1 John 3:12 - Patamuna New Testament Revised

¹² Cain kasa we'nà kùsettak. Ene Makui winàpaino mùkkàlà, molopai takon wànàppù ya màlà. Yà'là pe ichi iwechi pàk Cain uya takon wànàppù? Masapùla yà'làlà inkupùppù wechippù àli pe, tùse yakon nùkupùppù wechippù ikasa màlàpàk iwànàppù ya.

1 John 3:12 ပူးပေါင်းရင်းမြစ်များ

Matthew 13:19

Mùkyamlo itepulu pe we'nàtok yekale yetannan, tùse ittunnan pen wechi màlà tùpànsen kùyali yenappà iwessolokasak lùppù asantak kasa. Ene Makui tùuyàssen molopai ipànsak lùppù tok yewan yau mokkanài.

Matthew 13:38

Umà màlà wolù. Wakù tùpànsen kùyali yenappà mùkyamlo kappon yamùk itepulu pe iwettok ton. Àlitta mùkyamlo kappon yamùk Ene Makui ponalok kon.

Matthew 23:35

Màlàpàk tamù'nawolon kon wakù ton kappon yamùk wànnannùssan talumattàtok uyàpù màlà àpona'nokon, Abel wànàppù motapai Zechariah, Berechiah mumu wànàppù motak. Ànwànàppù kon Katù yùwùk molopai itùsak lùppù pottàtok patassek yakkletau.

Matthew 27:23

Tùse Pilate uya tok yekamappoppù, “Yà'la ken uchi àli kussak ya nai?” tukaik. Màlàyau nen uchi tok wessa'molùkappù eke pe tùwentaime kon pàk, “Ipukapàtù màlà pulusuk pona!” tukaik.

Matthew 5:37

Tùse neken ‘Ewaik’ wapùla ‘Kane,’ mùkatàik. Yà'là tu'ma là euselupatok kon màlà Ene Makui winàpai iyàssak,” teppù Jesus uya.

Luke 11:51

Abel wànàppù motapai Zachariah wànàppù motak, iwàsak lùppù wàpùlemantok patassek molopai wakù kulu, esukenan patassek tawon yakkletau. Ewaik, tekamayaik àpàkù'nokon kappon yamùk sàlà yattaino kon talumattà màlà, tamù'nawolon kon mùkyamlo wenai.

John 10:32

Jesus uya tok pàk, “Tukke eke ton wotoko yamùk Ukàipùnù winàpaino yenpoikasak uya man eyemyakù'nokon. I'nai kulu sàlà yamùk wenai uwàpai ewechi kon nai'nùk?” teppù.

John 8:40

Màlà kasa uwàpai messatàik, mùkkàlà ailon yekamanàippù àpàkù'nokon Katù winàpai unetappù. Abraham uya nen sàlà walai kupù pùn!

John 8:41

Amyamlo mùkyamlo àkàipùnù kon nùkupù ku'nài nan,” teppù Jesus uya. “Yapàka yamùk pen nen ina. Tewinan neken nen mùkkàlà ina kàipùnù Katù, ” teppù tok uya Jesus pàk.

Yeunossak kon Wotokoyi 7:52

Molo na' tewin nà Katù Maimu yenpoikanài wechippù atamo kon yamùk nùtalumattàppù pen? Tok uya Katù Maimu yenpoikannan tùkkappù, mùkyamlo Wakù pe tùwessen uyàpù yekaman nan nùssan pena. Molopai sàlà pe yeimipoppù auya'nokon molopai iwànàppù auya'nokon.

1 Thessalonians 2:14

Utonpa yamùk, amyamlo winàkàik màlà lùppù nekuttai, Katù ponalok kon Judea pon kon, Christ Jesus ponalok kon winàkàik iwekkussak lùppù walai. Màlà lùppù talumattàntok Jew yamùk uya ailon tawonnan talumattàppù kasa mettalumattàtantàu apata yawon kon winà là kan.

Hebrews 11:4

Ailon tetok winà màlà Abel uya tùtùsen tùlùppù Katù yemyak wakù peiwa Cain nùtùlù yentai. Katù yauchinpappù ya màlà molopai intùlù lepantok ya ike uya, ikasa iwechi pe ittuppù Katù uya. Ailon tetok ya winà Abel uselupa lùppù màlà tùwelichak lànen tùse.

Hebrews 12:24

Jesus piyak àuyàssak kon man, emennak ikupù pàk tùwekkuttok ku'nài piyak. Molopai mùn yappasa'masak, wakù peiwa nùselupayai'nùk Abel mùnù yentai piyak.

1 Peter 4:4

Molopai sàlà pe ailon tawonnan pen usenumenkasak man tùpùkkù pe ewechi kon àli pe màttawà tùwettok kon molopai àsà pe tùwematok kon yau pùla nen uchi ewechi kon pàk, màlàpàk tok àmottùnpayatàu.

1 John 3:8

Ànù'là tùmakuyi yau nai'nùk wechi màlà Makui ponaloppe, masapùla Makui wemakuimasak màlà iwepyattà motapai. Katù Mumu uyàpùppù màlà sàlà pàkànsau, Makui wotokoyi mattanùsse.

Jude 1:11

Talumattàntok wechi màlà tok po! Masapùla tok utàsak Cain utàppù yawàlà lùppù yawà pàk; tok wettùsak man iwalai pen yak pùlayatta pàkànsau, Balaam wechippù kasa; molopai tok mattanùssak man mayin yawàlà pùla we'nàtok pàkàlà Korah wechippù kasa.

Revelation 17:6

Molopai yeneppù uya nossan wetùnsak Katù ponalok kon kappon yamùk mùnù ke. Molopai mùkyamlo iwàsak kon nùssan mùnù ke, masapùla ailon pe tok wessak Jesus pàk wenai. Yensak uya yau usenumenkasak kulu wechippù.