1 John 2:28 - Patamuna New Testament Revised

²⁸ Ewaik, umunkà yamùk, yau ettàk kon, meluntà pe ewechi kon pa ichenpoika yau molopai àuso'namù kon wekuli'mantok yau iwinàpai iyàttok Weyu yattai tukaik.

1 John 2:28 ပူးပေါင်းရင်းမြစ်များ

Matthew 16:27

Masapùla Kàyik Mumu uyàpù màlà tùkàipùnù yakkwayi molopai yapulàtok yau tùyinchelùyi yamùk pokonpe, molopai nen uchi tamù'nawolon kon ye'ma ya màlà tok nùkupùppù yawàlà.

Matthew 16:28

Ailon kulu sàlà, tùulon kon satippe man tùwelikù woton kon pen Kàyik Mumu uyàpù Kin pe yene tùuya'nokon ponalà,” teppù Jesus uya.

Mark 8:38

Ànù'là upàk tùwekuli'masen molopai umaimu pàk nàlà sàlà pe nai'nannùk àliton kappon yamùk kùlottau, mùkkàlà pàk nàlà, Kàyik Mumu wekuli'ma màlà, tùkàipùnù yakkwayi yau tùuyàpù, wakù ton tùyinchelùyi yamùk pokonpe tùuyàpù yau,” teppù Jesus uya.

Luke 17:30

Màlà kasaichi iwechi màlà Kàyik Mumu usenpoika yau.

Romans 9:33

Iwe'menukasak màlà pàk kasa, “Yentàk kon, tàk tùlù uya sàlà Zion pona, kappon yamùk tatai'manài pe. Tàk, ipona tok wepippotok. Tùse mùkkàlà ailon tawon ipàk wekkuli'ma pen màlà,” tukaik kasa .{Isa 8.14, Isa 28.16}

1 Corinthians 1:7

Màlàpàk i'nai yekkwa là lepantok Wakù Akkwalù winàpaino pùla ewechi kon pen màlà, Kùyepulu kon Jesus Christ usenpoika màmuku pàk ewechi kon yau.

1 Corinthians 15:23

Tùse tamù'nawolon kon wechi echipàkàlà, Christ, tamù'nawolon kon wapiyalok, molopai nen uchi iyàpù yattai mùkyamlo iponalok kon.

Ephesians 3:12

Mùkkàlà yai nen uchi Katù yemloto pona uyà'nà sàlà tùwettalipaik pùla kùyanùmù kon ya ittui'ma ailon tetok kùuya'nokon ipàk yau.

Colossians 3:4

Christ mùkkàlà ewemattok kon kulu, molopai ichenpoika yau, amyamlo nàlà usenpoika màlà ipokonpe molopai yapulàtok yau ewechi kon màlà.

1 Thessalonians 2:19

Amyamlo nen mùkyamlo, enpen ina wettok kon, ina utauchinpatok ipàkànsau, molopai ina utapulàtok ipàkàlà ina uselupatok yau, itepulu Jesus yemloto po iyàpù yattai.

1 Thessalonians 3:13

Sàlà kasa eyewan kon koneka ya màlà meluntà pe, wakù pe, Katù namanài pe, esuken ewechi kon màlà Kùkatùyi kon molopai Kùkàipùnù kon yemloto po, Kùyepulu kon Jesus uyàpù tamù'nawolon kon tùponalok kon pokonpe yau.

1 Thessalonians 5:23

Tàwà Katù echitonpa pe we'nàtok ke lepanài àkonekai'nokon tamù'nawàlà tùponalok pe, esuken, wakù pe, tamù'nawàlà iwettùsak Katù piyak pe, tàwà ayakkwalù kon, eyesak kon, eyewan kon eusenumenkatok kon, nechii iwalai pen nà pùla, Kùyepulu kon Jesus Christ uyàttok yattai.

1 Timothy 6:14

Sàlà enupantok maimu yawàlà ekkà, molopai esuken ekkà molopai yà'làlà iwalai pen pùla, Kùyepulu Jesus Christ Weyu usenpoika ponalà.

2 Timothy 4:8

Sàlà nen uchi entaika'nàppà uya yepeppù uya umàmuku. Wakù pe we'nàtok yalùko, màlà Itepulu Katù ikasa ittunài uya ulepatok màlà Wei yattai. Molopai Iulà neken pen, tùse tamù'nawolon kon mùkyamlo ichenpoikatok màmussai'nannùk uchi'nùnmantok pokonpe.

Titus 2:13

màlà Wakù kulu Wei màmuku pàk echii'ma enpen we'nàtok ipàk, eke Katù molopai Pùikattànài Jesus Christ yakkwayi usenpoika yau.

1 Peter 1:7

Sàlà màlà meluntà pe ailon tetok auya'nokon wechi ittunài. Kolù, tùumattasen pe lànen nai'nùk màlà ittusak lùppù apok ke; màlàpàk uchi ailon tetok auya'nokon, wakù kolù yentai nai'nùk, ittu nàlà màlà meluntà pe iwettoppe. Màlàyau apulàntok wakù pe itekale we'nàtok molopai namantok yepolo auya'nokon màlà màlà Wei yattai Jesus Christ usenpoikasak yau.

1 Peter 5:4

Molopai Eke Kalinilu Yesak usenpoika yau, enkek alok, tàwàlàlà enkek pe molopai akkwa pe tùwessen yanùmù auya'nokon màlà.

1 John 2:1

Umunkà yamùk, sàlà tùmenukayaik apyakù'nokon, ewemakuima kon tukaik. Tùse ànù'là wemakuimasak yau, Jesus Christ molo man ikasa tùwemassen. Katù pawanattà pàk tùwessen kùponalok kon pe ichentuppatoppe.

1 John 3:2

Utonpa yamùk, Katù munkà yamùk kùmyamlo sàlà pe, tùse i'nai kasa kulu wenan ittu kùuya'nokon pùla man. Tùse ittu'nokon man: Christ usenpoika yau, ikasa wenan nokon màlà, masapùla yene'nokon màlà mùkkàlà pe kulu.

1 John 3:21

Màlàpàk utonpa yamùk kùyewan kon uya kùyaimelunpa kon pùla iwechi yau, meluntà pe we'nà màlà Katù yemloto po usenalippan pen.

1 John 4:17

Sàlà kasaichi iwechi pàk màlà wakù uchi'nùnmantok wechi kùyau'nokon tamù'nawàlà: meluntà pe we'nàtoppe ittuntok Katù uya Weyu yattai, masapùla wema'nàtok nokon sàlà wolù yau wechi Christ wemattok kasa pàk.

1 John 5:14

Sàlà kasaichi iwechi pàk meluntà pe we'nàtok Katù yemloto po yesappe we'nà'nokon màlà. Ittu'nokon kulu man kùyeta kon ya yà'làlà yenna tùpàk teselu yawàlà yau.

Revelation 1:7

Yentàk, nùyàssan katuppluk yau! Tamù'nawolon kon uya yene màlà. Mùkyamlo ipukapà'nài nan nùssan uya là. Tamù'nawolon kon kappon yamùk sàlà non pon kon usewankono'ma màlà iwenai. Ewaik, màlà kasa iwettok woton! Emen.