1 John 2:20 - Patamuna New Testament Revised

²⁰ Tùse Wakù Akkwalù tùsak wechippù àpona'nokon màlà Christ winà, màlàpàk tamù'nawolon kon amyamlo uya ailon ittu màlà.

1 John 2:20 ပူးပေါင်းရင်းမြစ်များ

Matthew 13:11

“Tùttusen pen Itepulu pe we'nàtok epùn po ittutok tùsak man apyakù'nokon. Tùse mùkyamlo piyak pùla,” tukaik Jesus uya tok maimu yeikuppù.

Mark 1:24

“Yà'là pe ina wechi iche messan, Jesus Nazareth pon? Ina mattanùsse na' àuyàssak màlà? Eyittuyan Iulà ànùk pe là ewechi. Àmàlà mùkkàlà wakù kulu Katù Maimu yenpoikanài!” tukaik.

Luke 4:18

“Wakù Akkwalù Itepulu winàpaino upo man. Ukalapaimasak ya man, Wakù Itekale yekamatoppe uya entuppa'nokon pàk. Uyeunossak ya man, wemokkantok yekamatoppe uya yachisak kon pàk molopai enpùnon yentoppe. Molopai tùtalumattàsan mokkase tok talumattàtok yapai. Itepulu Katù uya tùponalok kon kappon yamùk pùikattàtok yattai yekama toppe uya!” tukaik.

Luke 4:34

“Yà'là pe ina wechi iche messan, Jesus Nazareth pon? Ina mattanùsse na’ àuyàssak màlà? Eyittuyan Iulà, Àmàlà mùkkàlà wakù, Katù winàpaino!” tukaik.

John 14:26

Tùse àpùikattà kon woton Wakù Akkwalù, yeunoko màlà Ukàipùnù uya uyesek yau. Mùkkàlà uya màlà tamù'nawolon pàk eyenupa kon. Molopai tamù'nawàlà unekamappù àpàkù'nokon nepù ya màlà ittu kon pa.

John 16:13

Tùse mùkkàlà Ailon Akkwalù uyàssak yau, ayalà kon ya màlà tamù'nawolon ailon yawàlà. Tùyiwalà ichelupa pen màlà, tùse yà'làlà tùneta yekama ya màlà. Molopai yà'làlà tùuyàpù woton yekama ya màlà àpàkù'nokon.

Yeunossak kon Wotokoyi 10:38

Mùttuyatàik Katù uya Wakù Akkwalù molopai meluntà tùlùppù Jesus, Nazareth pon pona. Iitàppù mailàlà wakù kupù pe, Makui meluntàlù yo'non kon ipittà pe, masapùla Katù wechippù ya'là.

Yeunossak kon Wotokoyi 3:14

Esuken iwechippù àli là kuttok pùla, tùse inulunpappù auya'nokon, molopai kappon wànàippù yennappù auya'nokon inonka toppe.

1 Corinthians 2:15

Kappon, Akkwalù yesappe nai'nùk mùkkàlà wakù pe tamù'nawolon yà'là yamùk wettok wechi ittunài. Tùse ànù'là uya mùkkàlà kappon pàk ikasa pùla messaik tetok pùla iwechi màlà.

Hebrews 1:9

“Ikasa nai'nùk pùnùnmanài àmàlà molopai àli kuttok yeya'nomanài. Màlàpàk uchi Katù, Akatùyi uya ayanùmùppù màlà apatùnayi yamùk yepoi, utauchinpantok kalapayi ke akalapaima tùuya winà,”

Hebrews 8:11

“Ànù'là uya takontalù wapùla tùtonpa yenupa pen màlà, ‘Itepulu Katù ittutàk kon,’ tukaik, masapùla tamù'nawàlà tok uya uyittu màlà, i'nai yekkwa pe là echii'ma, italumayippù motapai eke ponalà.”

1 John 2:27

Tùse amyamlo, Christ uya Takkwalù ikkwansak màlà àpona'nokon. Yakkwalù wemapù ayau'nokon kaichalà, ànù'là eyenupa kon woton iche ewechi kon pen màlà. Masapùla Yakkwalù uya eyenupa kon tamù'nawolon pàk pàk, molopai màlà enupantok ya ike màlà ailon, kasei pen. Yakkwalù uyaichi enupantok yawàlà ettàk kon, molopai Christ yau ettàk.

1 John 4:13

Sàlà kasaichi màlà Katù yau wema'nà'nokon ittu molopai iwemapù kùyau'nokon: lepansak ya Takkwalù ke.

Jude 1:5

Tamù'nawàlà lànen sàlà ittu auya'nokon tùse, eyenu kon anapontàpai wessaik Itepulu Katù uya Israel pon kon kappon yamùk mokkappù Egypt yapai, tùse màlà tùpo mùkyamlo ailon tawonnan pen talumattàppù ya pàk.

Revelation 3:7

“ Philadelphia pon Sochi inchelùyi piyak sàlà imenukakà: “Sàlàichi màlà itekale mùkkàlà wakù esukenan molopai ailon winàpaino. Mùkkàlà David ponalok ki yachinài, yakkokanài mùkkàlà ànù'là uya inakkokappù yakkolo pen. Yakkonài mùkkàlà, ànù'là uya inakkoloppù yakkoka pen.

Revelation 4:8

Tamù'nawàlà asakùlà'nan kon nulànan kon ànùkyan nànan wechippù 6 pe'ne yapàli, molopai en yamùk wechippù tok polo, tok yapàli yo'nolo nàlà. Tùuselenpatok kon yeleutanùpùppù tok uya pen weinai wapùla ewalupàttau. “Wakù esukenan, Wakù esukenan, Wakù esukenan Itepulu Katù, Mùkkàlà neken Meluntà, iwechippù nai'nùk, sàlà pe nai'nùk, molopai tùuyàpù woton,” tukaik.