1 John 2:24 - Patamuna New Testament Revised

²⁴ Itekale enetappù kon iweppyattà motapai mùkuttàik eyewan kon yau. Molo eyewan kon yau iwechi yau, ewemapù kon màlà tàwàlà Kùkàipùnù molopai Imu pokonpe.

1 John 2:24 ပူးပေါင်းရင်းမြစ်များ

Luke 1:2

Tok uya yekamasak lùppù ina pàk menukappù màlà mùkyamlo sàlà yamùk yennài nan nùssan iweppyattà motapai molopai itekale yekaman nan nùssan uya.

Luke 9:44

“Yekama pàk wekkussai’nùk kùpputtàka'nùttàu! Kàyik Mumu tùlù màlà kappon yamùk meluntàlù yemyak,” tesak ya pàk.

John 14:23

Jesus uya yeikuppù, “Ànù'là tù'nùn pe uku'nài wechi yau, enupantok uya maimu yawàlà iwechi màlà. Molopai Ukàipùnù uya tù'nùn pe ikupù màlà, molopai ina uyàpù màlà ipyak, ipyau emasse.

John 15:7

Uyau ewemapù kon yau, molopai umaimu wechi ayau'nokon yau, iche ewettok yekamappokà molopai elepa màlà.

John 6:56

Mùkkàlà upun yannài molopai umùnù inchinài wemapù màlà uyau tàwàlà, molopai Iulà nàlà wemapù yau,” teppù Jesus uya.

John 8:25

Tok uya yekamappoppù, “Ànùk ken uchi àmàlà?” tukaik. Jesus uya tok maimu yeikuippù, “Iweppyattà motapai àpàkù'nokon tekamatainùk Iulà.

Philippians 4:15

Amyamlo Philippi pon kon nùttuyan Macedonia nànsak uya yau, wapiya kulu Wakù Itekale yekama pàk wechi yau, amyamlo neken sochiyi tawon kon wechippù upùikkattàn nan pe. Amyamlo neken wechippù ulepannan pe molopai lepantok yeponnan pe uwinàpai.

Colossians 3:16

Tàwà Christ uya enupantok eyewan kon yau nechii tamù'nawàlà. Mepanamatàik molopai mepùikattàtàik tamù'nawolon ànùttu kon yawàlà. Tenki tetok itewan yau echii'ma meselenpatàik David yelemu pàk, Katù yapulànài elen mùkuttàk Wakù Akkwalù nùtùlùssan pàk meselenpatàik.

Hebrews 2:1

Màlàpàk uchi yetasak lùppù pàk ailon te pai'nokon man sa'man pe lùiwa, iwinàpai utaman'nokon tukaik.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

1 John 1:3

Màlà ina neneppù lùppù molopai ina netappù yekama nàlà ina uya àpàkù'nokon, ina kùlottau echitonpa pe we'nàtok yau ewechi kon pa Kùkàipùnù molopai Imu Jesus Christ pokonpe.

1 John 1:7

Tùse wema'nà akkwa yau, akkwa yau iwechi nai'nùk kasa yau, echitonpa pe we'nà màlà kùtonpa pokonpe, molopai Jesus Christ, Imu, mùnù uya kùkuka kon màlà tamù'nawàlà kùmakuyi kon winàpai.

1 John 2:7

Utonpa yamùk tàwà, sàlà suwa ekkà tetok tùmenukayai'nùk apyakù'nokon sàlà emennak pen; penalok, itesak pe ewettok kon iwepyattàppù motapai. Màlà penalok enupantok lùppù.

1 John 3:24

Mùkyamlo Katù uya suwa ekkà tetok yawolon kon wemapù màlà Katù yau, molopai Katù wemapù nàlà tok yau. Sàlà kasaichi màlà Katù wemapù kùyau'nokon ittu'nokon: ittu màlà masapùla Takkwalù ke lepansak ya pàk.

1 John 4:13

Sàlà kasaichi màlà Katù yau wema'nà'nokon ittu molopai iwemapù kùyau'nokon: lepansak ya Takkwalù ke.

1 John 4:15

Ànù'là Jesus wechi Katù Mumu pe yekamanài wechi yau, Katù wemapù màlà yau, molopai iwemapù màlà Katù yau.

1 John 4:16

Molopai ittu'nokon man molopai ailon te'nokon Katù piyawon pùnùnmantok kùponalok pàk. Katù mùkkàlà pùnùnmanài, molopai ànù'là uchi'nùnmantok yau tùwemassen wemapù màlà Katù yau, molopai Katù wemapù yau.

2 John 1:2

masapùla ailon wechi kùyau'nokon pàk molopai tàwàlàlà kùpyau'nokon iwechi màlà.

2 John 1:9

Ànù'là Christ maimu yawà tùwessen pen, tùse tentaikase nemassai'nùk yawàlà pùla wechi màlà Katù pùla. Ànù'là Christ maimu yawà tùwessen wechi màlà Katù Kùkàipùnù molopai Imu tawonnan yesappe.

3 John 1:3

Utauchinpatai kulu ailon tawonnan Katù pàk tonpa yamùk welepansak pàk, molopai ailon pe ewechi yekamasak tok uya pàk, tàwàlà ailon pe ewemapù yekamasak tok uya pàk molopai màlà kasa tùwemassen pe ewechi pàk.

Revelation 3:11

Uyàpù màlà asse'ne. Itesappe ewettok kon ikuttàk wakù pe, ànù'là uya wakù entaikantok auya yepeppù alok mokka tukaik.

Revelation 3:3

Ittukàichi eyenupappù lùppù molopai enetappù lùppù, imaimu yawàlà ekkà, amakuyi winàpai elattàkà. Aupaka pùla ewechi yau, amak kasa uyàpù màlà apyak, molopai yà'là yattai là uyàpù ittu auya pen.