1 Corinthians 7:38 - Patamuna New Testament Revised

³⁸ Màlàpàk mùkkàlà nùnoppùtayai'nùk uya màlà iwalai kupù, tùse mùkkàlà tùunoppùtaik pùla nai'nùk wechi màlà itentai lùiwa wakù pe.

1 Corinthians 7:38 ပူးပေါင်းရင်းမြစ်များ

Matthew 5:32

Tùse sàlà pe tekamayaik àpàkù'nokon, ànù'là tùnoppù nonkatak tùse ailon pe pùla neken tùwinàkàik iwessak yau. Àli pe nen uchi iwettoppe ikupù ya màlà iwemali'ma tu'ma yau, molopai ipokonpe tùwemali'masen wemakuima nàlà nen uchi màlà,” teppù Jesus uya.

1 Corinthians 7:26

Sàlà yattai sa'man pe pata weyu wechi pàk, messatài'nùk kasa lùppù ewechi kon yau wakù peiwa iwechi tukaik usenumenkayaik.

1 Corinthians 7:37

Tùse mùkkàlà tùyiwalà tùusenumenkatok yau màlà yekkwa yeleutanù'nài kàyik, eka'nonkantok yo'non pen tùse tùyiwalà teselu yesappe tùwessen molopai ichenumenkasak ema'non tanùnse tùnoppù pe pùla tùwettoppe, pùsàlà nàlà kàyik uya màlà iwalai kupù.

1 Corinthians 7:39

Tùtayappù kenan nossan yewattàsak màlà itayappù pàk iwemapù yawàlà. Tùse tùtayappù welichak yau tàwà nemali'ma tu'mai emali'mapai tùwechi yau ànù'là pokonpe, tùse Itepulu yau neken.

1 Corinthians 7:8

Iwemali'mappù pùnon molopai itayappù iwelichak kon pàk te uya. Wakù peiwa iwechi màlà tùwemali'maik pùla ukasa tok wechi yau.

Hebrews 13:4

Tàwà tamù'nawolon kon wemali'mantok tùnamaik nechii. Molopai tàwàlàlà atayappù wapùla ànoppù kon winàkàik ailon pe ettàk. Masapùla Katù uya àli ku'nài nan tesak kon ke molopai tùnmali'mappù kon pen pokonpe tùwessan talumattà màlà.