1 John 2:3 - Patamuna New Testament Revised

³ Katù uya suwa ekkà tetok maimu yawàlà we'nà yau, Katù ittu kulu kùuya'nokon ittu màlà sàlà winà.

1 John 2:3 ပူးပေါင်းရင်းမြစ်များ

Luke 6:46

“Yà'là pe ken uchi iwechi pàk uyesatù auya'nokon màlà, ‘Uyepulu, Uyepulu,’ tukaik unekamappù àpàkù'nokon kupùi'ma pùla?

John 14:15

“À'nùn pe ukupù auya'nokon yau, enupantok uya kupù auya'nokon màlà.

John 15:10

Eyenupatok kon uya kupù auya'nokon yau, pùnùnmantok uya yau ewechi kon màlà, Ukàipùnù uya uyenupatok yawàlà u'nùnmatok ya yau wechippù kasa.

John 15:14

Uwechiyakonnon pe ewechi kon màlà yà'làlà tetok uya kupù auya'nokon yau.

John 17:3

Sàlà màlà tàwàlàlà wema'nàtok kappon yamùk uya eyittutok ipàkàlà, ailon Katù pe ewechi màlà àmàlà neken, molopai Jesus Christ nàlà eneunokoppù.

2 Corinthians 4:6

Masapùla Katù uya, “Tàwà akkwa nùlenpamùi ewalupàttapai!” teppù, {Gen 1.3} mùkkàlà lùppù Katù uya takkwayi lenpankasak man kùyewan kon yau, Katù namatok yakkwayi ittutok yakkwayi nettoppe tùuya kùpyakù'nokon, Christ yenpatau ilenpamù.

Hebrews 5:9

Ikasa kulu Jesus wekonekasak pàk, mùkyamlo tùmaimu yawolon kon nà pùikattà ya màlà tàwàlàlà.

1 John 2:13

Emenuka kon uya sàlà papai yamùk, masapùla ittusak auya'nokon pàk Mùkkàlà iwepyattà motapai iwessak lùppù. Emenuka kon uya sàlà, umoine ton, masapùla Ene Makui, yentaikasak auya'nokon pàk.

1 John 3:14

Ittu'nokon man weli'nàtok nànsak kùuya'nokon molopai uyà'nàsakù'nokon wema'nàtok yak, masapùla kùtonpa kon pùnùnma'nokon pàk. Mùkyamlo tùtonpa kon pùnùnmatok ya pùnon wechi lùppù màlà weli'nàtok yau.

1 John 3:19

Sàlà kasaichi màlà ailon ponaloppe we'nà'nokon ittu. Sàlà kasa màlà kùyewan kon wàlàkkassak wechi Katù yemloto po ittu.

1 John 3:6

Màlàpàk tamù'nawolon kon Christ yau tùwemassan mùkyamlo makui yau lùppù tùwemassan pen; tùse ànù'là makui yau lùppù tùwemassen uya màlà Christ yensak pùla iwechi, molopai ittusak ya yà'là yattai là pùla iwechi.

1 John 4:13

Sàlà kasaichi màlà Katù yau wema'nà'nokon ittu molopai iwemapù kùyau'nokon: lepansak ya Takkwalù ke.

1 John 4:7

Utonpa yamùk kulu, uchi'nùnmanpai'nokon uchi, masapùla uchi'nùnmantok màlà tùuyàssen Katù winàpai. Ànù'là, kappon pùnùnmanài wechi màlà Katù mule pe molopai Katù ittunài mùkkàlà.

1 John 5:19

Ittu'nokon man Katù munkà pe we'nà, tamù'nawàlà lànen wolù wechi Mùkkàlà Ene Makui wettok itepulu pe yo'no tùse.

1 John 5:2

Sàlà kasaichi màlà Katù munkà yamùk pùnùnma'nokon ittu. Katù pùnùnma molopai suwa ekkà tetok ya maimu yawàlà we'nà'nokon winà ittu màlà.

1 John 5:3

Masapùla sàlà màlà Katù pùnùnmatok yekamanài suwa ekkà tetok ya yawàlà we'nà'nokon, molopai enupantok ya yamùk wechi sa'man pe kulu kùpona'nokon pen màlà.

Revelation 12:17

Màlàyau ulupelu we'naikasak kulu wechippù màlà nossan pàk. Molopai iitàppù imle tonpassan panta'mase, tamù'nawolon kon Katù uya enupantok maimu yawolon kon, molopai ailon Jesus winà yenpoikasak lùppù pàk ailon pe tùwessan panta'mase.

Revelation 14:12

Sàlà màlà pàlikantok iche tùwessen Katù ponalok kon kappon yamùk ponaloppe, mùkyamlo Katù uya enupantok maimu yawàlà tùwessan molopai ailon pe tùwessan Jesus pàk.

Revelation 22:14

Tùutauchinpasan mùkyamlo tùpon kon kukannan wakù pe, wema'nàtok yek yepelu nattoppe tùuya'nokon, molopai tok wewomù màlà manatta yai pata yak.