1 John 3:18 - Patamuna New Testament Revised

¹⁸ Umunkà yamùk! Pùnùnmantok kùuya'nokon imaimuppù pe neken nà kùsettak molopai uselupantok pe neken nà; tùse i'napailon ailon uchi'nùnmantok pe iwechi, welaikantok yau tùusensen pe.

1 John 3:18 ပူးပေါင်းရင်းမြစ်များ

Luke 7:5

Ina tonpa yamùk ku'nài mùkkàlà tù'nùn pe, molopai ina wepilittok itak woton yamùppù ya ina ponaloppe, tùmàlà pe,” tukaik.

John 17:19

Molopai tok pàkànsau wettùsak sàlà tamù'nawàlà apyak, tok wettoppe nàlà ailon pe àponalok pe.

Romans 12:9

Tàwà ailon pe kulu euchi'nùnmatok kon nechii, àli pe nai'nùk eyewanma kon pe, wakù pe nai'nùk kupù pàk ettàk kon.

Galatians 5:13

Amyamlo utonpa yamùk kà'mappù màlà apyoto pe pùla we'nàtok yak. Tùse sàlà apyoto pe pùla ewettok kon kùsapulàtàu àli ànkuppai ewettok yak ayanài'nokon pe. Tùse làkku tùwepùikattàse ettàk kon uchi'nùnmantok yau.

Ephesians 4:15

Tùse làkku ailon pe uselupan uchi'nùnmantok winà, usemokanpai'nokon tamù'nawolon yawà Christ kasa, mùkkàlà tesak ippai pe nai'nùk.

1 Thessalonians 1:3

Masapùla ina nùttuyan, Katù Kùkàipùnù kon yemloto po ailon tetok auya'nokon yai ewe'wotokoma kon sa’man pe uchi'nùnmantok ke. Molopai enpen ewettok kon Kùyepulu Jesus Christ pàk wechi melùntà pe ittuyan ina.

1 Peter 1:22

Masapùlaichi esuken ewenasak kon màlà ailon yawàlà ewechi kon winà, ailon uchi'nùnmantok yesappe ewechi kon tùulon kon ailon tawonan pàk pàk, echi'nùnmatàk kon eke pe tamù'nawàlà eyewan kon ke.

1 John 2:1

Umunkà yamùk, sàlà tùmenukayaik apyakù'nokon, ewemakuima kon tukaik. Tùse ànù'là wemakuimasak yau, Jesus Christ molo man ikasa tùwemassen. Katù pawanattà pàk tùwessen kùponalok kon pe ichentuppatoppe.

1 John 3:7

Umunkà yamùk, ànù'là eyennakatakù'nokon, ànù'là ikasa, nai'nùk ku'nài wechi màlà ikasa, Christ wechi ikasa kasa.

2 John 1:1

Sàlà màlà kaleta Iulà amoko, John nùmenukappù. Wakù kulu Nossan molopai imunkà yamùk piyak imenukasak lùppù, u'nùn pe unkupù ton amyamlo. Iulà pe neken là pùla, tùse tamù'nawolon kon ailon ittunnan, mùkyamlo tù'nùn kon pe àkussatàu,

3 John 1:1

Sàlà màlà kaleta Iulà amoko, John nùmenukappù, Gaius u'nùn kulu piyak.