1 Corinthians 7:17 - Patamuna New Testament Revised

¹⁷ Tàwà tamù'nawolon kon nemapùi Itepulu uya tùlepatok kon lepantok yawàlà, Katù uya tùkà'mappù kon kasa. Sàlàichi màlà unekama tamù'nawàlà sochi yamùk tau.

1 Corinthians 7:17 ပူးပေါင်းရင်းမြစ်များ

Matthew 19:12

Tùulon kon mùkyamlo tùwemali'masan pen. Masapùla màlà kasa tùwentusak kon pàk, tùulon kon molonkonnà tùwemali'masan pen kappon yamùk uya tùkussak kon màlà kasa pàk, molopai tùulon kon tùwemali'masan pen itepulu pe we'nàtok epùn po pàkànsau. Ànù'là sàlà yanùnnài uya yanùmù màlà,” teppù Jesus uya.

1 Corinthians 10:32

Ànù'là wettatai'matok ipona woton kùkkonekatàu, Jew yamùk pe là iwechi wapùla Jew yamùk pen nà wapùla Katù sochiyi tawon kon nà.

1 Corinthians 11:16

Anù'là wechi sàlà pàk e'naikapai yau, sàlà kasa neken màlà tamù'nawàlà Katù sochiyi yamùk tau màlà yamùk wekkupù, tùpatalon eselu woton pùla iwechi màlà.

1 Corinthians 11:34

Molopai ànù'là wapàkkassak yau, tàwà nùta'lettài tùpata po, Katù uya atalumattà kon tukaik ewepilipù kon tamùkke pàk. Tùulon kon upàk enekamappoppù kon yeleutanùpù uya màlà uyàssak yau suwa mettàik tetoppe uya.

1 Corinthians 14:33

Masapùla Katù mùkkàlà utaimelunpantok Katùyi pen tùse tùwanmùla we'nàtok Katùyi. Tamù'nawàlà sochi tawon kon kùlottau nossan yamùk eppana tùwessan.

1 Corinthians 16:1

Masa uchi pùlayatta Katù ponalok kon kappon yamùk pùikattàtoppe tanùnsen pàk uselupai'che. Unekamappù Galatia pon sochi yamùk pàk ikuttàk kon.

1 Corinthians 4:17

Sàlà kasa iwechi pàk Timothy teunossaik apyakù'nokon, umu u'nùn pe unkupù, ailon pe tùwessen mùkkàlà Itepulu yau. Christ Jesus yau wemattok yekama tukka ya màlà àpàkù'nokon, enupantok uya tamù'nawàlà i'nailàlà sochi yamùk tau kasa iwechi ittu kon pa.

1 Corinthians 7:18

Jew yamùk yeselu yau na' kàyik yattàkassappe iwechippù màlà ikà'ma yattai? Tùwemyakanmaiche iwechi pen màlà. Kàyik yattàsappe pùla na' iwechippù màlà ikà'ma yattai? Yattà kùsettak.

1 Corinthians 7:24

Utonpa yamùk, emennappe ewemattok kon yau ettàk kon àkà'ma kon Katù uya yattai ewechippù kon kasa.

1 Corinthians 7:7

Tamù'nawàlà lànen kàyik yamùk wechi ukasa iche wessaik. Tùse iponalà'ne kappon yamùk lepatok wechi màlà Katù winàpaino, tewinan lepatok sà yekkwa, molopai tùulon mà yekkwa.

2 Corinthians 11:28

Tùulon nà tekamaik pùla, wei kaichalà usenumenkatok tamù'nawàlà sochi yamùk pàk eme'nek pe kulu upo man.

2 Corinthians 8:18

Ya'là tùwe'wotokoma kon tonpa yeunossan ina. Mùkkàlà tùnamasen tamù'nawolon sochi yamùk tau iwotokoyi Wakù Itekale yekama ya winà.

Galatians 1:22

Christ yawon kon sochi yamùk tawon kon Judea pon uya uyittu pùla iwechippù.

1 Thessalonians 2:14

Utonpa yamùk, amyamlo winàkàik màlà lùppù nekuttai, Katù ponalok kon Judea pon kon, Christ Jesus ponalok kon winàkàik iwekkussak lùppù walai. Màlà lùppù talumattàntok Jew yamùk uya ailon tawonnan talumattàppù kasa mettalumattàtantàu apata yawon kon winà là kan.

2 Thessalonians 1:4

Màlà kasaichi iwechipàk ayapulà kon pe ina tùuselupasan àpàkù'nokon Katù sochiyi yamùk tau, ailon tetok auya'nokon yau tamù'nawolon nà ewettalumattàtok kon yau molopai màlà yamùk yawà mùtàyatài'nùk pàlika pàk ewechi kon pàk.