1 Corinthians 4:4 - Patamuna New Testament Revised

⁴ Tùwanmùla nen usenumenkatok man, tùse màlà uya yà'là là àli ku'nàippù pe pùla ukupù pen màlà. Itepulu nen mùkkàlà uyittunài.

1 Corinthians 4:4 ပူးပေါင်းရင်းမြစ်များ

John 21:17

Jesus uya Peter pàk icholùwano itekkwa pe, “Simon, John mumu, à'nùn pe na' kùkussan?” teppù. Peter upokoitappù masapùla Jesus uya tùpàk icholùwano itekkwa pe, “À'nùn pe kulu na' kùkussan?” te pàk. Molopai Peter uya ipàk, “Uyepulu, tamù'nawolon mùttuyaik, mùttuyaik u'nùn pe àkupù uya,” teppù. Jesus uya ipàk, “Uyùkùn non kalinilu yamùk mewetùik,” teppù.

Yeunossak kon Wotokoyi 23:1

Paul uya Jew yamùk Yepulu yamùk yeneppù, “Utonpa yamùk! Tùwanmùla uyewan man Katù yemloto po wemattok yau sàlà wei tepose,” teppù ya.

Romans 2:13

Masapùla Law yeta tok uya winà neken nà ikasa kappon yamùk yanùnsak Katù pokonpe pen màlà, tùse làkku ikupù tok uya winà.

Romans 4:2

Ikasa iwettok yak yanùnsak Katù pokonpe inkupùssan winà yau, iitapulàtok ipàk wechippù sàlà molo. Tùse iitapulà là Katù yemloto po pùn.

1 Corinthians 4:3

Yà'là pe pùla iwechi màlà “Suwa man ” te auya'nokon yau, wapùla kappon winà là kottù yau wechi yau. Uyiwalà là yà'là kasa wechi ittuiche tùwessen pen Iulà.

1 Corinthians 4:5

Màlàpàk yà'làlà kùkkottùmatàu iwalai iweyu wapiya, Itepulu uyàpu imàmuttàk. Ewalupàttau yonansappe tùwessen nepù ya màlà akkwa yak molopai kappon yamùk usenumenkatok tok yewan yawon yenpoika ya màlà. Màlà yattai Katù winàpaino apulàntok yepolo tok uya màlà tewin pà'ne.

2 Corinthians 1:12

Sàlà màlà ina yauchinapanài. Ina usenumenkatok nekamayan tamù'nawolon ina nùkupùppù sàlà wolù yau, ailon pe wakù pe ina wechippù ànù'là tennakaik pùla, ina welaikatok ewinàkàik nokon yau kulu. Ina wessak man enpen Katù pàk ina pùikattàtoppe ya, sàlà non pon yapàiketù ke pùla.

2 Corinthians 5:10

Masapùla tamù'nawolon kon kùmyamlo usenpoika màlà Christ uya ittuntok patassek yemloto pona, tamù'nawolon kon uya tùnepolo kon yepotoppe, wakù wapùla àli, sàlà non po tùwemapù kon yau tok nùkupùppù yawàlà.