1 John 1:7 - Patamuna New Testament Revised

⁷ Tùse wema'nà akkwa yau, akkwa yau iwechi nai'nùk kasa yau, echitonpa pe we'nà màlà kùtonpa pokonpe, molopai Jesus Christ, Imu, mùnù uya kùkuka kon màlà tamù'nawàlà kùmakuyi kon winàpai.

1 John 1:7 ပူးပေါင်းရင်းမြစ်များ

Matthew 6:12

Ina makuyi pàk esentuppakà. Ina winàkàik iwemakuimassak kon pàk nàlà ina nùsentupayai'nùk kasa.

John 1:29

Iwemassak yau John uya Jesus uyàpù tùpyak yeneppù. “Masa yentàk kon! Katù winàpaino mùkkàlà kalinilu mule sàlà wolù yawon kon kappon yamùk makuyi mokkanài.

John 12:35

Màlàyau Jesus uya tok pàk, “Akkwa wechi màlà apyau'nokon tachin pe kulu pùla. Asatàk kon akkwa pe iwechi kùlottau, ewalupà uyàpù àpona'nokon wapiya. Ewalupàttau tùusasen mùkkàlà i'nailàlà tùutà ittunài pen.

John 5:4

Masapùla tùulon yattai'ne là Itepulu inchelùyi uttàpàtùppù màlà tunappai kak tuna laikapàsse. Mùkkàlà wapiya ilaikasak tùpo ikak iitàsak lùppù uchipittàppù màlà i'nai yekkwa pe là iwechi tepalan yapai.]

Romans 13:12

Ewalupà wenukassak lùiwa nen uchi man, wei welepansak lùiwa man. Ewalupà ponalok yà'làlà kupù pàk we'nàtok nokon yeleutanùppai'nokon man. Wepanta'mantok ike weinai yanùnpai'nokon man.

1 Corinthians 6:11

Molopai tùulon kon amyamlo wechippù màlà wa. Tùse àkukasak kon màlà, àtùsak kon màlà Katù yemyak. Ikasa ayanùnsak kon màlà Katù pokonpe Kùyepulu kon Jesus Christ yesek yai molopai kùkatùyi winàpaino Wakù Akkwalù winà.

Ephesians 1:7

Masapùla Christ mùnù yai wepùikattànsak nokon màlà, kùmakuyi kon pàk usentupansak. Eke kulu màlà wakù pe we'nàtok Katù winàpaino,

Ephesians 5:8

Amyamlo wechippù ewalupàttau màlà, tùse Itepulu Katù ponalok kon kappon yamùk pe ewenasak kon pàk akkwa yau ewechi kon màlà. Màlàpàk uchi emattàk kon kappon yamùk akkwa yau tùwemassan kasa.

1 Timothy 6:16

Mùkkàlà neken tewinan tàwàlàlà tùwemassen. Tùwemassen mùkkàlà akkwa ànù'là nepolo itenpatau pen. Ànù'là uya yensak pùla iwechi màlà, molopai ànù'là uya yene pen màlà. Tàwà mùkkàlà ponaloppe namantok molopai tàwàlàlà apàikkek pe we'nàtok nechii! Emen.

Titus 2:14

Iwettùlùppù màlà kùponalok kon pe, kùpùikattàse tamù'nawolon àli winàpai molopai kùkonekase esukenan kon kappon yamùk tùponalok kon pe kulu neken molopai wakù ànkuppai nokon kulu pe neken.

Hebrews 9:14

Màlà yentai Christ mùnù wechi màlà apàikkeppe! Tàwàlàlà tùwemassen Wakù Akkwalù yai iwettùlùppù màlà wakù kulu imattakù pùn tùtùsen pe Katù yemyak, kùmakuyi kon yepeppe. Imùnù uya usenumenkantok kù'nokon ma màlà wakù pe tapulàsen pen wotoko winàpai, tàwàlàlà tùwemassen Katù ponaloppe we'wotokoman toppe.

James 1:17

Tamù'nawolon wakù iwalai lepantok màlà tùuyàssen epùn poi; Katù winàpai, tamù'nawolon pata weyu yamùk kau nai'nùk màlà inkonekappù. Tùwemyakammasen pen, màlà tùse pùla tùwelattà yau ewalupà ne'nài pen.

1 Peter 1:19

àpùikattàppù kon kulu màlà Christ uya epekkek tùmùnù ikkwansak àponalok kon pe yau, imattakù pùn kalinilu mule wechippù kasa.

1 John 1:3

Màlà ina neneppù lùppù molopai ina netappù yekama nàlà ina uya àpàkù'nokon, ina kùlottau echitonpa pe we'nàtok yau ewechi kon pa Kùkàipùnù molopai Imu Jesus Christ pokonpe.

1 John 1:5

Sàlàichi màlà Itekale ina netappù Imu winàpai molopai ina nekamayai'nùk àpàkù'nokon: Katù mùkkàlà akkwa molopai ewalupà là pùla kulu iwechi màlà yau.

1 John 5:6

Jesus Christ mùkkàlà iyàssak lùppù, tùusenpataukatok tunakwa molopai tùwelittok mùnù pokonpe. Iyàpùppù màlà tuna pokonpe neken pùla, tùse asakklàma tuna molopai mùn tukaik. Molopai Wakù Akkwalù uya tùmàlà pe yekamappù masapùla Akkwalù màlà ailon.

1 John 5:8

Wakù Akkwalù, tuna, molopai mùn tawonnan; molopai tamù'nawàlà àsolùwawon kon mùkyamlo tewinan ichenumenkatok.

2 John 1:4

Utauchinpatai kulu àmunkà tonpa yamùk wemapù ailon yau yeposak uya pàk, Kùkàipùnù kon maimu yawàlà.

3 John 1:4

Yà'làlà uyauchinpanài woton pùla iwechi màlà Christ winàkàik unpùikattàssan wemapù ailon yau pàk utauchinpa yentaino.

Revelation 1:5

Molopai màlà wechi màlà Jesus Christ winàpaino pe. Ailon pe tùuselupasen Katù pàk, mùkkàlà wapiya iwuluukasak lùppù weli'nàtok yapai. Non po kin pe tùwessan yepulu pe nàlà nai'nùk. Kù'nùnmanài'nokon mùkkàlà, molopai tùmùnù winà kùpùikattàsak kon ya màlà kùmakuyi kon yapai.

Revelation 12:11

“Tok uya yentaikasak man Kalinilu Mule mùnù winà, molopai ailon tùnekamappù kon Katù yekale winà, tok uya tùwemattok kon pùnùmappù pen màlàpàk tùwelikù kon pàk tok usenalippa pùla iwechippù.

Revelation 7:14

“Ewai'nan, tùse mùttuyaik nen,” tukaik imaimu yeikuppù uya. Molopai umaimu yeikuppù ya. “Pùsamlo kappon yamùk mùkyamlo eke talumattàntok yawàlà iyàssak kon. Tùpon kon kukasak tok uya màlà nai'nùk, molopai aimu'ne tok uya imasak Kalinilu Mule mùnù ke.