1 Corinthians 6:9 - Patamuna New Testament Revised

⁹ Ittuichi auya'nokon pùla nai àli ton uya Katù wettok itepulu pe patassek yepolo pe pùla iwechi? Kesenkuttàtàu uchi. Imakuyippù pe tùwessen tesak ke, wapùla ailon pen katù yemloto po tùwepeimasan, wapùla tùulon noppù pokonpe tùwessan, wapùla tùwalai pokonpe àli ku'nàinan, kàyik pokonpe tùwessen kàyik,

1 Corinthians 6:9 ပူးပေါင်းရင်းမြစ်များ

Matthew 19:29

Molopai tamù'nawolon kon tùwùk kon nànnàinannùssan, wapùla tùlunan yamùk tùpachi ton, wapùla tùkàipùnù kon, tùsan kon, tùmunkà kon yamùk wapùla tù'mà kon nànnàinannùssan upàkànsau uya, 100 pe itekkwa yepolo màlà molopai tàwàlàlà wema'nàtok yepolo ya.

Matthew 25:34

Màlàyau nen uchi Kin uya kappon yamùk tùkamikù pen winon kon pàk, ‘Àittàk kon! Ukàipùnù nùpùlemassan. Àittàk kon itepulu pe ewettok kon patassek yepotanùttàk kon, ikonekasak lùppù àponalok kon pe wolù wekonekappù motapai.

Luke 21:8

Jesus uya wateppù, “Enpen ettàk kon eyennaka kon kùsettak! Masapùla tukkan kon uyàpù màlà uyesek yau, ‘Iulàichi mùkkàlà Christ!’ molopai, ‘Pata weyu uyàssak uchi man!’ tei'ma. Tùse tok ya'là kùtàtàu.

Yeunossak kon Wotokoyi 20:32

“Sàlà nen uchi ànonka kon uya Katù yemyak wakù pe imaimu wettok yak. Eyemokkanài pe iwechi màlà molopai elepaya màlà enepolo ke tamù'nawolon kon esuken iwekonkasak kon kùlottau.

Yeunossak kon Wotokoyi 24:25

Tùse Paul wechi tùuselupa pàk lùppù ikasa we'nàtok pàk, iwalàwannà esak pe, molopai Katù piyak wepili'nàtok ittuntoppe ya pàk tùse, Felix usenalipappù màlà. Màlàyau, “Itàkàichi àkà'ma tu'ma uya màlà, àkà'matok uya yattai yeposak uya yau,” teppù.

Romans 1:18

Katù we'naikatok usenpoikasak man epùn winàpai. Iyàssak màlà tamù'nawolon àli ton molopai àli pe kappon yamùk wettok pona, mùkyamlo àli pe tùwettok kon yeselu ke ittutoppe pùla ailon wakkàssai'nannùk pona.

1 Corinthians 15:33

Eyennaka kon kùsettak “Àli iwechiyakon pe we'nà màlà wakù eselu mattanù'nài.”

1 Corinthians 15:50

Sàlà tekamayaik àpàku'nokon utonpa yamùk, pun molopai mùn uya Katù wettok itepulu pe yepolo pen màlà, molopai tùukàtasen uya tùukàtasen pen yepolo pùla iwechi màlà.

1 Corinthians 3:16

Mùttuyatàu uchi amyamlo nàlà wechi Katù yùwùppe, molopai Katù Yakkwalù wemapù ayau'nokon?

1 Corinthians 5:1

Sàlà pe imakuyippù pe tesak kon ke anùkyan là wessa'man àkklottau'nokon, àli pe kulu man, ailon Katù ittunnan pen kùlottau tùwekkussen pen màlà. Masapùla yekamasak man upàk kàyik wemapù tùkàipùnù noppù pokonpe.

1 Corinthians 5:10

Sàlà wolù yawon kon nà tesak kon ke imakuyippù pe tùwessan, wapùla tùuseka'nonkasan, wapùla amak ton wapùla ailon pen katù yemloto po tùwepeimasan te uya pen. Màlà kasa nen iwechi yau sàlà wolù nàmà auya'nokon màlà.

1 Corinthians 5:11

Tùse làkku Kappon, àtonpa kon ailon tawon pe tùusesassen echii'ma àli ku'nài tesak ke, wapùla tùuseka'nonkasen, wapùla ailon pen katù yemloto po tùwepeimasen, wapùla àli pe tùulon winàkàik tùuselupasen, wapùla tùwetùnsen, wapùla amappe tùwessen pokonpe kettàu te uya nen màlà. Mùkkàlà yekkwa là pokonpe kata'lettàtàu.

1 Corinthians 6:10

wapùla amak pe tùwessan, wapùla tùuseka'nonkasan, wapulà tùwetùnsan, wapùla tùulon kon pàk tùuselupasan àli pe, wapùla lapumannan uya Katù wettok itepulu pe yepolo pen màlà.

1 Corinthians 6:18

Imakuyippù pe esak ke we'nàtok winàpai epetàk kon. Tamù'nawàlà tùulon kon yamùk àli ton wechi màlà tesak ke pùla kappon nùkupù pe, tùse imakuyippù pe nelaikayai'nùk wemakuima màlà tùpun winàkàik.

1 Corinthians 6:19

Ittuichi auya'nokon pùla nai àpun kon wechi Wakù Akkwalù yùwùk pe, nemassai'nùk ayau'nokon, Katù winà enepoloppù kon? Àponalok kon pen amyamlo.

1 Corinthians 9:24

Ittuiche auya'nokon pùla nai wapplùnnàtok yau tamù'nawàlà tùwapplùnsan wapplùmù, tùse tewinnan neken uya tepeppù yepolo? Màlàpàk uchi aitun pe itàtàk eyepeppù kon yepolo kon pa.

2 Corinthians 12:21

Usenalipayaik uyàttumasak yau Ukatùyi uya ukuli'ma yeselùkek iwechi pàk eyemloto kon po. Ukalawù màlà tukkan kon, mùkkyamlo iwemakuimasak kon nùssan pena molopai iwelattàsak kon àli ton winàpai pen wenai, àli pe tùwemattok kon yau tùwessan, tesak kon ke àli pe tùwessan molopai esak wettok ànkuppai ku'nàinan.

Galatians 6:7

Kesenkuttàtàu, ànù'là uya Katù mottùnpa pen màlà. Kappon uya màlà tùnpàmàppù mokka.

Colossians 3:5

Màlà yamùk àli ànkuppai we'nàtok ne'wotokomayai'nùk ayau'nokon inonkatàk kon. Àli imakuyippù kuttok esak ke, esuken pùla we'nàtok, ipàlika yentai àli ànkupai we'nàtok màlàwannà ke, tùuseka'nonkaik we'nàtok inonkatàk. (Masapùla tùuseka'nonkaik we'nàtok màlà tùulon katù yemlotopo wepeiman walai).

Hebrews 12:14

Ànùttu kon ikuttàk echitonpa pe ewemapùkonpa tamù'nawolon kon kappon yamùk pokonpe, molopai wakù pe esuken wema'nàtok iche ettàk kon, masapùla ànù'là wakù pe esuken wema'nàtok yawolonnà pen uya Itepulu yene pen màlà.

Hebrews 12:16

Elannek pe ettàk kon ànù'là uya àli kupù tesak ke tukaik wapùla ànù'là wechi Katù pùn kasa tukaik. Esau kasa, mùkkàlà tùpatassek wapiya iwentusappe tùwechi nepolo chilanmanàippù, tewin itekkwa tùnassen kùyali yepeppe.

Hebrews 13:4

Tàwà tamù'nawolon kon wemali'mantok tùnamaik nechii. Molopai tàwàlàlà atayappù wapùla ànoppù kon winàkàik ailon pe ettàk. Masapùla Katù uya àli ku'nài nan tesak kon ke molopai tùnmali'mappù kon pen pokonpe tùwessan talumattà màlà.

James 1:16

Màlàpàk kesennakatàu, utonpa yamùk u'nùn ton!

1 John 3:7

Umunkà yamùk, ànù'là eyennakatakù'nokon, ànù'là ikasa, nai'nùk ku'nài wechi màlà ikasa, Christ wechi ikasa kasa.

Revelation 21:8

Tùse tùusenalippasan molopai ailon tawonnan pen, mùkkyamlo àli pe tùwessan, wànnan, tesak ke àli ku'nàinan, mùkyamlo piyassan yeselu ku'nàinan molopai ikonekasak katù yapulànnan, molopai tamù'nawàlà kasei ton uya tùnepolo kon yepolo màlà eke kulu apok tùuyassen patassek molopai kulupala kasa tùkà'nùnsen yau, màlà yakon itekkwa pe weli'nàtok,” teppù ya nàlà.

Revelation 22:15

Tùse polopo màlà a'a yamùk wechi, mùkyamlo piyassan yeselu ku'nàinan, molopai àli ku'nàinan tesak kon ke, wànnan, Katù pen ikonekasak yemlotopo tùwepeimasan, molopai mùkyamlo tamù'nawàlà kasei ton asakklàma tùuselupatok kon yau molopai tùwelaikatok kon yau.