1 Corinthians 9:18 - Patamuna New Testament Revised

¹⁸ Yà'là yekkwa ken uchi e'mantok yepolo uya? Wakù Itekale yekamanài Iulà Itepulu Jesus pàk itepeppù tennaik pùla, unepolo yek tepose pùla.

1 Corinthians 9:18 ပူးပေါင်းရင်းမြစ်များ

John 4:36

Mùkkàlà ipili'nài uya tepeppù yepolo màlà, molopai kùyali pilipù ya tàwàlàlà wema'nàtok ponaloppe. Mùkyamlo ipànnài molopai ipili'nài tawonnan utauchinpa màlà tamùkke.

Yeunossak kon Wotokoyi 18:3

Molopai molo iwechippù, iwe'wotokomappù tok pokonpe, masapùla tùwemattok yepoloppù ya màlà tapulin koneka tùuya winà, tok kasa nàlà.

Romans 14:15

Ànù'là kappon yewankono'ma auya'nokon yà'làlà annapù kon pàkàlà yau, uchi'nùnmantok yapai ewelaika kon pùla iwechi màlà pena ewechippù kasa pùla. Kapon Christ welikùppù ipona lùppù mattanùttak eyeipa kon!

1 Corinthians 10:33

Ukasa. Tamù'nawolon yau tamù'nawolon kon pàk wakù pe welaikaiche tùwessen Iulà unkupù yau. Masapùla wakù pe neken nà uwinàkàik we'nà iche wechi pen, tùse tamù'nawolon kon pàkànsau, tok wepùikattà toppe.

1 Corinthians 3:8

Tùpatalà'ne là ipànnài molopai iki'nài tawonnan wechi pen nai'nùk. Molopai tok ye'matok wechi màlà tok kaichalà tewin pàk tok wotokoyi lùppù pàkàlà.

1 Corinthians 7:31

Mùkyamlo sàlà wolù yawon mamin yapulànnan yapulàtok tùuya'nokon pùla iwechi kasa. Masapùla sàlà wolù sàlà pe yene nai'nùk, uko'mamù tachinpe kulu pen màlà.

1 Corinthians 8:9

Elanneppeichi ettàk kon, masapùla inapù auya yeselùkek iwechi kon pàk, attu'mùnon ailon tetok yau wepippo tùwemakuimatok kon yak tukaik.

1 Corinthians 9:12

Molopai ewinàpai'nokon tùwepùikattàtok kon yeponnan pe tùulon kon wechi, wechi ikasa yau, màlà yentai palà ken na' yeponnan yeppe pùla ina wechi màlà? Tùse sàlà kussak ina uya pùla man. Tùse làkku ina uya tamù'nawolon yà'làlà pàlikasak man Christ yekale wakkàtù ina uya tukaik.

1 Corinthians 9:15

Tùse i'nai yekkwa là sàlà yamùk yapulàsak uya pùla man. Molopai sàlà menuka uya enpen wechi yà'là yamùk là kupù auya'nokon uponaloppe iche wechi pàk pen nai'nùk. Welikù làkku nen iche wessaik utapulàtok iwinà pàk ulapuma ànù'là uya wapiya.

1 Corinthians 9:17

Uwotokoyi kussak uya uyiwalà alikyeppe yau, uyepeppù wechi màlà molo. Tùse uyiwalà pùla iwechi yau, uwotokoyi unkupù pe itùsak lùppù kupù uya pe iwechi màlà.

2 Corinthians 4:5

Masapùla tekale kon yekamannan pen ina, tùse Jesus Christ yekamannan ina Itepulu pe, molopai ina nen uchi ayapyoto kon pe Jesus pàkànsau.

1 Thessalonians 2:6

Apulàntok kulu là iche ina wechi pùn ànù'là winàpai, ewinàpai’nokon nà wapùla tùulon kon nà winàpai.