1 John 1:1 - Patamuna New Testament Revised

¹ Ina emenukayatàu wema'nàtok Maimu pàk. Molo iwessak lùppù iwepyattàppù motapai. Ina uya yetappù màlà molopai ina uya yeneppù tenu kon ke; ewaik, ina uya yeneppù molopai ina yemyatù uya yappàtùppù.

1 John 1:1 ပူးပေါင်းရင်းမြစ်များ

Luke 1:2

Tok uya yekamasak lùppù ina pàk menukappù màlà mùkyamlo sàlà yamùk yennài nan nùssan iweppyattà motapai molopai itekale yekaman nan nùssan uya.

Luke 24:39

Masa uyemyatù yamùk, molopai utta yamùk yentàkkon molopai Iulà pe iwechi ittukon pa. Kùyappàttàk kon molopai yene auya'nokon màlà, wolo'yan mùkkàlà ipun pùn molopai yàppù pùn, itesak pe wechi menyatàik,” teppù ya.

John 19:35

Mùkkàlà màlà yennàippù uya yekamappù molopai màlà ichelupatok lùppù wechi màlà ailon pe. Ailon pe yekama tùuya ittuppù ya màlà, molopai yekamappù ya màlà ailon te kon pa.

John 20:27

Màlàyau Thomas pàk, “Eyemyatù yemaikakà sailà, molopai uyemyatù yamùk yenkà. Eyemyatù yenkakà molopai yemaikakà uwolo yai. Ailon tetok auya pùla kùsettak, tùse ailon kakkà làkku,” teppù Jesus uya

John 5:26

Ikàipùnù yau wema'nàtok wechi kasa làma màlà Tùmu kussak ya wema'nàtok wettoppe yau.

John 8:58

Jesus uya tok pàk, “Ailon kulu sàlà, Abraham wentu wapiya iwemassak lùppù Iulà. Molonnà Iulà,” teppù.

Yeunossak kon Wotokoyi 1:3

Tùwettalumattà molopai tuwelikù tùpo, 40 pe wei kaichalà ichenpoikapàtùppù ta'lon kon nùssan piyak, kasei pe pùla pàli'yau tùwechi yekama pe tukke itekkwa yà'là yekkwa yawàlà là. Tok uya yeneppù molopai ichelupappù tok pokonpe Katù wettok itepulu pe pàk.

Yeunossak kon Wotokoyi 4:20

Masapùla ina weleuta tùuselupa kon tùneneppù kon molopai tùnetappù kon pàk yeselùk pùla man,” tukaik.

Hebrews 2:3

Yà'là kasa ken uchi wepen eke kulu wepùikattàntok yetapàtù kùuya'nokon yau? Sàlà wepùikattàntok yekamappù màlà Itepulu Jesus uya wapiya, molopai màlà yetannannùssan uya yekamasak màlà kùpàkù'nokon.

1 John 4:14

Molopai yensak kùuya'nokon man molopai yekama man tùulon kon pàk Kùkàipùnù uya Tùmu yeunokoppù sàlà wolù yawon kon pùikattànài pe iwettoppe.

1 John 5:7

Masapùla pùsamlo àsolùwawon kon mùyamlo yekamannan.

Revelation 1:11

“Enene imenukakà, molopai kaleta yeunokkà 7 pan pata yamùk yawon kon sochi yamùk piyak: Ephesus, Smyrna, Pergamum, Thyatira, Sardis, Philadelphia molopai Laodicea pon kon yemyak,” teppù ya.

Revelation 1:8

“Alpha Iulà molopai Omega iweppyattàtok molopai iwenukattok,” tawon mùkkàlà Itepulu Katù, sàlà pe nai'nùk, iwechippù nai'nùk, molopai tùuyàpù woton, Mùkkàlà neken Meluntà.

Revelation 19:13

Pon, yau iwettok wechippù màlà mùn yak ikichappe. Esek mùkkàlà yesattok yau wechippù “Katù Maimu,” tukaik.

Revelation 2:8

“Smyrna pon Sochi inchelùyi piyak sàlà imenukakà: “Sàlàichi màlà itekale mùkkàlà wapiyalok molopai iwenukattok, iwelichak lùppù molopai nulà tu'ma nai'nùk winàpaino.