1 John 2:17 - Patamuna New Testament Revised

¹⁷ Wolù molopai tamù'nawolon yawon kon kappon wettok iche màlà tùutàsen molopai ipla tùwenasen; tùse mùkkàlà Katù wettok iche ku'nài wemapù màlà tàwàlàlà.

1 John 2:17 ပူးပေါင်းရင်းမြစ်များ

Matthew 21:31

I'nai uya ken tùkàipùnù wettok iche kupùppù nai?” teppù Jesus uya. “Wapiyalok uya,” tukaik tok uya yeikuppù. “Ailon kulu sàlà, pùlayatta pili'nàinan molopai kàyik yamùk yemyak tùwechilanmasan utà màlà Katù patassek yak awapiya'nokon.

Matthew 24:35

Epùn molopai non utà màlà, tùse umaimu utà pen màlà.”

Matthew 7:21

“Tamù'nawolon kon kulu kappon yamùk uyesa'nàinan, ‘Uyepulu, Uyepulu,’ tukaik, wewomù pen màlà Itepulu pe we'nàtok epùn po yak, tùse mùkyamlo neken Ukàipùnù epùn pon wettok ikupù iche ku'nàinan.

Mark 3:35

“Ànù'là Katù yeselu ku'nài wechi màlà uyakon non pe, uwàlichi ton pe, usan pe là,” teppù Jesus uya.

John 4:14

Tùse ànù'là sàlà tuna untùlù inchinài we'nakklipa tu'ma pen màlà. Tùse i'nakkwa pe yau iwena, tàwàlàlà iwu'ma molopai tàwàlàlà iwemattok ke ilepa ya,” tukaik.

John 6:58

Sàlà màlà pùlomù pusak epùn poi iyàssak lùppù. Kùtamo kon yamùk nùnapùppù yekkwa pen. Tok welikùppù màlà, tùse mùkkàlà sàlà pùlomù pusak na'nài wemapù màlà tàwàlàlà,” teppù Jesus uya tok pàk.

John 7:17

“Ànù'là Katù yeselu ànkuppai tùwessen wechi yau, ittu ya màlà, enupantok uya wechi Katù winàpaino pe wapùla uwinàpaino pe,” teppù Jesus uya.

Romans 12:2

Sàlà wolù yawon kon yeselu pàk làma kettàu, tùse tàwà Katù amyakanmatàu ayawà'nokon tamù'nawàlà eusenumenkatok kon wemyakanmatok winà. Màlà yattai nen uchi Katù yeselu ittu auya'nokon màlà, màlà wakù pe nai'nùk, molopai yauchinpanài pe nai'nùk, molopai màlà ikasa imaimu yailà neken nai'nùk.

1 Corinthians 7:31

Mùkyamlo sàlà wolù yawon mamin yapulànnan yapulàtok tùuya'nokon pùla iwechi kasa. Masapùla sàlà wolù sàlà pe yene nai'nùk, uko'mamù tachinpe kulu pen màlà.

Colossians 1:9

Màlàpàk tàwàlàlà ina tùwàpùlemasan àpona'nokon wapiya kulu eyekale kon yetappù ina uya motapai. Katù yekamapponnan ina ayanùkka tok kon pe ya teselu ittutok ke, tamù'nawolon pukkeppe we'nàtok molopai ittuntok Wakù Akkwalù nùtùlù ke.

Colossians 4:12

“Wakù pe na' messatàu?” nùkayan Epaphras àtonpa kon nàlà, molopai Jesus Christ yapyoto. Tùwàpùlemasen mùkkàlà tàwàlà eke pe àpona'nokon. Katù yekamapponài meluntà pe ewena kon pa tamù'nawàlà Katù yeselu yau tùwappùik molopai ittunài pe.

1 Thessalonians 4:3

Sàlàichi màlà Katù wettok iche, yawàlà ewechi kon pa. Wakù pe esuken molopai àli imakuyippù kuttok màlàwannà ke pokonpe pùla ewemattok kon yau ewechi kon pa.

1 Thessalonians 5:18

Tenki tukaik mettàik tamù'nawolon yau. Sàlà màlà Katù wettok ikupù auya'nokon iche, ewematok kon Christ Jesus ponaloppe ewemattok kon yau.

Hebrews 10:36

Pàlikannan pe ettàk kon, Katù yeselu kupù kon pa, molopai ikupù tùuya tetok ya yepolo auya'nokon màlà.

James 4:14

Ittu auya'nokon pùla iwechi màlà yà'là yekkwa ewemattok kon ewanawà! Masapùla ichin pen katuppluk kasa ewechi kon pàk, tensen pe malalà molopai ippla tùwenassen pe.

1 Peter 1:5

Ailon tetok Katù pàk yesak ton amyamlo, mùkkàlà meluntàlà màlà inotau ewettok kon pata weyu wenukapù ponalà. Katù uya tamù'nawolon kon kappon yamùk ittu yattai. Màlà yattai nen uchi àpùikattà kon ya màlà ikupù tùuya teppù tùuya kasa.

1 Peter 4:2

Sàlà motapai uchi ewemattok kon talà non po yemakkwatàk kon Katù yeselu yawàlà, iche kappon wettok yawàlà pùla.