1 Corinthians 7:23 - Patamuna New Testament Revised

²³ Eye'mappù kon màlà epekkek ke, kappon yamùk poitolù pe kenattàu.

1 Corinthians 7:23 ပူးပေါင်းရင်းမြစ်များ

Matthew 6:24

“Ànù'là pùla iwechi màlà asa'lon kon itepulu yamùk yapyoto pe tùwessen. Yattai pùla tewinannà yeya'noma ya, molopai yakon kupù ya tù'nùn pe. Wapùla ailon pe iwechi màlà tewinan pàk molopai yakon yenpàtù ya. Asakklàma Katù molopai pùlayatta yesappe ewechi kon pen màlà eyepulu kon pe.

Yeunossak kon Wotokoyi 20:28

Amyamlo pe esentàk kon molopai tamù'nawàlà kalinilu yamùk anmainanpa kon pe Wakù Akkwalù nùtùlùssan yentàk kon. Kalinilu yesan kasa, Katù sochiyi tawon kon yewettàk kon, tùponaloppe ine'massan tùmu mùnù yai.

1 Corinthians 6:20

Ye'masak kon amyamlo epekkeppe. Màlàpàk uchi àpun kon ke Katù inamatàk kon.

Galatians 2:4

Sàlà kasa iwechippù màlà masapùla tùulon kon ina tonpa yamùk pe tukaik tùusenakassan uyàpùppù màlà ina kùlottak tùwanmùla Christ Jesus yau ina wemapù yense amak yai, molopai apyoto pe ina kusse.

Titus 2:14

Iwettùlùppù màlà kùponalok kon pe, kùpùikattàse tamù'nawolon àli winàpai molopai kùkonekase esukenan kon kappon yamùk tùponalok kon pe kulu neken molopai wakù ànkuppai nokon kulu pe neken.

1 Peter 3:18

Masapùla Christ welikùppù màlà tewin itekkwa; iwelikùppù màlà tamù'nawolon kon wettok àli pe pàkànsau, wakù kàyik welikuppù àli ton kappon yamùk ponaloppe, Katù piyak ayatok kon pe tùuya. Iwàtoppe ikupùppù màlà kappon welikù kasa molopai iwuluukappù màlà kappon pe pùla yakkwalù itesak pe;

Revelation 5:9

Tok uselenpappù emennak elen pàk: “Wakù pe messaik sàlà kaleta yekkwa'nài yeppe, molopai yachittok yamùk ikkwà'nài pe. Masapùla àwànàppù màlà, molopai àmùnù winà kappon yamùk ye'mappù auya man Katù ponaloppe, tamù'nawolon kon kappon yamùk kùlottapai, tùpatalo'nan kon imaimu, tùpatalo'nan kon ikkok, molopai tùpatalo'nan kon kappon yamùk.