1 Corinthians 8:1 - Patamuna New Testament Revised

¹ Sàlà, ailon pen katù yemyak itùsak lùppù kùyali yekale pàk uselupa. Ittu'nokon man tamù'nawàlà ittutok yesappe we'nà. Ittutok màlà kappon ku'nài eke pe tukaik itapulàtoppe, tùse uchi'nùnmantok màlà pùikattànài pe ku'nài.

1 Corinthians 8:1 ပူးပေါင်းရင်းမြစ်များ

Yeunossak kon Wotokoyi 15:10

Yà'là pe ken uchi iwechi pàk màlà Katù tùlùiche ewechi kon ittutok yak eme'nek tùnonkase ailon tawonnan mùpona kùtamo kon yamùk là wapùla kùmyamlo là uya yalà yentaino?

Yeunossak kon Wotokoyi 15:29

Kùyali kù'nattàu itùsak lùppù tùulon kon katù yamùk yemyak tok nama pe, mùn kùsemetàu, kamo i'mùtùntàsak kùsantàu, molopai àli ànkupai we'nàtok esak ke winàpai ettàk kon. Wakù pe ewechi kon màlà sàlà yamùk kupù auya'nokon pùla iwechi yau. Màlà neken.” tukaik.

Yeunossak kon Wotokoyi 21:25

Tùse Jew yamùk pen ailon tawonnan pe iwenasak kon, yemyak kaleta yeunokoppù ina uya, tok pàk ina uya yekamappù, ina usenumenkasak man yà'làlà kùyali, ikonekasak katù yemloto pona ichalattàsak lùppù napù tok uya tukaik; wapùla mùn yeme tok uya tukaik, wapùla ànù'là i'mùtùntàsak kamo yanù tok uya tukaik, molopai àli imakuyippù kuttok esak ke winàpai tok wettoppe,” teppù Paul pàk.

Romans 11:25

Tùttusen pen ailon molo man, utonpa yamùk, ittu auya'nokon iche wettok. Pukkeppe ewechi kon pe yekama auya'nokon tukaik àkupù kon ya màlà. Sàlà uchi màlà kappon yamùk Israel pon kon wettok sa'man pe itewan wechi tàwàlà tùwessen pe pùla. Tùse iche we'nàtok kaichalà Jew yamùk pen kùlottapai wessepolo Katù piyak ponalà neken iwechi.

Romans 12:16

Echitonpa pe ettàk kon tamù'nawolon kon pokonpe. Ànù'là kappon yentai kekkuttàu, katapulàtàu, tùse entuppa'nokon yanùntàk kon ewechiyakon kon pe. Pukeppe ewechi kon pe kùsekamatàu.

Romans 14:10

Amyamlo, yà'là pe iwechi pàk àtonpa kon pàk suwa man wapùla suwa pùla man te auya'nokon màlà? Wapùla yà'là pe iwechi pàk àtonpa kon ku'nàinan amyamlo atalumayi kon pe? Tamù'nawolon kon kùmyamlo wà'mùssakka màlà ittuntok Katù uya yapon yemloto po.

Romans 14:14

Itepulu Christ ponaloppe wechi yawàlà tùttuyaik kulu yà'làlà tùnassen wapùla tansen wechi àli pe là pùla. Tùse kappon uya àli te ipàk yau, àli pe iwechi màlà ipona.

Romans 14:19

Màlàpàk uchi màlà yamùk echitonpa pe we'nàtok ne'nài iwapai'nokon man tàwàlà, molopai tonpa tùmeluntàpaik we'nàpai.

Romans 14:22

Màlàpàk ailon tetok auya'nokon sà yamùk pàk ikuttàk kon àmàlà molopai Katù pokonpe neken ànùttu pe. Yauchin pe molopai tùwanmùla tùwessen mùkkàlà kappon tùwemakuima pe tùuchittusen pen ailon tetok tùuya kupù tùuya yau!

Romans 14:3

Mùkkàlà tamù'nawolon na'nài molopai yannài, yonpanài pen talumattàtak molopai yà'là yekkwa là yonpanài pen tamù'nawolon na'nài molopai yannài talumattàtak, masapùla mùkkàlà kapon yanùsak Katù uya màlà.

Romans 15:14

Utonpa yamùk, Iulà uyiwalà nùttuyan wakù pe we'nàtok ke awanùssak kon, tamù'nawolon tùttusan ke molopai kappon yenupanài yeppe ewechi kon àkklottau'nokon.

1 Corinthians 1:5

Masapùla mùkkàlà yau tamù'nawolon yesappe ewenasak kon man, tamù'nawolon yau, tamù'nawàlà euselupatok kon yau molopai tamù'nawàlà ittutok auya'nokon yau.

1 Corinthians 10:15

Ittunnan kappon yamùk pokonpe uselupa kasa uselupa sàlà, ailon pe wate uya ittutàk kon eyiwalà'nokon.

1 Corinthians 10:28

Tùse àpàkù'nokon ànù'là uya, “Sàlà màlà ailon pen katù yemyak itùsak lùppù,” te yau kù'nattàu, mùkkàlà kappon yekamanàippù àpàkù'nokon usenumekatok pàkànsau. Molopai usenumenkantok pàkànsau.

1 Corinthians 14:20

Utonpa yamùk, mule yamùk lùkkwà mùkyamlo àli ittunnan pen. Tok kasa ettàk kon tùse eusenumenkatok kon yau tok kasa kettàu, tùse kàyippe ettàk kon eusenumenkatok kon yau.

1 Corinthians 15:34

Ennappotàk kon wakù pe eusenumenkatok kon yak, molopai àli kuttok auya'nokon yeselu yeleutanùttàk kon. Sàlà te uya sàlà ewekuli'ma kon pa, masapùla molo man àkklottau'nokon tùulon kon Katù ittunnan pen.

1 Corinthians 4:10

Christ pàkànsau pakko ton pe ina kupù nai'nùk, tùse pukkek ton pe ewechi kon màlà Christ yau. Attu'mùnon ina molopai teya'nomasan tùse meluntà ton amyamlo. Tùnamasan amyamlo, molopai ina tùnamasan pen.

1 Corinthians 4:18

Tùulon kon nùtapulàyan àkklottau'nokon, apyakù'nokon uyàpù pen kasa tùttuik.

1 Corinthians 4:6

Utonpa yamùk, sàlà yamùk tesak uya màlà Iulà molopai Apollos tawonnan pàk ittutok auya'nokon ipàkàlà pe. Ina winà eusenupa kon pa, yà'là te là “Imenukasak yawàlà neken ekkà itentak pùla” tawon uya ittu kon pa. Molopai nen uchi ànùk yekkwa kappon wechi tùulon yentai te auya'nokon tukaik.

1 Corinthians 5:2

Itepalan pe mekkussatàik! Eusewankono'ma kon pùlan pe'nai? Tàwà mùkkàlà, màlà yekkwa ku'nàippù yenpakka nechii àkklottapai'nokon.

1 Corinthians 5:6

Ikasa pùla iwechi màlà autapulà kon yau. Ittuichi auya'nokon pùla nai malalon lùkwà yapuluwetanùtok ike we'wotokomasek tamù'nawàlà pùlomù yau.

1 Corinthians 8:2

Kappon yà'làlà ittu tùuya pe nekamayai'nùk uya ittu pùla iwechi màlà ittutok tùuya kasa.

1 Corinthians 8:4

Màlàpàk uchi kùyali ailon pen katù yemyak itùsak lùppù napù yau, ittu'nokon man ikonekasak katù wechi yà'là pe pùla kulu i'nailàlà. Molopai tewinan neken Katù wechi molo.

1 Corinthians 8:7

Tùse tamù'nawolon kon uya sàlà ittu pen nai'nùk. Tùulon kon kappon yamùk pona ailon pen katù wechippù takkwalù ke màlà. Màlàpàk sàlà pata weyu tepose màlà yekkwa ton kùyali napù tùuya'nokon yau, ailon pen katù yemyak itùsak lùppù pe tok uya yekama, tok usenumenkatok wechi attu'mùla màlà tùwanmùla pùla tok wechi molopai àli pe iwechi tok pona.

Ephesians 4:16

Itepulu pe iwettok yo'no tamù'nawolon tùpatalo'nan esak pùkkù yamùk tùwessen tùpatasek kon yau tamùkke, molopai tamù'nawolon esak yachichak màlà ichese'muttàpàttok uya, màlà yamùk uya ipùikatànài pe ikussak. Màlàpàk tamù'nawolon ipùkkù uya tùwotokoyi kupù wakù pe, tamù'nawolon esak tùwekassen molopai tùusemokkasen uchi'nùnmantok yai.

Colossians 2:18

Kappon yamùk là, wakù pe tukaik molopai àssà'mùla pe tukaik tùusennakasan molopai inchelù yamùk pàk tùwàpùlemasan tese'mu kon yok tùwenase eyennakatakù'nokon. Molopai alapumatakù'nokon e'mantok winàpai. We'neppà'nà walai yene tùuya'nokon pàk tùuselupasan mùkyamlo tùutapulà kon pe. Pùsamlo yekkwa ton ikasa pùla messatàik kùkkatak àpàkù'nokon. Ittutok ya pùnon mùkyamlo, pakko pe tùuselupasan masapùla kappon pe tok usenumenka pàk.

Revelation 2:14

Tùse molo man tukkan pen nà ikasa pùla ewechi pàk ewinàkàik usenumenkatok. Tùulon kon àkklottau'nokon man Balaam uya enupantok ku'nài nan. Balak yenupappù ya màlà Israel pon kon wemakuima toppe ikuttoppe ya Katù pen yemyak itùsak lùppù kùyali nattoppe tok uya. Molopai tok uya àli imakuyippù kuttoppe tesak kon ke.

Revelation 2:20

Tùse sàlàichi màlà usenumenkatok ewinàkàik. Mùkkàlà nossan Jezebel pàlikanài àmàlà, mùkkàlà Katù Maimu yenpoikanài pe tukaik tùusesassen. Uyapyoto yamùk yenupanài mùkkàlà àli imakuyippù kuttoppe tok uya tesak kon ke, molopai Katù pen yemyak itùsak kùyali nattoppe tok uya iku'nài.