1 Corinthians 5:13 - Patamuna New Testament Revised

¹³ Katù uya nen màlà sochi tawon kon pen talumattà. “Àli kappon yenpakkatàk àkklottapai'nokon”te Katù Maimu uya kasa. {Deu17.7; Deu 19.19; Deu 21.21; Deu 22.21; Deu24.7}

1 Corinthians 5:13 ပူးပေါင်းရင်းမြစ်များ

Matthew 18:17

Tùse yeta ya pùla iwechi yau, mekamatàik sochi tawon kon pàk. Molopai sochi tawon kon yeta ya pùla iwechi yau, Katù ittunài pen kasa mùkuttàik wapùla pùlayatta pili'nài kasa,” teppù Jesus uya.

Yeunossak kon Wotokoyi 17:31

Masapùla tamù'nawolon kon kappon yamùk sàlà non pon kon ittutok tùuya wakù pe tùwettok yau yattai konekasak ya màlà, mùkkàlà kàyik tùnanùmùppù winà. Sàlà yenpoikappù ya màlà tamù'nawolon kon pàk, mùkkàlà kàyik wuluuka tùuya weli'nàtok yapai winà!” teppù Paul uya.

Romans 2:16

Sàlà wekkupù màlà Katù uya Jesus winà tamù'nawolon tonantawon kon kappon yamùk yewan yawon ittutok weyu yattai, itekale unekama uya yekama kasa.

1 Corinthians 5:1

Sàlà pe imakuyippù pe tesak kon ke anùkyan là wessa'man àkklottau'nokon, àli pe kulu man, ailon Katù ittunnan pen kùlottau tùwekkussen pen màlà. Masapùla yekamasak man upàk kàyik wemapù tùkàipùnù noppù pokonpe.

1 Corinthians 5:2

Itepalan pe mekkussatàik! Eusewankono'ma kon pùlan pe'nai? Tàwà mùkkàlà, màlà yekkwa ku'nàippù yenpakka nechii àkklottapai'nokon.

1 Corinthians 5:5

Settan yemyak pùsàlà kàyik mùtùtàik ipun umattatoppe, yakkwalù wepùikattàtoppe Itepulu Weyu yattai.

1 Corinthians 5:7

Ipoippà apuluwetanù'nài imokkakà, emennappe nen uchi ewechi kon pa apuluwetanù'nài pùla, messatài'nùk kasa kulu. Masapùla Christ kùponalok kon Usentakantok kaliniluyi lùkkwà wàsak pàk.

Hebrews 13:4

Tàwà tamù'nawolon kon wemali'mantok tùnamaik nechii. Molopai tàwàlàlà atayappù wapùla ànoppù kon winàkàik ailon pe ettàk. Masapùla Katù uya àli ku'nài nan tesak kon ke molopai tùnmali'mappù kon pen pokonpe tùwessan talumattà màlà.

2 Peter 2:9

Màlàpàk Itepulu Jesus mùkkàlà i'nai kasa Katù pùnùnmannan pùikattàtok tùuya tok wettalumattàtok winàpai ittunài, molopai i'nai kasa àli ton kuttok tùuya wettalumattàntok yo'no ittunài Ittuntok Weyu ponalà,