1 Corinthians 9:14 - Patamuna New Testament Revised

¹⁴ Màlà kasa làma Itepulu Jesus uya màlà mùkyamlo Wakù Itekale yekamannan kussak tùwematok kon yepotoppe tok uya itekale yekama tùuya'nokon winà.

1 Corinthians 9:14 ပူးပေါင်းရင်းမြစ်များ

Matthew 10:10

Paiki kùsatàu àutà kon yau, wapùla asa'là pon kùsatàu, wapùla pùtassa wapùla tekessen. Tùwe'wotokomasan mà mùkkàlà tùlepasen yek tà.

Luke 10:7

Molo màlà tapùi tau mettàik, tok uya elepatok kon mànattàik molopai minchitàik masapùla tùwe'wotokomasen mùkkàlà te'masen. Katamapàttàu tewinan tapùi tapai tùulon tapùi tak.

Luke 10:8

Pata yak àutàsak kon yà'là yattai là yau, molopai ayanùnsak kon yau, eyemloto kon pona inonkasak mùnattàik.

Yeunossak kon Wotokoyi 18:3

Molopai molo iwechippù, iwe'wotokomappù tok pokonpe, masapùla tùwemattok yepoloppù ya màlà tapulin koneka tùuya winà, tok kasa nàlà.

1 Corinthians 4:15

Masapùla 10,000 pe lànen eyenupannan Christ pàk yesappe ewechi kon, tùse tukke àkàipùnù kon wechi pen. Masapùla àkàipùnù kon pe wenasak màlà itekale winà.

1 Corinthians 9:11

Katù winàpaino wakù pànsak ina uya àkklottau'nokon yau yà'làlà mamin yeponnan yeppe pùla na' ina wechi nai'nùk ewinàpai'nokon?

1 Corinthians 9:12

Molopai ewinàpai'nokon tùwepùikattàtok kon yeponnan pe tùulon kon wechi, wechi ikasa yau, màlà yentai palà ken na' yeponnan yeppe pùla ina wechi màlà? Tùse sàlà kussak ina uya pùla man. Tùse làkku ina uya tamù'nawolon yà'làlà pàlikasak man Christ yekale wakkàtù ina uya tukaik.

1 Corinthians 9:16

Wakù Itekale yekama uya pàkàlà là utapulàtok pùla iwechi màlà. Masapùla Itekale yekamatoppe uya kulu màlà ukussak molopai ikupù uya pùla iwechi yau utalumattà màlà!

1 Corinthians 9:4

Ina yeipa molopai ina uku tawon yepolo ina uya wechi ken na' uchi ikasa pùla màlà?

2 Corinthians 2:12

Troas pona welepansak Christ yekale yekamase yau, Itepulu uya asanta yakkokasak uponaloppe yepoloppù uya màlà.

Galatians 6:6

Tàwà mùkkàlà tenupasen Itekale pàk, tamù'nawàlà wakù ton pantakai tenupanài pokonpe.

1 Thessalonians 1:5

Masapùla Wakù Itekale nepùppù ina uya màlà apyakù'nokon, imaimuppù lùppù pe neken nà pùla. Tùse tùmeluntàlù ke Wakù Akkwalù pokonpe nàlà molopai tamù'nawàlà eyewan yelupatok ya ikasa pokonpe. Mùttuyatàik ina wemapùppù apyau'nokon tùwechi kon yau àponalok kon pe.