlo, umunkà yamùk, molopai mùkyamlo ailon ton pen, yekamannan yentaikasak auya'nokon man; masapùla màlà Akkwalù ayau'nokon nai'nùk màlà meluntàiwa, màlà akkwalù wolù yawon yentaino.

Revelation 2:23

Imunkà yamùk tùkka uya nàlà màlà, màlàyau nen uchi tamù'nawolon sochi yamùk uya Iulà pe iwechi ittu màlà, kappon yamùk yewan molopai tok usenumenkatok ittunài pe. Tamù'nawàlà amyamlo ye'ma uya màlà ànkupùppù yawàlà tewinpàk.