1 John 1:3 - Patamuna New Testament Revised

³ Màlà ina neneppù lùppù molopai ina netappù yekama nàlà ina uya àpàkù'nokon, ina kùlottau echitonpa pe we'nàtok yau ewechi kon pa Kùkàipùnù molopai Imu Jesus Christ pokonpe.

1 John 1:3 ပူးပေါင်းရင်းမြစ်များ

John 17:11

Wolù yau wechi pe pùla man talàpai, apyak uyàpù sàlà. Tùse pùsamlo wechi lùppù màlà wolù yau. Wakù Ukàipùnù, tok imainanpakà eyesek meluntàlù yau, uyesek ulepatok auya winà. Tewin tok wettoppe tùtonpa kon pokonpe, tewin we'nà àpokonpe nai'nùk kasa.

John 17:21

Tamù'nawàlà tewin tok wettoppe, Ukàipùnù, uyau messai'nùk molopai ayau wessai'nùk kasa, kùyau nàlà tok nechii, wolù yawon kon uya ailon te toppe uyeunossak auya pàk.

John 17:25

Wakù Ukàipùnù, wolù yawon kon uya lànen eyittu pùla tùse, eyittuyan Iulà, molopai pùsamo uyeunossak auya ittuyan.

John 17:3

Sàlà màlà tàwàlàlà wema'nàtok kappon yamùk uya eyittutok ipàkàlà, ailon Katù pe ewechi màlà àmàlà neken, molopai Jesus Christ nàlà eneunokoppù.

John 19:35

Mùkkàlà màlà yennàippù uya yekamappù molopai màlà ichelupatok lùppù wechi màlà ailon pe. Ailon pe yekama tùuya ittuppù ya màlà, molopai yekamappù ya màlà ailon te kon pa.

Yeunossak kon Wotokoyi 13:32

Wakù Itekale nessak ina uya apyakù'nokon man, màlà Katù uya ikupù tùuya teppù lùppù kùtamo kon pàk. Màlà kussak ya man sàlà pe kùponalok kon pe, kùmyamlo tok payan nùssan, Jesus wuluuka tùuya weli'nàtok yapai winà. Iwe'menukasak yakon Psalm yau kasa, ‘Umu àmàlà, sàlà pe àkàipùnù pe wenasak man,’ tukaik.

Yeunossak kon Wotokoyi 13:41

‘Yentàk kon! Mottùnpan nan! Esenumenkatàk kon molopai amattatàk kon! Masapùla sàlà wotoko tùkussai'nùk eweyu kon yattai, wechi màlà ailon tetok auya'nokon ipàk woton pe pùla, ànù'là wechi yekamaiche àpàkù'nokon tùse!’ ” tukaik.

Yeunossak kon Wotokoyi 2:42

Tok uko'manpàtùppù tùusenupa kon pàk yeunossak kon uya enupantok pàk, tamùkke tok tok wechippù, tùuta'letàtok kon yau molopai tùwàpùlematok kon yau.

Yeunossak kon Wotokoyi 20:27

Masapùla tamù'nawolon Katù yeselu yekamappù uya àpàkù'nokon.

Yeunossak kon Wotokoyi 4:20

Masapùla ina weleuta tùuselupa kon tùneneppù kon molopai tùnetappù kon pàk yeselùk pùla man,” tukaik.

Romans 15:27

Màlà kupù pàk tok utauchinpasak wechippù màlà tùyiwalà'nokon. Tùse mùkyamlo yà'là pùnon sa'ne pùikattà nen tok uya màlà, masapùla Jew yamùk uya wakù Katù winàpaino intùlùppù pùkkù pe Jew yamùk pen masak pàk, màlàpàk uchi Jew yamùk pen uya Jew yamùk pùikattà màlà itesappe tùwettok kon ke.

1 Corinthians 1:30

Tùse Katù uya enessak kon man Christ Jesus ponaloppe we'nàtok yak, molopai Katù uya Christ kussak man ittutok kùuya'nokon pe. Mùkkàlà Christ winà Katù pokonpe ikasa kùtùlù kon màlà, esuken molopai kùpùikattà kon àli kuttok winàpai.

1 Corinthians 1:9

Katù, àkà'manàippù'nokon echitonpa pe ewechi kon pa tùmu Jesus Christ Kùyepulu kon pokonpe, mùkkàlà wechi màlà ailon pe.

1 Corinthians 15:1

Utonpa yamùk eyenu kon anappontàpai wessaik Wakù Itekale unekamappù lùppù àpàkù'nokon pàk, ananùmùppù kon lùppù, molopai ailon tetok auya'nokon wettok meluntà pe ipàk.

2 Corinthians 13:14

Tàwà uchi Itepulu Jesus Christ wettok wakù pe, molopai Katù uya pùnùnmantok, molopai Wakù Akkwalù pokonpe echitonpa pe we'nàtok apyau'nokon nechii.

Ephesians 3:6

Sàlàichi màlà tùttusen pen: Wakù Itekale winà Jew yamùk pen wechi màlà Jew yamùk pùkkù pe Katù uya pùlemantok yau. Tewin ipun tok wechi màlà molopai Katù uya itùlù tùuya teppù lùppù pùkkù pe tok wettoppe màlà ikussak Christ Jesus yau.

Philippians 1:7

Tàwàlà uyewan pe tùwessan amyamlo! Màlàpàk ikasa iwechi màlà sàlà kasa usenumenka tamù'nawàlà àpàkù'nokon. Masapùla Katù uya ulepatok wakù pe we'nàtok pùkkù pe ewessak kon pàk. Sàlà pe patikichi tau wechi yau wapùla polopo Wakù Itekale wechi ailon pe yekama pàk wechi yau, iwenai wechi pe.

Philippians 2:1

Ewemattok kon na' Christ yau meluntà pe àkussatàu? I'nùn na' eyewan kon ipittàyan? Wakù Akkwalù pokonpe na' echitonpa pe we'nàtok yesappe messatàu? Usentupantok molopai ànù'là kappon pùnùnmatok auya'nokon yesappe na' messatàu?

Philippians 3:10

Christ neken ànùttupai wessaik molopai iwe'wuluukatok meluntàlù. Iwettalumattàppù pùkkù pe eppai wessaik molopai ikasa enapai iwelittok yau.

Colossians 1:13

Masapùla kùpùikattàppù kon ya ewalupà meluntàlù winàpai molopai ne'nàsak kon ya itepulu pe tù'nùn Tùmu wettok yak pàk.

1 Thessalonians 1:10

Molopai Imu, Jesus Christ uyàpù epùn poi màmuku kon pàk ewechi kon, inwuluukappù lùppù weli'nàtok yapai, molopai pùikattànài Katù we'naikatok tùuyàpù woton winàpai pàk tùuselupasan.

1 Timothy 6:2

Ailon tawonnan pe tepotolù kon yamùk wechi yau tok poitolo ton i'nùmla tok kuttak, masapùla ailon tawonnan nàlà mùkyamlo. Wa tùse, tàwà tepotolù kon yapyoto pe tok nechii wakù peiwa, masapùla mùkyamlo nepùikattà yai'nannùk wechi ailon tawonnan pe molopai tù'nùn kon pe tok wechi pàk. Sàlà pàk kappon yamùk menupaik molopai sàlà yamùk mekamaik.

Hebrews 2:12

“Utonpa yamùk yelupa uya màlà àpàk. Katù, ayapulàtok yelenka uya màlà ilinà kappon yamùk yemlotopo,” teppù ya.

Hebrews 3:1

Màlàpàk utonpa yamùk, amyamlo esuken ikonekasak kon molopai ikà'masak kon Katù winà. Jesus yentàk kon, mùkkàlà yeunossak lùppù molopai eke kulu paatele, mùkkàlà ina nekamayai'nùk.

Hebrews 3:14

Masapùla uyà'nàsakù'nokon nai'nùk Christ pùkkù pe, utachinpai'nokon uchi meluntà pe wapiya ailon teppù kùuya'nokon nùppù pàk, iwenukapù tepose.

1 Peter 5:1

Sochi yennàinan àkklottau'nokon nai'nannùk tùpawanattàyaik, Iulà nàlà mùkkàlà sochi yennài. Christ wettalumattàtok lùppù yekamanài, molopai itakkwayi tùusenpoika woton pùkkù nàlà. Apawanattàyatàu Iulà:

2 Peter 1:16

Ikuppàssak kon nà panton yekama ina uya pùn Kùyepulu kon Jesus Christ uyàpù meluntà pe yekama ina uya àpàkù'nokon yau. Tùse tenu kon ke ina uya itakkwayi yeneppù.

1 John 1:1

Ina emenukayatàu wema'nàtok Maimu pàk. Molo iwessak lùppù iwepyattàppù motapai. Ina uya yetappù màlà molopai ina uya yeneppù tenu kon ke; ewaik, ina uya yeneppù molopai ina yemyatù uya yappàtùppù.

1 John 1:5

Sàlàichi màlà Itekale ina netappù Imu winàpai molopai ina nekamayai'nùk àpàkù'nokon: Katù mùkkàlà akkwa molopai ewalupà là pùla kulu iwechi màlà yau.

1 John 1:7

Tùse wema'nà akkwa yau, akkwa yau iwechi nai'nùk kasa yau, echitonpa pe we'nà màlà kùtonpa pokonpe, molopai Jesus Christ, Imu, mùnù uya kùkuka kon màlà tamù'nawàlà kùmakuyi kon winàpai.