1 Corinthians 7:30 - Patamuna New Testament Revised

³⁰ Mùkyamlo tùusewankono'masan, tùusewankono'ma kon pùla iwechi kasa. Mùkyamlo tùutauchinpasan tùutauchinpa kon pùla iwechi kasa. Mùkyamlo yà'làlà ye'mannan ine'mappù pùla tùwechi kon kasa.

1 Corinthians 7:30 ပူးပေါင်းရင်းမြစ်များ

Luke 16:25

“Tùse Abraham uya, ‘Umu, masa ittukà, ewemapù yau wakù ton yepoloppù auya, Lazarus uya àli ton yepolo tùse. Tùse nen uchi sàlà pe iichipittàsak man talà, e'nek pe ewechi tùse.

Luke 6:21

“Tùutauchinpasan amyamlo napàkkassai'nannùk sàlà pe, auta'lettà kon màlà tùwenukasse. Tùutauchinpasan amyamlo nùsewankono'mayainan'nùk sàlà pe, masapùla àwàkklà kon màlà.

Luke 6:25

“Àsà àpo'nokon man, amyamlo, wakù pe yewetù nai'nannùk sàlà pe, masapùla awapàkkappù kon màlà! Àsà àpo'nokon man, amyamlo nàkklàyai'nan nùk sàlà pe. Masapùla eusewankono'ma kon màlà molopai akalawù kon.

John 16:22

Màlà kasa là sàlà pe eusewankono'matok kon yattai man. Tùse eyene kon uya tu'ma màlà. Molopai autauchinpa kon màlà. Molopai ànù'là uya autauchinpatok kon mokka pen màlà.

1 Corinthians 7:29

Utonpa yamùk, tokkwen pata weyu man te uya nai'nùk. Sàlà motapai tàwà tùnoppù kenan kon wemapù màlà ipla tùwechi kon kasa.

1 Corinthians 7:31

Mùkyamlo sàlà wolù yawon mamin yapulànnan yapulàtok tùuya'nokon pùla iwechi kasa. Masapùla sàlà wolù sàlà pe yene nai'nùk, uko'mamù tachinpe kulu pen màlà.

Revelation 18:7

Wakù pe temamin ke tùwechi yawà itapulàppù. Màlà kaichalà làma ilepatàk kon talumattàntok molopai usewankono'mantok ke. Masapùla, ‘Sà motau chichiu pe wessaik Kuwin Iulà! Itayappù iwelichak pen Iulà, molopai usewankono'ma ittu uya pen màlà!’ te pàk man tewan yau.

Revelation 7:17

Masapùla Kalinilu Mule aponnok yakkletau nai'nùk, wechi nen uchi màlà yesappe, molopai tuna tàwàlàlà tùwemassen, tùwa'munasen pen motak tok yalà ya màlà. Molopai Katù uya tamù'nawàlà tok yenu palu ya'munakka màlà tok yenu poi,” tukaik.