1 John 3:16 - Patamuna New Testament Revised

¹⁶ Sàlà kasaichi màlà uchi'nùnmantok ittu: Christ uya tùwemattok tùlùppù kùponalok kon pe. Màlà kasa nàlà wema'nàtokù'nokon tùlù màlà tonpa wannà yamùk ponaloppe!

1 John 3:16 ပူးပေါင်းရင်းမြစ်များ

Matthew 20:28

Kàyik Mumu uyàpùppù tapyoto ke esse pen màlà, tùse apyoto pe esse, molopai tùwemattok tùse tukkan kon kappon yamùk ye'matoppe tùuya,” teppù Jesus uya.

John 10:11

“Iulà mùkkàlà wakù kalinilu yamùk yesak. Wakù kalinilu yamùk yesak tùwemattok tùnài kalinilu yamùk ponaloppe.

John 10:15

Molopai ukàipùnù uya uyittu kasa nàlà ukàipùnù tùttuyaik. Molopai wematok tùlù uya màlà kalinilu yamùk ponaloppe.

John 13:34

Emennak Enupantok tùlù uya sàlà, echi'nùn pe ettàk kon. Uyi'nùn pe àkupùppù kon uya kasa, mechinùnmatàik.

John 3:16

Tù'nùn pe kulu kappon yamùk sàlà wolù pon kon kupù tùuya pàk Katù uya tewinan tù'nùn kulu tùmu tùlùppù ànù'là ailon tawon ipàk umatta pen, tùse tàwàlàlà iwemapù.

Yeunossak kon Wotokoyi 20:28

Amyamlo pe esentàk kon molopai tamù'nawàlà kalinilu yamùk anmainanpa kon pe Wakù Akkwalù nùtùlùssan yentàk kon. Kalinilu yesan kasa, Katù sochiyi tawon kon yewettàk kon, tùponaloppe ine'massan tùmu mùnù yai.

Romans 16:4

Upàkànsau tùwemattok kon nonkaiwannan nùssan àsà yak mùkyamlo. Tenki ukayaik tok pàk, Iulà neken pen. Tùse tamù'nawolon kon Jew yamùk pen sochi tawon kon nàlà tenki nùkayan.

Romans 5:8

Tùse Katù uya eke pe kulu kù'nùnmatok tùuya yekamappù màlà. Makui yau lùppù we'nà'nokon tùse Christ welikùppù màlà kùponalok kon pe.

2 Corinthians 4:12

Sàlà uya weli'nàtok wechi tùwe'wotokoma pàk ina yau tepe iwechi màlà, tùse wema'nàtok wechi tùwe'wotokoma pàk ayau'nokon.

Ephesians 5:2

uchi'nùnmantok ewemattok yau nechii, Christ uya kù'nùnmappù kon molopai iwettùlùppù kùponalok kon pe kasa, wakù pe tùkà'nùnsen tùtùsen Katù yauchinpanài pe kasa.

Ephesians 5:25

Tùnoppù kenan kon, ànoppù kon i'nùnmatàk kon Christ uya sochi pùnùnmappù molopai iwettùlùppù tok ponaloppe kasa.

Philippians 2:17

Ailon tetok auya Itepulu yau molopai ewe'wotokomatok màlà lepantok walai Katù pona. Msolopai umùnù wekkwamù sàlà lepantok pona. Sàlà wekkupù yau utauchinpa màlà, molopai tamù'nawàlà àpokonpe' nokon utauchinpa.

Philippians 2:30

Masapùla iwelikùiwappù Christ wotokoyi pàkànsau, alikyeppe tùwemattok tùlù tùuya yau ànkupù kon yentaino pàk upùikattà tùuya yau.

1 Thessalonians 2:8

Masapùla ina pùnùn pe kulu mettantàu màlàpàk nen uchi ina utauchinpasak nettai Wakù Itekale ke neken nà elepa kon pàk pùla. Tùse àkklottau’nokon nàlà emappai ina nettai à'nùnma kon ina uya pàk.

Titus 2:13

màlà Wakù kulu Wei màmuku pàk echii'ma enpen we'nàtok ipàk, eke Katù molopai Pùikattànài Jesus Christ yakkwayi usenpoika yau.

1 Peter 1:18

Masapùla mùttuyatàik àpùikattàppù kon, italumayippù là ke pùla àli iteselu pe we'nàtok ananùmùppù kon atamo kon winàpai yapai. Yà'làlà tùumattasen chilùpa wapùla kolù kasa pùla iwechippù màlà;

1 Peter 2:24

Jesus Christ uya kùmakuyi kon yalàppù tùmàlà pe pulusuk pona, weli'nà tok kon pe àli kuttok pàk wema'nà tok kon pe wakù pe we'nàtok ponaloppe. Ippoppàtù winà euchipittàsak kon màlà.

1 Peter 3:18

Masapùla Christ welikùppù màlà tewin itekkwa; iwelikùppù màlà tamù'nawolon kon wettok àli pe pàkànsau, wakù kàyik welikuppù àli ton kappon yamùk ponaloppe, Katù piyak ayatok kon pe tùuya. Iwàtoppe ikupùppù màlà kappon welikù kasa molopai iwuluukappù màlà kappon pe pùla yakkwalù itesak pe;

1 John 2:6

“Katù yau wemassaik” te kùuya'nokon yau, Jesus wemapùppù kasa tùwemassan pe we'nà'nokon màlà.

1 John 2:9

Mùkkàlà “Akkwa yau tùwemassen Iulà, ” tawon tùse tùtonpa yeya'nomanài wechi màlà ewalupàttau sàlà tepose.

Revelation 1:5

Molopai màlà wechi màlà Jesus Christ winàpaino pe. Ailon pe tùuselupasen Katù pàk, mùkkàlà wapiya iwuluukasak lùppù weli'nàtok yapai. Non po kin pe tùwessan yepulu pe nàlà nai'nùk. Kù'nùnmanài'nokon mùkkàlà, molopai tùmùnù winà kùpùikattàsak kon ya màlà kùmakuyi kon yapai.

Revelation 5:9

Tok uselenpappù emennak elen pàk: “Wakù pe messaik sàlà kaleta yekkwa'nài yeppe, molopai yachittok yamùk ikkwà'nài pe. Masapùla àwànàppù màlà, molopai àmùnù winà kappon yamùk ye'mappù auya man Katù ponaloppe, tamù'nawolon kon kappon yamùk kùlottapai, tùpatalo'nan kon imaimu, tùpatalo'nan kon ikkok, molopai tùpatalo'nan kon kappon yamùk.