1 John 2:13 - Patamuna New Testament Revised

¹³ Emenuka kon uya sàlà papai yamùk, masapùla ittusak auya'nokon pàk Mùkkàlà iwepyattà motapai iwessak lùppù. Emenuka kon uya sàlà, umoine ton, masapùla Ene Makui, yentaikasak auya'nokon pàk.

1 John 2:13 ပူးပေါင်းရင်းမြစ်များ

Matthew 11:27

“Ukàipùnù uya ulepasak màlà tamù'nawolon yà'làlà ke. Ànù'là pùla iwechi màlà Imu ittunài tùse Ikàipùnù neken, molopai ànù'là pùla iwechi màlà Ikaipùnù ittunài tùse Imu neken, molopai mùkyamlo ipàk Imu wettok enenpoikapai,” teppù ya.

Matthew 13:19

Mùkyamlo itepulu pe we'nàtok yekale yetannan, tùse ittunnan pen wechi màlà tùpànsen kùyali yenappà iwessolokasak lùppù asantak kasa. Ene Makui tùuyàssen molopai ipànsak lùppù tok yewan yau mokkanài.

Matthew 13:38

Umà màlà wolù. Wakù tùpànsen kùyali yenappà mùkyamlo kappon yamùk itepulu pe iwettok ton. Àlitta mùkyamlo kappon yamùk Ene Makui ponalok kon.

Matthew 5:37

Tùse neken ‘Ewaik’ wapùla ‘Kane,’ mùkatàik. Yà'là tu'ma là euselupatok kon màlà Ene Makui winàpai iyàssak,” teppù Jesus uya.

Luke 10:22

“Tamù'nawolon tùsak ukàipùnù uya man uyemyak, ànù'là uya ànùk pe là Imu ittu pùla iwechi màlà, tùse Ikàipùnù neken, molopai ànù'là uya ànùk pe là Ikàipùnù ittu pùla iwechi màlà tùse Imu neken, molopai mùkyamlo Imu uya tùkàipùnù yenpoikatok itemyak ton nàlà,” teppù ya.

John 14:7

Uyittu auya'nokon yau, Ukàipùnù nàlà ittuppù auya'nokon sàlà eppaino. Sàlà motapai mùkkàlà mùttuyatàik molopai nàlà yensak auya'nokon man,” teppù.

John 14:9

Jesus uya yeikuppù, “Philip, apyau'nokon wessa'man tachin pe, tùse ken na' uchi uyittu auya pùla lùppù iwechi màlà? Ànù'là uyennàippù uya Ukàipùnù yensak màlà. Tùse yà'là pe iwechi pàk màlà, ‘Àkàipùnù yenpoikakà ina uya yentoppe,’ te auya?

John 16:3

Sàlà yamùk kupù màlà tok uya, masapùla Ukàipùnù wapùla Iulà ittu tùuya'nokon pùla iwechi pàk.

John 16:33

Sàlà yamùk yekamappù uya màlà àpàkù'nokon, àwàlàkatok kon yesappe ewechi kon pa uyau. Sàlà wolù yau ewettalumattà kon màlà. Tùse emeluntàtatàk kon! Wolù yentaikasak uya man,” teppù Jesus uya.

John 17:21

Tamù'nawàlà tewin tok wettoppe, Ukàipùnù, uyau messai'nùk molopai ayau wessai'nùk kasa, kùyau nàlà tok nechii, wolù yawon kon uya ailon te toppe uyeunossak auya pàk.

John 17:3

Sàlà màlà tàwàlàlà wema'nàtok kappon yamùk uya eyittutok ipàkàlà, ailon Katù pe ewechi màlà àmàlà neken, molopai Jesus Christ nàlà eneunokoppù.

John 8:19

Màlàyau tok uya yekamappoppù, “I'nai ken uchi mùkkàlà Àkàipùnù?” tukaik. Jesus uya tok maimu yeikuppù, “Uyittu auya'nokon pùla messatàik, wapùla Ukàipùnù là. Uyittu auya'nokon yau Ukàipùnù nàlà ittu auya'nokon màlà,” tukaik.

2 Corinthians 4:6

Masapùla Katù uya, “Tàwà akkwa nùlenpamùi ewalupàttapai!” teppù, {Gen 1.3} mùkkàlà lùppù Katù uya takkwayi lenpankasak man kùyewan kon yau, Katù namatok yakkwayi ittutok yakkwayi nettoppe tùuya kùpyakù'nokon, Christ yenpatau ilenpamù.

1 Timothy 5:1

Kàyik eyentaino kùsàulàmai, tùse yekamappokà àkàipùnù yekamappo auya kasa. Umoine ton ikukkà ayakon non kasa,

Titus 2:6

Màlà kasa làma umoine ton yekamappokà tùttuik tùwemassan pe tok wettoppe.

1 John 1:1

Ina emenukayatàu wema'nàtok Maimu pàk. Molo iwessak lùppù iwepyattàppù motapai. Ina uya yetappù màlà molopai ina uya yeneppù tenu kon ke; ewaik, ina uya yeneppù molopai ina yemyatù uya yappàtùppù.

1 John 2:1

Umunkà yamùk, sàlà tùmenukayaik apyakù'nokon, ewemakuima kon tukaik. Tùse ànù'là wemakuimasak yau, Jesus Christ molo man ikasa tùwemassen. Katù pawanattà pàk tùwessen kùponalok kon pe ichentuppatoppe.

1 John 2:12

Emenuka kon uya sàlà, umunkà yamùk, masapùla amakuyi kon pàk usentupantok yeposak auya'nokon Christ yesek pàkànsau pàk.

1 John 2:14

Emenuka kon uya sàlà, umunkà yamùk lùkkwà, masapùla Kùkàipùnù kon ittusak auya'nokon pàk. Emenuka kon uya sàlà, papai yamùk, masapùla Mùkkàlà iwepyattà motapai iwessak lùppù ittusak auya'nokon pàk. Emenuka kon uya sàlà, umoine ton, masapùlà meluntà pe ewechi kon pàk; Katù Maimu wechi ayau'nokon pàk molopai Ene Makui yentaikasak auya'nokon man.

1 John 3:12

Cain kasa we'nà kùsettak. Ene Makui winàpaino mùkkàlà, molopai takon wànàppù ya màlà. Yà'là pe ichi iwechi pàk Cain uya takon wànàppù? Masapùla yà'làlà inkupùppù wechippù àli pe, tùse yakon nùkupùppù wechippù ikasa màlàpàk iwànàppù ya.

1 John 4:4

Tùse Katù ponalok kon amyamlo, umunkà yamùk, molopai mùkyamlo ailon ton pen, yekamannan yentaikasak auya'nokon man; masapùla màlà Akkwalù ayau'nokon nai'nùk màlà meluntàiwa, màlà akkwalù wolù yawon yentaino.

1 John 5:18

Ittu'nokon man ànù'là Katù mule wechi tùwemakuima pàk tùwessen pe pùla, masapùla Katù Mumu uya ikupù wakù pe pàk, molopai, Mùkkàlà Ene Makui uya yappàtù pen màlà.

1 John 5:20

Ittu'nokon nàlà man Katù Mumu uyàssak molopai lepansak kon ya ittutok ke; ailon pe nainùk ittutoppe. Molopai mùkkàlà ailon pe nai'nùk yau we'nà'nokon man, Imu Jesus Christ yau. Pùsàlà ichi mùkkàlà ailon Katù molopai sàlàichi màlà tàwàlàlà wema'nàtok.

Revelation 12:11

“Tok uya yentaikasak man Kalinilu Mule mùnù winà, molopai ailon tùnekamappù kon Katù yekale winà, tok uya tùwemattok kon pùnùmappù pen màlàpàk tùwelikù kon pàk tok usenalippa pùla iwechippù.

Revelation 2:7

“Tàwà tùpana ke nai'nùk Wakù Akkwalù uya Sochi yamùk yelupatok yetai. Mùkyamlo entaikannannùssan uya, nulà ku'nài kùyali yepelu nattoppe ikupù uya màlà, màlà iwattasak Katù tumà yau,” teppù ya.