1 Corinthians 6:3 - Patamuna New Testament Revised

³ Inchelù yamùk kottùma pe ken na' iwechi ittu auya'nokon pùla nai? Yà'là kasa nen uchi sàlà wema'nàtok yau nai'nannùk!

1 Corinthians 6:3 ပူးပေါင်းရင်းမြစ်များ

Matthew 25:41

“Màlàyau nen uchi tùkamikù winon kon pàk, ‘Itàtàk kon uwinàpai, amyamlo ipa'nù'nàssak kon! Itàtàk kon tàwàlàlà tùuyassen apok yak, ikonekasak lùppù Tepùlù molopai itinchelùyi yamùk ponaloppe yak!

Luke 21:34

“Enpen uchi ettàk kon! Eke pe uta'lettàntok molopai wetùnnàtok pàk kettàu, molopai salà motau wema'nàtok pàk utaimelunpantok ke kanùttàu, yattai pùla màlà wei uyàpù màlà àpona'nokon asse'ne ittu auya'nokon pùla male kasa.

Luke 8:14

Tùpànsen iwepukasak lùppù àmà’nàttak uya yekama nai'nùk, mùkyamlo Katù Maimu yetan nan. Tùse te'ma kon tawàlà tok utà yau wema'nàtok pàk utaimelunpantok, temamin ke we'nàtok, molopai sàlà motawon pàk utauchinpantok màlà yeulankanài. Tok wepeta pen.

Romans 6:16

Mùttuyatàik, imaimu yawàlà ewettok kon poitolù ton amyamlo, ewechi kon, makui maimu yawàlà ewechi kon yau, weli'nàtok ne'nài pe nai'nùk, wapùla ikasa we'nàtok Katù pokonpe ne'nài maimu yawàlà.

1 Corinthians 6:15

Ittuichi auya'nokon pùla nai Christ pùkkù pe eyesak kon yamùk wechi? Christ pùkkù yamùk na' mokka uya màlà molopai kàyik yamùk yemyak tùwechilanmasen nossan pùkkù pe ima uya? Kane. Iwekkupù pen!

1 Corinthians 6:16

Ittuichi auya'nokon pùla nai, mùkkàlà, kàyik yamùk yemyak tùwechilanmasen nossan pùkkù pe nenayai'nùk wechi tesak kon yau tewin ipokonpe? Katù Maimu uya, “Asa'lon kon wena màlà tewin ipun.” te kasa. {Gen 2.4}

1 Corinthians 6:19

Ittuichi auya'nokon pùla nai àpun kon wechi Wakù Akkwalù yùwùk pe, nemassai'nùk ayau'nokon, Katù winà enepoloppù kon? Àponalok kon pen amyamlo.

1 Corinthians 6:4

Yà'là pe ken iwechipàk àusàlàmatok kon sàlà yamùk pàk yanài nan amyamlo, sochi tawon kon nùttu wakù pe iteselu pen ton piyak kottù pàk?

2 Timothy 2:4

Soicha yamùk mùkyamlo yà'là yekkwa là tùwotokoyi kon pen ku'nài pen tùse tepulu tanùnnàippù, anauchinpapaino kon kulu neken mùkyamlo.

2 Timothy 4:10

Màlà yamùk Katù winàpai lattànài nan kusan Demus tùwakùli pe molopai unonkappù ya man; ittàppù man Thessalonica pona. Crescens utàppù Galatia pona, molopai Titus utàppù Dalmatia pona.

2 Peter 2:4

Masapùla inchelù yamùk àli pe iwessak kon yenpàtù Katù uya pùn tok wepetoppe Ittuntok winàpai, tùse tok yenu'mappù ya, màlà motau tok wechi màlà yaulonsak pe ewalupàttau, Ittuntok Weyu màmuku pàk.

Jude 1:6

Inchelù yamùk ittutàk kon wapiyalok tùpatassek kon yau iwessak kon pen, tùse tùpatassek kon nànnài nan nùssan. Katù uya tok kussak màlà ewalupà yau, tok taulonse tàwàlàlà Eke Wei ponalà, tok talumattà toppe.