1 Corinthians 4:5 - Patamuna New Testament Revised

⁵ Màlàpàk yà'làlà kùkkottùmatàu iwalai iweyu wapiya, Itepulu uyàpu imàmuttàk. Ewalupàttau yonansappe tùwessen nepù ya màlà akkwa yak molopai kappon yamùk usenumenkatok tok yewan yawon yenpoika ya màlà. Màlà yattai Katù winàpaino apulàntok yepolo tok uya màlà tewin pà'ne.

1 Corinthians 4:5 ပူးပေါင်းရင်းမြစ်များ

Matthew 10:26

“Kappon yamùk pàk kesenalippatàu. Yà'làlà iwaputtàsak nai'nùk wapukka màlà, molopai tamù'nawolon tonantau nai'nùk ittu màlà.

Matthew 24:30

Màlàyau nen uchi Kàyik Mumu yentok ipàkàlà woton usenpoika màlà kak yau. Màlàyau nen uchi tamù'nawolon kon kappon yamùk non pon kon kalawù màlà. Kàyik Mumu uyàpù katuppluk po epùn poi, meluntà pe molopai eke pe akkwa pokonpe yene tok uya màlà.

Matthew 24:46

Tùutauchinpasen mùkkàlà apyoto, tepulu uya teposak yau, màlà kupù tùuya tùse iwennapposak yau!

Matthew 25:21

‘Wakù kussak auya man, wakù molopai ailon uyapyoto! Ailon pe ewessak man malalon nùkkwà pùlayatta pilipù pàk, màlàpàk àtùlù uya màlà eke yesappe ewechi pa. Àikkà utauchinpa tonpa pe ewechi pa!’ teppù itepulu uya.

Matthew 25:23

‘Wakù kussak auya man! Wakù molopai ailon uyapyoto, ailon pe ewessak man malalon nùkkwà pùlayatta pilipù pàk. Màlàpàk àtùlù uya màlà eke mainanpa pa. Àikkà molopai utauchinpa tonpa pe ewechi pa,’ teppù itepulu uya.

Luke 6:37

“Ànù'là winàkàik àli pe kesenumenkatàu àli pe usenumenkan ewinàkàik tukaik. Ànù'là kùttalumattàtàu, Katù uya atalumattà kon tukaik ànù'là pàk mesentuppatàik molopai Katù usentuppa màlà àpàkù'nokon.

John 21:22

Jesus uya Peter pàk, “Pàli'yau iwechi uyàpù ponalà iche wechi yau, màlà wechi ken yà'là pe àpona? Kùwenaimakà kulu àmàlà pe,” teppù.

John 21:23

Màlàyau itekale utàppù Jesus nenupa ton tonpa lùssan kùlottau mùkkàlà kulu inenupappù welikù pen, tukaik, tùse Jesus uya, “Iwelikù pen màlà,” teppù pen, tùse, “Pàli'yau iwechi uyàpù ponalà iche wechi yau, yà'là pe ken màlà wechi àpona?” tesak ya pàk neken.

John 5:44

Essentak atapulàpainokon amyamlo, tùse Katù winàpaino neken apulàntok yepoloiche ewechi kon pen. Yà'là kasa ken ailon te auya'nokon?

Romans 14:4

Ànùk ken àmàlà tùulon yapyoto talumattà pa? Itepotolù nen mùkkàlà wakù kù'nài pe tapyoto wechi wapùla wakù ku'nài pe pùla iwechi ittunài, Itepotolù mùkkàlà wakù pe ken naikko tawon imasapùla Itepotolù uya ikupù màlà wakù kuttoppe ya.

Romans 2:1

Màlàpàk uchi ewe'waputtàtok ike pùla iwechi màlà, masapùla tùulon kon pàk, “Suwa iwechi,” tawon àmàlà, àpàk wa te auya pe iwechi màlà masapùla màlà lùppù tok nùkussai'nùk kupù auya pàk.

Romans 2:16

Sàlà wekkupù màlà Katù uya Jesus winà tamù'nawolon tonantawon kon kappon yamùk yewan yawon ittutok weyu yattai, itekale unekama uya yekama kasa.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

1 Corinthians 1:7

Màlàpàk i'nai yekkwa là lepantok Wakù Akkwalù winàpaino pùla ewechi kon pen màlà, Kùyepulu kon Jesus Christ usenpoika màmuku pàk ewechi kon yau.

1 Corinthians 11:16

Anù'là wechi sàlà pàk e'naikapai yau, sàlà kasa neken màlà tamù'nawàlà Katù sochiyi yamùk tau màlà yamùk wekkupù, tùpatalon eselu woton pùla iwechi màlà.

1 Corinthians 11:26

Masapùla yà'là yekkwa yattai là sàlà pùlomù pusak napù auya'nokon yau, molopai sàlà kok yapai tinchisen inchi auya'nokon yau, Itepulu welikùppù yekama pe ikupù auya'nokon màlà iyàpù ponalà.

1 Corinthians 15:23

Tùse tamù'nawolon kon wechi echipàkàlà, Christ, tamù'nawolon kon wapiyalok, molopai nen uchi iyàpù yattai mùkyamlo iponalok kon.

1 Corinthians 3:13

iwotokoyi lùppù yenpoika màlà i'nai yekkwa pe là iwechi. Masapùla Wei uya inepù màlà akkwa yak. Apok ke yenpoika màlà, molopai apok uya màlà ittu i'nai kasa là tewin pàk kappon wotokoyi lùppù wechi.

1 Corinthians 3:14

Walùppù ànù'là namùppù wechi iyatùppù pùla yau, e'mantok yepolo ya màlà.

1 Corinthians 3:8

Tùpatalà'ne là ipànnài molopai iki'nài tawonnan wechi pen nai'nùk. Molopai tok ye'matok wechi màlà tok kaichalà tewin pàk tok wotokoyi lùppù pàkàlà.

2 Corinthians 10:18

Masapùla kappon yanùnnsak kulu màlà Itepulu uselupa wakù pe ipàk yau, tùpàk wakù pe ichelupa yau pùla.

2 Corinthians 10:9

Atalipaiche'nokon wechi pen ukaletayi yamù ke.

2 Corinthians 4:2

Tamù'nawolon tonantau tùkussen molopai kuli'manài eselu yamùk ku'nàinan pen ina, ànù'la yennakannan pen, ailon pe Katù Maimu yenpoikannan. Tùse làkku Katù uya màlà ailon pe ina uselupa yene molopai kappon yamùk uya nàlà ailon pe ina wechi ittu.

2 Corinthians 5:10

Masapùla tamù'nawolon kon kùmyamlo usenpoika màlà Christ uya ittuntok patassek yemloto pona, tamù'nawolon kon uya tùnepolo kon yepotoppe, wakù wapùla àli, sàlà non po tùwemapù kon yau tok nùkupùppù yawàlà.

1 Thessalonians 5:2

Masapùla amyamlo pe mùttuyatàik Itepulu uyàpù Weyu uyàpù amak uyàpù ewalupàttau kasa.

Hebrews 4:13

Yà'làlà wechi yonansappe pen màlà Katù winàpai, tamù'nawolon inkonekappù yau. Tamù'nawolon wechi màlà ayupo itenu yau. Molopai tamù'nawolon ikussak lùppù yekama màlà ipàk ailon pe.

James 4:11

Àtonpa kon kùttalumattàtàu, utonpa yamùk. Ànù'là tùtonpa talumattatànài wapùla “Suwa messaik” tawon, uselupa màlà Law Katù winàpaino winàkàik molopai italumattà ya. Law Katù winàpaino talumattà auya'nokon yau, imaimu yawolon pe ewechi kon pen màlà, tùse imottùnpanài pe ewechi kon.

James 5:7

Kesetakkatàu uchi imàmuttàk kon ipàlikatàk utonpa yamùk, Itepulu uyàpù ponalà. Imasa yentàk kon yà'là kasa là umà pànnài wechi tùusetakkaik pùla tùnpàmàppù umla molopai iwepeta màmuku pàk. Konok màmu'nài mùkkàlà, wapiyalok molopai emennùppù tùuyàssen konok màmu'nài.

James 5:9

Kàsàulàmatàu àtonpa kon winàkàik, utonpa yamùk, atalumattà kon tukaik. Talumattànài mei pùla man, iwekonekasak tùusenpoikatoppe.

1 Peter 1:7

Sàlà màlà meluntà pe ailon tetok auya'nokon wechi ittunài. Kolù, tùumattasen pe lànen nai'nùk màlà ittusak lùppù apok ke; màlàpàk uchi ailon tetok auya'nokon, wakù kolù yentai nai'nùk, ittu nàlà màlà meluntà pe iwettoppe. Màlàyau apulàntok wakù pe itekale we'nàtok molopai namantok yepolo auya'nokon màlà màlà Wei yattai Jesus Christ usenpoikasak yau.

1 Peter 5:4

Molopai Eke Kalinilu Yesak usenpoika yau, enkek alok, tàwàlàlà enkek pe molopai akkwa pe tùwessen yanùmù auya'nokon màlà.

2 Peter 3:12

Katù Weyu màmukui'ma'nokon, molopai ànùttu kon ikuttàk kon iyàttoppe yemittàpa pe. Màlà Wei kak uyattok molopai inmattatok yattai, molopai màlà yamùk kawon kon umatta màlà a'nek ke.

2 Peter 3:4

molopai: “Tùuyàpù teppù ya lùk ku, ewaik na'? I'nailà ken uchi nai? Kùtamo kon yamùk welikkapùppù man, tùse tamù'nawolon wa lùppù man iwechippù kasa wolù wekonekappù motapai!” te tok uya màlà.

Jude 1:14

Enoch, Adam pa 7 pe Adam ye'mappù pokon mùkkàlà pùsamlo pàk Katù Maimu yenpoikanàippù lùppù: “Yenkà! Itepulu uyàpù màlà tukkan kon kulu wakù ton inchelù yamùk pokonpe,

Revelation 1:7

Yentàk, nùyàssan katuppluk yau! Tamù'nawolon kon uya yene màlà. Mùkyamlo ipukapà'nài nan nùssan uya là. Tamù'nawolon kon kappon yamùk sàlà non pon kon usewankono'ma màlà iwenai. Ewaik, màlà kasa iwettok woton! Emen.

Revelation 20:12

Molopai yeneppù uya iwelichak kon lùssan eke ton molopai echikili ton, ekkaichalà, satippe aponnok yemloto po. Kaleta yamùk yakkokasak wechippù, molopai tùulon kaleta yakkokasak wechippù, wema'nàtok kaletayi. Iwelichak kon ittuppù màlà tok nùkupùppù yawàlà imenukasak kaleta yamùk yau pàkàlà.