1 Corinthians 5:11 - Patamuna New Testament Revised

¹¹ Tùse làkku Kappon, àtonpa kon ailon tawon pe tùusesassen echii'ma àli ku'nài tesak ke, wapùla tùuseka'nonkasen, wapùla ailon pen katù yemloto po tùwepeimasen, wapùla àli pe tùulon winàkàik tùuselupasen, wapùla tùwetùnsen, wapùla amappe tùwessen pokonpe kettàu te uya nen màlà. Mùkkàlà yekkwa là pokonpe kata'lettàtàu.

1 Corinthians 5:11 ပူးပေါင်းရင်းမြစ်များ

Matthew 18:17

Tùse yeta ya pùla iwechi yau, mekamatàik sochi tawon kon pàk. Molopai sochi tawon kon yeta ya pùla iwechi yau, Katù ittunài pen kasa mùkuttàik wapùla pùlayatta pili'nài kasa,” teppù Jesus uya.

Matthew 23:25

“Àsà pe iwechi màlà àpona'nokon Law pàk enupannan, molopai Pharisee yamùk! Tùusennakasan amyamlo! Àkokù kon molopai apalapiyi kon kukannan polopo, tùse yau useka'nonkantok molopai iwalàwannà iche we'nàtok kuttok ke iwanùsak man.

Luke 18:11

Pharisee we'wuluukappù molopai iwàpùlemappù, ‘Tenki ukayaik àpàk, Katù, tùulon yemamin iche tùwessen pe pùla wechi pàk, kasei pe pùla wechi pàk, wapùla àli pe tùwelaikasen pe pùla wapùla àli ku'nài pe pùla wechi pàk, tamù'nawolon kon kasa pùla wechi pàk. Tenki ukayaik àpàk mùkkàlà pùlayatta pili'nài kasa pùla wechi pàk.

Luke 21:34

“Enpen uchi ettàk kon! Eke pe uta'lettàntok molopai wetùnnàtok pàk kettàu, molopai salà motau wema'nàtok pàk utaimelunpantok ke kanùttàu, yattai pùla màlà wei uyàpù màlà àpona'nokon asse'ne ittu auya'nokon pùla male kasa.

Yeunossak kon Wotokoyi 1:15

Màlà yattai ailon tawonnan wepilipùppù. 120 pe tok wechippù màlà tamù'nawàlà molopai Peter wà'mùssakkappù eselupase.

Yeunossak kon Wotokoyi 9:17

Màlàpàk Ananias utàppù, iwewomùppù tapùi tak molopai temyatù tùlùppù ya Saul pona. “Utonpa Saul, Itepulu uya uyeunossak sàlà, Jesus uya. Mùkkàlà mentai nùk asantau àuyàpù sàlà motak yau. Uyeunossak ya sàlà yene pa tu'ma, molopai Wakù Akkwalù ke awanùppù pa,” teppù ya.

Romans 13:13

Welaikanpai'nokon uchi wakù pe, kappon yamùk weinai tùwemassan kasa, tùwechipottùmase là pùla tùwentaimepàsse pùla wapùla wetùnnàtok pùla, àli imakuyippù ànkuppai esak wannà ke we'nàtok pùla wapùla esak wettok ànkuppai pùla, wepanta'mantok pùla wapùla kùlùmàlunnàtok pùla.

Romans 16:17

Apawanatàyataù Iulà utonpa yamùk, elanneppe ettàk kon mùkyamlo wepantakantok ku'nàinan, molopai kappon yamùk uya ailon tetok yaimelunpannan pàk. Mùkyamlo uya enupantok ananùmùppù kon kupù tùwakùli kon pe pùla màlà, tok tonpa pe kettàu.

1 Corinthians 10:14

Màlàpàk utonpa yamùk, ailon pen katù yamùk winàpai ettàk kon.

1 Corinthians 11:21

Masapùla auta'lettà kon yau, eyiwalà'nokon tùuta'lettàsan amyamlo ànù'là tùmàmusse pùla, tùulon wapàkkassak tùwessen molopai tùulon wetùnsak.

1 Corinthians 5:13

Katù uya nen màlà sochi tawon kon pen talumattà. “Àli kappon yenpakkatàk àkklottapai'nokon”te Katù Maimu uya kasa. {Deu17.7; Deu 19.19; Deu 21.21; Deu 22.21; Deu24.7}

1 Corinthians 6:10

wapùla amak pe tùwessan, wapùla tùuseka'nonkasan, wapulà tùwetùnsan, wapùla tùulon kon pàk tùuselupasan àli pe, wapùla lapumannan uya Katù wettok itepulu pe yepolo pen màlà.

1 Corinthians 6:6

Tùse nen uchi tewinannà utà màlà law yekalepàk tùulon kottùmatoppe, molopai ailon tawonnan pen yemloto pona.

1 Corinthians 6:9

Ittuichi auya'nokon pùla nai àli ton uya Katù wettok itepulu pe patassek yepolo pe pùla iwechi? Kesenkuttàtàu uchi. Imakuyippù pe tùwessen tesak ke, wapùla ailon pen katù yemloto po tùwepeimasan, wapùla tùulon noppù pokonpe tùwessan, wapùla tùwalai pokonpe àli ku'nàinan, kàyik pokonpe tùwessen kàyik,

1 Corinthians 7:12

Tùulon kon pàk wa ukayaik, Itepulu pe pùla nen uchi. Ailon tawon kàyik wechi ailon tawon pen inoppù pe yau, molopai ipyau tùwemapù pàk ichenumenkasak yau, inonka ya pen màlà.

1 Corinthians 7:15

Tùse ailon tawon pen wechi tùwechi yakon ànnonkapai yau, tàwà nùkupùi. Ailon tawon kàyik wapùla nossan wechi yewattàsappe pen màlà, màlà kasa iwechi yau Katù uya kà'mansakù'nokon màlà wakù pe tùutaimelunpaik pùla wema'nàtoppe.

1 Corinthians 8:11

Màlàpàk pùsàlà attu'mùn àtonpa kon, Christ welikùppù iponaloppe lùppù umattasak màlà ittutok auya'nokon winà.

Galatians 2:12

Kàyik yamùk uyàpù James piyapai wapiya, Peter wechippù tùuta'lettàsen pe Jew yamùk pen pokonpe. Tùse tok welepansak yau, iitamappù tok winàpai molopai Jew yamùk pen pokonpe pùla iwechippù, masapùla ichenalippappù màlà Jew yamùk pen anattàpai tùwessan pàk.

Ephesians 5:18

Meluntà tinchisen ke ketùntàu, amattanùpù kon ya neken màlà. Tùse làkku Wakù Akkwalù ke anùttàk kon.

Ephesians 5:5

Masapùla sàlà mùttuyatàik: ànù'là màlà yamùk ku'nài wapùla tùuseka'nonkasen uya yà'làlà yepolo pen màlà Christ molopai Katù winàpai, masapùla ànù'là yemamin iche we'nàtok wechi màlà weppeimantok itemlotopo pe.

Colossians 3:5

Màlà yamùk àli ànkuppai we'nàtok ne'wotokomayai'nùk ayau'nokon inonkatàk kon. Àli imakuyippù kuttok esak ke, esuken pùla we'nàtok, ipàlika yentai àli ànkupai we'nàtok màlàwannà ke, tùuseka'nonkaik we'nàtok inonkatàk. (Masapùla tùuseka'nonkaik we'nàtok màlà tùulon katù yemlotopo wepeiman walai).

2 Thessalonians 3:14

Molo ànù'là wechi màlà itekale, ina neunossai'nùk sàlà kaleta yau, maimu yawàlà tùwechi woton pen. Tùse meneik, sàlà kasa iwechi yau, tàwà nechii ipokonpe kechii, iwekkuli'matoppe.

2 Thessalonians 3:6

Itepulu Jesus Christ yesek yau meluntà pe eyelupayatàu ina, ina tonpa yamùk, mùkyamlo emya'neppe nai'nan nùk kùtonpa yamùk kùlottau kettàu, eyenupatok kon ina uya yawàlà pùla nai'nannùk kùlottau.

1 Timothy 3:3

Tùwetùnsen pe pùla, wapùla àsà pe tùwessen pe pùla, tùse yà'làlà pàlikanài pe molopai echitonpa pe, pùlayatta pùnùnmanài pe pùla.

1 Timothy 6:5

Molopai mùkyamlo usàulàma echipalà uya tok usenumenkatok mattanùssak màlà, molopai ailon pùnon mùkyamlo. Tukke mamin yesappe wenantok iwinà pe sàlà enupantok maimu yawàlà we'nà wechi pe yekama tok uya màlà.

2 John 1:10

Ànù'là uyàssak apyak sàlà Christ maimu ne'nài pen wechi yau, kùsewonnùpùi àwùk tak, molopai, “Echitonpa pe we'nàtok wechi màlà apyau,” kùkai là.

Revelation 2:14

Tùse molo man tukkan pen nà ikasa pùla ewechi pàk ewinàkàik usenumenkatok. Tùulon kon àkklottau'nokon man Balaam uya enupantok ku'nài nan. Balak yenupappù ya màlà Israel pon kon wemakuima toppe ikuttoppe ya Katù pen yemyak itùsak lùppù kùyali nattoppe tok uya. Molopai tok uya àli imakuyippù kuttoppe tesak kon ke.

Revelation 2:20

Tùse sàlàichi màlà usenumenkatok ewinàkàik. Mùkkàlà nossan Jezebel pàlikanài àmàlà, mùkkàlà Katù Maimu yenpoikanài pe tukaik tùusesassen. Uyapyoto yamùk yenupanài mùkkàlà àli imakuyippù kuttoppe tok uya tesak kon ke, molopai Katù pen yemyak itùsak kùyali nattoppe tok uya iku'nài.

Revelation 21:8

Tùse tùusenalippasan molopai ailon tawonnan pen, mùkkyamlo àli pe tùwessan, wànnan, tesak ke àli ku'nàinan, mùkyamlo piyassan yeselu ku'nàinan molopai ikonekasak katù yapulànnan, molopai tamù'nawàlà kasei ton uya tùnepolo kon yepolo màlà eke kulu apok tùuyassen patassek molopai kulupala kasa tùkà'nùnsen yau, màlà yakon itekkwa pe weli'nàtok,” teppù ya nàlà.

Revelation 22:15

Tùse polopo màlà a'a yamùk wechi, mùkyamlo piyassan yeselu ku'nàinan, molopai àli ku'nàinan tesak kon ke, wànnan, Katù pen ikonekasak yemlotopo tùwepeimasan, molopai mùkyamlo tamù'nawàlà kasei ton asakklàma tùuselupatok kon yau molopai tùwelaikatok kon yau.