1 John 2:10 - Patamuna New Testament Revised

¹⁰ Mùkkàlà tùtonpa ku'nài tù'nùn pe wemapù màlà Akkwa yau tàwàlà, molopai yà'làlà pùla iwechi màlà yau ànù'là uya àli kuttoppe iku'nài.

1 John 2:10 ပူးပေါင်းရင်းမြစ်များ

Matthew 13:21

Tùse i'nak tok yak itekale wewomù pen, màlàyau tachin pe tok uko'mamù pen. Ittuntok molopai ponichimantok uyàssak wakù itekale pàkànsau yau, asse'ne tok we'nonka màlà.

Matthew 18:7

Àsà pe kulu sàlà wolù pon kon kappon yamùk pona iwechi màlà, masapùla molo màlà kappon yamùk welattàtoppe iku'nài wechi. Màlà yekkwa ton wekkupù màlà, tùse àsà pe kulu iwechi màlà mùkyamlo iwekkuttoppe iku'nàinan pona!” teppù ya.

John 11:9

Jesus uya tok maimu yeikuppù, “Ko'làma motapai ku ko'man pe tepose akkwa pe tùwessen, ewaik na'? Ànù'là kappon usalà weinai yau iwekkawai'ma pen màlà, masapùla akkwa yau yene tùuya pàk.

John 12:35

Màlàyau Jesus uya tok pàk, “Akkwa wechi màlà apyau'nokon tachin pe kulu pùla. Asatàk kon akkwa pe iwechi kùlottau, ewalupà uyàpù àpona'nokon wapiya. Ewalupàttau tùusasen mùkkàlà i'nailàlà tùutà ittunài pen.

John 8:31

Màlàyau Jesus uya ailon tawonnan tùpàk Jew yamùk pàk, “Enupantok uya yawàlà ewechi kon yau, unenupa ton pe kulu ewechi kon màlà.

Romans 14:13

Màlàyau uchi, suwa man molopai suwa pùla man tetok tonpa wannà yamùk pàk yeleutanùppai'nokon man. Tùse, eusenumenkatok kon ikonekatàk kon. Yà'làlà kùkkuttàu ewettatai'matok kon ipona pe wapùla ewekkawai'matok kon yak pe.

Philippians 1:10

Wakù pe kulu neken nai'nùk yanùmù kon pa. Molopai nen uchi esuken ewemattok kon wettoppe, wakù pe eyekale kon wettoppe Christ wennappo sàlà motak ponalà.

2 Peter 1:10

Màlàpàk uchi, utonpa yamùk, ànùttu kon ikuttàk kon Katù uya kà'mantok molopai ayanùntok kon ya ittu kon pa, masapùla sàlà kupù auya'nokon yau meluntà pe ewechi kon màlà ewekkawai'ma kon pen.

1 John 2:11

Màkkàlà tùtonpa yeya'nomanài wechi màlà ewalupàttau molopai ewalupàttau ichalà. I'nai yailà là tùutà ittu ya pen masapùla ewalupà uya enpùla ikussak pàk.

1 John 3:14

Ittu'nokon man weli'nàtok nànsak kùuya'nokon molopai uyà'nàsakù'nokon wema'nàtok yak, masapùla kùtonpa kon pùnùnma'nokon pàk. Mùkyamlo tùtonpa kon pùnùnmatok ya pùnon wechi lùppù màlà weli'nàtok yau.