1 John 2:16 - Patamuna New Testament Revised

¹⁶ Masapùla tamù'nawolon wolù yau tùwessan àli ànkuppai kappon wettok, inene molopai yà'làlà iche iwettok. Molopai tamù'nawolon sàlà wolù yau nai'nùk yà'làlà iche we'nàtok, itekkwa pe tukaik wekku'nàtok, wechi màlà Kùkàipùnù kon winàpaino pe pùla, wolù yapaino pe.

1 John 2:16 ပူးပေါင်းရင်းမြစ်များ

Matthew 4:8

Màlàyau nen uchi Makui uya Jesus yalàppù kawon kulu wùk pona, molopai tamù'nawolon itepulu pe itepoi we'nàtok non pon kon yenpoikappù ya, molopai eke pe màlà yamùk wettok yau.

Matthew 5:28

Tùse sàlà pe tekamayaik àpàkù'nokon. Ànù'là nossan yennài molopai iche tùwessen tùponaloppe, wemakuimakassak màlà ipokonpe tewan yau.

Luke 4:5

Màlàyau yalàppù ya, kawon wùk pona molopai tewinanpa tamù'nawolon wolù yau itepulu pe, itepoi we'nàtok yekamappù ipàk.

Romans 13:14

Tùse Itepulu Jesus Christ ke epontàtàk kon, molopai àli ànkuppai ewettok kon yeselu pàk tùusenumenkaik molopai yawàlà kettàu.

1 Corinthians 10:6

Sàlà yamùk wekkupùppù màlà yentok kùuya'nokon ipàkàlà pe, kùyewan kon tùlù àliton kuttok yak tukaik, tok wechippù kasa.

Galatians 5:17

Masapùla àli ànkuppai we'nàtok wechi màlà Akkwalù wettok iche pe pùla molopai Akkwalù wechi màlà àli ànkuppai we'nàtok wettok iche pe pùla. Echiche pùla tok wechi màlà. Màlàpàk iche ewettok kon kupù auya'nokon pen.

Galatians 5:24

Molopai mùkyamlo Christ Jesus ponalok kon uya tamù'nawolon àli ànkuppai tùwettok kon pukapàssak màlà pulusuk pona iteselu yamùk pokonpe.

Ephesians 2:3

Tamù'nawolon kon kùmyamlo wechippù tok kasa màlà, àli pe usenumenkantok kon wettok iche kupùppù'nokon kùwakùli kon pe. Tùulon kon kasa, tamù'nawàlà kùmyamlo nàlà wechippù màlà Katù we'nàikatok yo'no.

Titus 2:12

Màlà wakù pe we'nàtok màlà enupanài àli pe Katù winàkàik wema'nàtok nonkatoppe, molopai wolù yeselu ànkuppai we'nàtok nonkatoppe, molopai tùttuik tùwemassen pe, ikasa, wakù pe wema'nàtok Katù tùnamaik molopai tapulàik iwemattok pe sàlà non po,

Titus 3:3

Masapùla kùmyamlo nàlà wechippù pakko pe, mayin yawolon pe pùla, ennakan yapyoto pe we'nàppà'nokon màlà yà'làlà yau yauchin pe. Esseyaton pàk wema'nàppà'nokon màlà molopai kùlùmàlunàtok yau; tùulon kon kùyeya'nomatantàu molopai tok yeya'nomappù màlà.

James 3:15

Sàlà yekkwa pukkek màlà epùn poino pen; wolù yawon yeselu màlà, iwekkuppù màlà àli eyeselu kon winàpai, Makui, winàpaino pe iwechi.

James 4:16

Tùse sàlà pe eke pe tukaik tùwekussan amyamlo; molopai tùutapulàsan tamù'nawolon màlà yekkwa màlà àli iwalai pen.

1 Peter 1:14

Mule yamùk mayin yawolon kon kasa ettàk kon, molopai kennappotàu pena ewechippù kon yak ittu auya'nokon pùla ewechi kon yau ànkuppù kon lùppù yak.

1 Peter 2:11

Apawanattàyatàu Iulà, utonpa yamùk, kakklan yamùk echii'ma sàlà non po, àli ànkuppai we'nàtok yemyak kettùtàu, màlà tùwepanta'ma pàk nai'nùk tàwàlà ayakkwalù kon winàkàik.

2 Peter 2:10

mùkyamlo kulu akùlù iteselu wakù ke telupa kon yetannan pen molopai Katù yapàikketù nulunpannan. Tùusenalippaik pùla molopai meluntà pe àli pe tùuselupasan mùkyamlo kawon kon akkwalù yamùk winàkàik.

2 Peter 2:18

Ittu tùuya'nokon kasa kulu tùuselupasan mùkyamlo tùutapulà kon pe, molopai ikasa pùla tùwemassan winàpai iwemokkasak kon emennak pe, yamùipannan mùkyamlo yà'làlà akùlù teselu kon kupù tùuya'nokon yai.