1 Corinthians 8:4 - Patamuna New Testament Revised

⁴ Màlàpàk uchi kùyali ailon pen katù yemyak itùsak lùppù napù yau, ittu'nokon man ikonekasak katù wechi yà'là pe pùla kulu i'nailàlà. Molopai tewinan neken Katù wechi molo.

1 Corinthians 8:4 ပူးပေါင်းရင်းမြစ်များ

Mark 12:29

Jesus uya imaimu yeikuppù, “Tùkussen kulu enupantok kùlottawon màlà, ‘Yetatàk kon, Israel yamùk! Itepulu kùkatùyi mùkkàlà tewinan neken Itepulu.

Yeunossak kon Wotokoyi 14:15

“Kàyik yamùk, yà'là pe iwechi pàk sàlà kupù auya'nokon màlà? Kappon yamùk neken nen ina, awalai'nokon nen! Talà ina man Wakù Itekale yekamatoppe tùuya'nokon ewelattà kon pa sàlà yà'là ku'nài pen winàpai tùwemassen Katù winàkàik, kak, non, palau, molopai tamù'nawolon yau nai'nùk konekanàippù.

Yeunossak kon Wotokoyi 15:20

Tùse, kaleta menukapai'nokon man tok pàk yekamape, Kùyali napù tok uya tukaik tùulon katù yemyak itùsak lùppù. Àli imakuyippù kuttok esak ke winàpai tok wettoppe; kamo i'mùtùntàsak yanù tok uya tukaik wapùla mùn yeme tok uya tukaik.

Yeunossak kon Wotokoyi 19:26

Menyatàik molopai metayatàik pùsàlà Paul nùkussai'nùk. Kappon yamùk nùkonekasan katù yamùk mùkyamlo katù yamùk pen te ya, molopai tukke kappon yamùk uya ailon te toppe ikukkassak ya man, asakklàma talà Ephesus po molopai tamù'nawàlà làiwa lànen Asia yawolon pata yamùk po.

1 Corinthians 8:1

Sàlà, ailon pen katù yemyak itùsak lùppù kùyali yekale pàk uselupa. Ittu'nokon man tamù'nawàlà ittutok yesappe we'nà. Ittutok màlà kappon ku'nài eke pe tukaik itapulàtoppe, tùse uchi'nùnmantok màlà pùikattànài pe ku'nài.

1 Corinthians 8:10

Masapùla ànù'là attumùn ichenumenkatok uya ittunnan pe echii'ma auta'lettà kon ailon pen katù yùwùk tau yene yau, sàlà uya ken na' imeluntàlùnpa kùyali ailon pen katù yamùk yemyak itùsak lùppù nattoppe ya pen?

1 Corinthians 8:11

Màlàpàk pùsàlà attu'mùn àtonpa kon, Christ welikùppù iponaloppe lùppù umattasak màlà ittutok auya'nokon winà.

Galatians 4:8

Pena Katù ittu auya'nokon pùla ewechi kon yau, katù yamùk iwalai non pen yappyoto pe ewechippù kon màlà.

Ephesians 4:6

Tewinan Katù molo man molopai tamù'nawolon kon kappon yamùk Kàipùnù mùkkàlà. Tamù'nawolon kon Yepulu mùkkàlà, tamù'nawolon kon yai tùwe'wotokomasen molopai tamù'nawolon kon yawon.

1 Timothy 1:17

Tàwàlàlà Kin pe tùwessen, tùumatta woton pen molopai yensak pen, tewinan Katù piyak, namantok molopai apulàntok tùlù màlà tàwàlà molopai tàwàlàlà! Emen.

1 Timothy 2:5

Masapùla Katù mùkkàlà tewinan, molopai tewinan nàlà molo man Katù molopai tamù'nawolon kon kappon yamùk yakkletawon, mùkkàlà kàyik Christ Jesus.

Jude 1:25

Tewinan Katù Kùpùikattànài'nokon Jesus Christ Kùyepulu kon yai piyau apulàntok nechii. Inamatok nechii. Itepulu pe we'nàtok meluntàlù nechii. Molopai apàikkek nechii, sàlà pe molopai tàwàlàlà molopai tàwàlàlà! Emen.