1 John 2:5 - Patamuna New Testament Revised

⁵ Tùse mùkkàlà imaimu yawàlà tùwessen uya Katù pùnùnmatok uya màlà, wakù pe kulu imasak. Sàlà kasa màlà Kàtu yau wema'nà ittu'nokon:

1 John 2:5 ပူးပေါင်းရင်းမြစ်များ

Luke 11:28

Tùse Jesus uya yeikuppù, “Wapùla làkku mà, tùutauchinpasan mùkyamlo Katù Maimu yetan nan molopai yawàlà tùwessan tà!” tukaik.

John 14:21

“Ànù'là enupantok uya yanùnnài molopai iku'nài mùkkàlà uyi'nùnmanài. Ànù'là tù'nùn pe ukussai'nùk wechi nàlà màlà Ukàipùnù pùnùn pe, u'nùn pe nàlà màlà ikupù uya molopai usenpoika màlà ipyak,” tukaik.

John 14:23

Jesus uya yeikuppù, “Ànù'là tù'nùn pe uku'nài wechi yau, enupantok uya maimu yawàlà iwechi màlà. Molopai Ukàipùnù uya tù'nùn pe ikupù màlà, molopai ina uyàpù màlà ipyak, ipyau emasse.

John 15:5

“Iulà mùkkàlà chi'nak, amyamlo mùkyamlo ipanta yamùk. Ànù'là uyau nemasai'nùk molopai yau nàlà wemasai'nùk mùkkàlà wepeta màlà tukke, masapùla Iulà pùla echii'ma yà'làlà kupù auya'nokon pen.

John 6:56

Mùkkàlà upun yannài molopai umùnù inchinài wemapù màlà uyau tàwàlà, molopai Iulà nàlà wemapù yau,” teppù Jesus uya.

Romans 8:1

Màlàyau sàlà pe nen uchi mùkyamlo Christ Jesus ponaloppe tùwemassan talumattàtok ike pùla iwechi màlà.

1 Corinthians 1:30

Tùse Katù uya enessak kon man Christ Jesus ponaloppe we'nàtok yak, molopai Katù uya Christ kussak man ittutok kùuya'nokon pe. Mùkkàlà Christ winà Katù pokonpe ikasa kùtùlù kon màlà, esuken molopai kùpùikattà kon àli kuttok winàpai.

2 Corinthians 5:17

Ànù'là wechi Christ ponaloppe yau emennappe iwechi màlà, tamù'nawàlà penalok utàppù màlà, emennak uyàssak màlà.

2 Corinthians 5:21

Mùkkàlà imakuyi pùn kupùppù Katù uya màlà kùmakuyi kon yepeppe tùtùsen pe. Iwinà nen uchi Katù wettok ikasa pùkkù pe we'nàtok kon pe.

James 2:22

Yene na' auya'nokon pùla nai? Ailon tetok ya molopai iwelaikatok we'wotokoma tamùkke asakklàma, ailon tetok ya wekonekappù màlà wakù pe kulu iwelaikatok pàkàlà.

1 John 3:24

Mùkyamlo Katù uya suwa ekkà tetok yawolon kon wemapù màlà Katù yau, molopai Katù wemapù nàlà tok yau. Sàlà kasaichi màlà Katù wemapù kùyau'nokon ittu'nokon: ittu màlà masapùla Takkwalù ke lepansak ya pàk.

1 John 4:17

Sàlà kasaichi iwechi pàk màlà wakù uchi'nùnmantok wechi kùyau'nokon tamù'nawàlà: meluntà pe we'nàtoppe ittuntok Katù uya Weyu yattai, masapùla wema'nàtok nokon sàlà wolù yau wechi Christ wemattok kasa pàk.

1 John 4:18

Nalippe pùla ku'nài màlà uchi'nùnmantok. Wakù kulu uchi'nùnmantok màlà tamù'nawàlà nalik pe we'nàtok yenpenài, masapùla nalik pe we'nàtok màlà wettalumattàntok pokon pan. Màlàpàk mùkkàlà nalik pe tùwessen usemokkasak pùla iwechi màlà wakù kulu uchi'nùnmantok yak.

1 John 5:2

Sàlà kasaichi màlà Katù munkà yamùk pùnùnma'nokon ittu. Katù pùnùnma molopai suwa ekkà tetok ya maimu yawàlà we'nà'nokon winà ittu màlà.

1 John 5:20

Ittu'nokon nàlà man Katù Mumu uyàssak molopai lepansak kon ya ittutok ke; ailon pe nainùk ittutoppe. Molopai mùkkàlà ailon pe nai'nùk yau we'nà'nokon man, Imu Jesus Christ yau. Pùsàlà ichi mùkkàlà ailon Katù molopai sàlàichi màlà tàwàlàlà wema'nàtok.

2 John 1:6

Sàlà uchi'nùnmantok uselupa yai'nàk ipàk uya màlà yekama wema'nà'nokon Katù Maimu yawàlà. Sàlà màlà enupantok, enetappù kon iwepyattà motopai: “Tamù'nawàlà emattàk kon tùuchi'nùnmaik,” tawon.

Revelation 12:17

Màlàyau ulupelu we'naikasak kulu wechippù màlà nossan pàk. Molopai iitàppù imle tonpassan panta'mase, tamù'nawolon kon Katù uya enupantok maimu yawolon kon, molopai ailon Jesus winà yenpoikasak lùppù pàk ailon pe tùwessan panta'mase.

Revelation 14:12

Sàlà màlà pàlikantok iche tùwessen Katù ponalok kon kappon yamùk ponaloppe, mùkyamlo Katù uya enupantok maimu yawàlà tùwessan molopai ailon pe tùwessan Jesus pàk.