1 John 2:11 - Patamuna New Testament Revised

¹¹ Màkkàlà tùtonpa yeya'nomanài wechi màlà ewalupàttau molopai ewalupàttau ichalà. I'nai yailà là tùutà ittu ya pen masapùla ewalupà uya enpùla ikussak pàk.

1 John 2:11 ပူးပေါင်းရင်းမြစ်များ

John 12:35

Màlàyau Jesus uya tok pàk, “Akkwa wechi màlà apyau'nokon tachin pe kulu pùla. Asatàk kon akkwa pe iwechi kùlottau, ewalupà uyàpù àpona'nokon wapiya. Ewalupàttau tùusasen mùkkàlà i'nailàlà tùutà ittunài pen.

John 12:40

“Katù uya enpùla tok yenu kussak màlà, molopai tok usenumenkatok yakkosak ya, tenu kon ke tok uya yene tukaik molopai tùusenumenkatok kon ke tok uya ittu tukaik, wapùla tok welattà pen uwinàkàik, tipittàtok kon pe uya,” tukaik.

2 Corinthians 3:14

Tok usenumenkatok utakkosak kulu wechippù màlà. Molopai sàlà tepose tok usenumenkatok waputtàsak màlà lùppù kaleta yamùk penalok ikupù tùuya tetok Katù uya yawon uya man. Masapùla Christ yau neken màlà yamappù màlà.

2 Corinthians 4:4

Sàlà wolù yepulu uya ailon tawonnan pen usenumenkatok yewalumankasak màlà. Wakù Itekale yakkwayi Christ winàpaino yene tok uya tukaik, mùkkàlà uchi Katù usentok.

Titus 3:3

Masapùla kùmyamlo nàlà wechippù pakko pe, mayin yawolon pe pùla, ennakan yapyoto pe we'nàppà'nokon màlà yà'làlà yau yauchin pe. Esseyaton pàk wema'nàppà'nokon màlà molopai kùlùmàlunàtok yau; tùulon kon kùyeya'nomatantàu molopai tok yeya'nomappù màlà.

2 Peter 1:9

Tùse sàlà yamùk pùla nai'nùk wechi màlà enpùla molopai mei yene ya pùla, molopai àli tùnkupùssan kukappù puttàka'nùssak ya.

1 John 1:6

Echitonpa pe ipokonpe ina man tei'ma'nokon, nàlà wema'nà ewalupàttau yau, kasei pe we'nà màlà asakklàma kùmaimu yau molopai welaikantok yau.

1 John 2:10

Mùkkàlà tùtonpa ku'nài tù'nùn pe wemapù màlà Akkwa yau tàwàlà, molopai yà'làlà pùla iwechi màlà yau ànù'là uya àli kuttoppe iku'nài.

1 John 2:9

Mùkkàlà “Akkwa yau tùwemassen Iulà, ” tawon tùse tùtonpa yeya'nomanài wechi màlà ewalupàttau sàlà tepose.

1 John 3:15

Ànù'là tùtonpa ku'nài teyaton pe wechi màlà kappon wànài pe; molopai mùttuyatàik mùkkalà yekkwa yau tàwàlàlà wema'nàtok pùla iwechi.

1 John 4:20

Ànù'là uya, “Katù tù'nùnmayaik,” te, tùse tùtonpa yeya'nomanài, mùkkàlà wechi màlà, kasei pe. Masapùla Katù tùneneppù pen pùnùnmatok ya pùla iwechi màlà tùtonpa tùnene pùnùnmai'ma pùla.

Revelation 3:17

‘Tukkan, itemamin Iulà, molopai italumayippù pen, tamù'nawàlà iche wettok yesak,’ te là auya. Tùse entuppak sa'ne ewechi ittu auya pùla man! Yà'là pùla italumayippù pe messaik, ipon pùla molopai enpùla.